සහෘදයා

ඔබ මා හැර හිතන්නෙපා තව කෙකු ගැන

2011-12-01T09:51:00.001+05:30

ඔබ ගැන මගේ හිතේ තිබුන ආදරේ ගැන

ඔබ මිස වෙන කවුරුවත්ම දන්නෑ ඒ ගැන

ඔබ ගැන මිස හිතන්නේ නැහැ වෙන කෙකු ගැන

ඔබ මා හැර හිතන්නෙපා තව කෙකු ගැන

ඔබෙන් වෙන්ව ගෙවු සෑම තත්පරේ පවා

ඔබ නොදන්නවාට ඔබට ආදරේ කලා

ඔබෙන් ලැබුණු හාදුවේ සුව හදවතේ තියා

ඔබෙන් වෙන්ව ගියෙ දෑසේ කදුලු සගවලා

ඔබෙන් වෙන්ව හිටියත් දුර ඈතකට වෙලා

ඔබත් ඒක්ක ඉන්න ගොඩක් හීන බල බලා

ඔබෙන් ලැබුණු ඡායා රුව දිහා නෙතු හෙලා

ඔබෙන් ලෑබෙන සෙනේ විදිමි තනිව තනි වෙලා

සද අද තනි වී

2011-11-26T14:25:00.000+05:30

නිම් නැති අහසේ

සද අද තනි වී

තරුවක් නැති වී

සෙවුවා අහසේ

සෙවුවත් අහ....සේ..........

තරුවක් ගා....නේ...........

මා ළග උන් ඒ

තා..රු

කුමරී නැහැ නේ

සද ළග උන්..........තරු කුමරී.....

සද වෙනුවෙන්......උන් කුමරී.....

සද අතහැර............ගිය කුමරී.....

සද හැඩුවා...........මයේ කුමරී.....

සද නැති නම්.......මා නැතිවා.....

සද විතරයි.........මයේ කුමරා.....

සද තුරුලේ..............කී ඒවා.....

සද නැහැ අම.......තකකරලා.....

කන්ද උඩරට

2011-10-18T08:04:00.000+05:30

කන්ද උඩරටින් සැලේවී වගේ පිනි මුතු

කඩා හැලෙන දිය සළු වැනි සීත පිනි බිදු

තෙමා නහවා නංවා කය සීත හිරි ගඩු

නිවා ගිමන තවා ලමැද කරයි සිත් තුටූ

ගැටබේ බෝධිමළුවේ සිලි සිලිය පරයන

හෝ හඩ දී ගලා ඇදෙන නදිය අසබඩ

මල් පියවිලි මතින් හමන සුවද අරගෙන

සරසවි සමනලියන් වෙයි සිනා පුරෝන

එකපිට එක බීදී නැගෙන නීල රළ පෙල

රොබරෝසීයා මල් සිබගෙන ඉවුරට ඇදෙන

බෝගම්බර වැවට එපිට දිස්නෙන් දිලෙන

රන් සිවිගෙය දලදා හිමි වැඩ වාසය කරන

කාලෙකට පසු ආලේ මෝරා

2011-09-17T14:19:00.001+05:30

මං ලගට වෙලා බොලද කථා
කියාපු කෙල්ලේ
දැන් නැහැනේ ඇයි නැත්තේ
ඔයාගේ සද්දේ‍

යන්න අනේ චාටු කථා
කියාන එන්නේ
මම දන්නවා පොල් පැලේට
කියලා එන්නේ

ඇයි අම්මේ මගේ මැණිකේ
ඔහොම කියාන්නේ
චුට්ටක් හරි ඔයිට වඩා
දෙන්නකෝ ආලේ

කැරකි කැරකි මගේ වටේම
වගේනේනේ පූසා
මොකද මන්ද කාලෙකට පසු
ආලේ මෝරා

පුන් සද වන් මගෙ මැනිකේ
ගමටම සිරියා
රෑසිරි නුබේ තාමත් නැත
ගිහින්නේ මැකිලා

මගෙ අම්මේ මෙහෙමත් බොරු
ගොතනා මිනිහා
මේච්චර කල් රෑ සිරැ මගේ
නොකීවු කොටියා

සූකිරි කැටේ වගේ තාම
පාසල් කාලේ
මතක් වෙනවා නියර දිගේ
ආගිය තාලේ

හොර නරියා මග රැකලා
ලීලේ පාලා
සීල් බිදලා දොරගුල් හැර
ආවා පෝදා

දෝහා සිට වවුනියාවට

2011-05-17T17:03:00.001+05:30

සෑහෙන කාලයකට පස්සේ මේ පැත්තට ආවේ. දෝහා ඉදන් නිවාඩුවකට ලංකාවට ආවට නිවාඩුව ඉවර කරලා ආපහු යන්න හිත නොදුන්න තැන මෙහෙ රැකියාවකට ඇප්ලයි කරන්න කියලා හිතලා ටොප්ජොබ් එක පැත්තේ රවුමක් ගැහුවහම වේකන්සියක් දිලිසි දිලිසි තිබුණා. ඒකට සීවි එක සෙන්ඩ් කලාම හෙට ඉන්ටර්වීව් එන්න කියලා කෝල් කලා. ඉන්ටවීව් ගියහම හෙට රාජකාරියට වාර්ථා කරන්න පුළුවන්ද ඇහුවාහම ඒකත් ඕකේ කියලා රාජකාරියට වාර්ථා කලා. දැන් සහෘදයා වවුනියාවේ. වවුනියාවේ කිවුවට වවුනියාවේ කැලෑවක‍.

අළුතෙන්ම පටන් ගත්ත ව්යායපෘතියක් නිසා තවම ඉන්ටර්නෙට් නැහැ. අපි ඉන්න ඉසවුවට ජීඑස්එම් තරංගත් ඉතාම දුර්වලයි. SMS වලින් තමයි පුද්ගලික සන්නිවේදන කටයුතු දැනට කරකියා ගන්නේ. රාජකාරී කටයුතු සදහා CDMA පිහිටයි. මම හරිම ආසාවකින් හිටියේ මේ පැත්තේ ජීවන අත්දැකීමක් ලබා ගන්න‍. ඒ නිසා එක පයින් කැමති වෙලා පහුවදාම රැකියාවට වාර්ථා කලා. මාසයක් තුළ පරස්පර සමාජස්ථරයන් දෙකක් අතර වෙනස අත්දැකීමක්ව විද ගන්න අවස්ථාව මට උදා උනා.

දෝහා වල ඉද්දී ඉතාම කාර්යබහුල මෙන්ම නාගරික හා අර්ධ සු‍ඛෝපබොගි ජීවන රටාවකට හුරුව සිටි මා දැන් වවුනියාවේ කැලයක නිහඩ නිසංසල හුදකලා ජීවන රටාවකට හැඩගැහෙමින් සිටිනෙමි. මා හුදකලාව ප්රි යකරන්නෙක් වන බැවින් මේ වෙනස ඉතාම තෘප්තියෙන් වැළද ගත්තෙමි.

ඉන්ටර්නෙට් පාවිච්චි කරන්න නම් වවුනියාවේ ටවුමටම එන්න සිදුවෙයි. ටවුමේ සිට සෑහෙන දුරකින් අප සිටින හෙයින් දිනපතා ටවුමට පැමීණිමට අවස්ථාවක් නැහැ.

මේ පාරත් කවි මඩුව ඉතාම උත්සවත් ශ්රිමයෙන් පැවැත්වීමට ලාංකීය සිතිවිලි කටයුතු සංවිධානය කරමින් සිටින බවක් දැනගන්නට ලැබුණා. නමුත් මේ පාර මට කවියක් කියන්න අවස්ථාවක් නැති වීම ගැන හරිම කනගාටුයි. සිංහල බ්ලොග්වාසී සියළු සහෘදයන් කවිමඩුව හා ඒකාත්මික වී දින දින අළුත් අළුත් වැඩ කරන ලාංකීය සිතිවිලි මේ සංවිධානය කරන්නට යෙදුනාවූ මේ මහගු සංවිධාන සත්කාර්යයට සහයෝගය දී ඔබගේ කවීත්වය දියුණු තියුණු කර ගනිමින් මිනිස්කම් සහෘද හිතවත් කම් වඩ වඩවා ගනිමින් කවියේ මිහිර පහස සුවය අත් විදින මෙන් සහෘදයා සහෘද ඔබ සැමගෙන් ඉල්ලා සිටින අතර මෙවර කවි මඩුවෙන් ගිය වර 3500ක් වු කවි පංති මෙන් දෙගුනයක කවි සයිබර් අවකාශයට එකතු වන ඉතාම සාර්ථකම කවි මඩුවක් බවට පත්වේවා යැයි මා එක් සිතින් සුබාශිංෂණ ප්රාවර්ථණා කර සිටිමි.

ඒ වගේම ගිය වර කවිමඩුවේ පෙරළි කල අපේ ඉළංදාරියා අද මහනුවර මහරෝහලේ ගිලන්ව සිටින බවත් අමතක කරන්න එපා. මේ දැන් මා ඔහුගේ මල්ලිට කෝල් කල අවස්ථාවේ ඔහු පැවසුවේ ඉලංදාරියා මහනුවර මහ රෝහලේ ICU එකේ ඉතාම අසාධ්යේ තත්වයක ගිලන්ව සිටින බවයි. වෛද්යරවරුන් පවසා ඇත්තේ ඔවුන්ගේ සියළු ක්රිෙයාකාරකම් සිදුකර අවසන් බවයි. මේ වෙසගේ ඔබ යනනෙන වෙහෙර විහාරයන් හී අපේ සහෘද ඉලංදාරියා වෙනුවෙන් ප්රාඅර්ථනා කරන්න. ඔහු නැවත මේ බ්ලොග් අවකාශයේ සිටුවා තබන්න ඔහුගේ දෙසවන් පිනවා දෙන්න ඔබගේ ප්රාඅර්ථනාවන් ඔහු වෙනුවෙන් කැප කරන්න. මාගේ වර්චුවල් මිතුරා සයිබර් යායේ ඉලංදාරියා උබ ආපහු දෙපයින් නැගිටින්න ඕනේ. උබේ කවි අපිව පිනවන්න ඕනේ. උබගේ විහිළු තහළු වලින් අපි හිනස්සවන්න ඔනේ. ඒ නිසා කොල්ලෝ උබ හැකි විගහින් නිදුක් වේවා. නිරෝගි වේවා. සුවපත් වේවා.

මතකද මේ ගීතය

2011-04-13T12:00:00.001+05:30

සම්බුදු හිමිගේ සදහම් සිහිලෙන්
සැනැහෙන අප සිරි ලක් දරුවෝ //
දහම් පාසෙල් සෙවනෙහි වැඩෙමින්
උදාර ගුණදම් සිත දැරුවෝ //

පස් පවු දස අකුසල් දුරලා
ඉසිකෝමන් හැම බිද හැරලා
මෙත් කරුණා මුදිතාදී මුනි ගුණ
සපුරා පිළිවෙත් මග සරසා //

සොමි වුවනින් දුටු දුටුවන් පිනවන
පිය තෙපුලෙන් ඇසු ඇසුවන් සනහන
හද බැතියෙන් නිති තෙරුවන් නමදින
උදාර ගුණ දම් සිත දැරුවෝ
අපි වෙමු සිරිලක බොදු දරුවෝ///

සෝමපාල රාජකරුණා

සහෘදයාගේ සයිබර් අවුරුද්ද ගෙවුනු හැටි

2011-04-05T07:25:00.005+05:30

පාන්දර දෙකට ඇහැරලා ලක ලැහැස්තිවෙලා තාත්තිට කියලා ටවර් එක ගාවට ගෙනත් දා ගත්තා. ප්‍රියන්ත අයියා 3.45ට ටවර් එක ගාවට එන්න කීවට මගේ වෙලාවට කලියෙන් වැඩකිරීමේ පුරුද්ද නිසාම 3.30ට ටවර් එක ගාවට ඇවිත් 3.50 ට ප්‍රියන්ත අයියට කෝල් එකක් ගත්තහම ඔහු කීවේ තව විනාඩි 20ක් වාහනය පරක්කුවන බැවින් ගැටබේ පන්සල ගාවට එන ලෙසය. ඔන්න එතනට ගිහින් පැය භාගයකට විතර පස්සේ වැන් එකක් ඇවිත් නතර කරලා මාව දා ගත්තා. සයිබර් අවකාශයේන් ඔබ්බට ප්‍රථම වතාවට මුහුණ 3ක් දැක ගත්තා. ප්‍රියන්ත අයියා, සුදු හංසි හා රැඩිකල් කවියා අයියත් ඒ තුළ හිටියා. ඒයාලට හායි හෙලෝ සුබ උදෑසනක් ගුඩ්මොර්නිග් නයිස් ටු මීට් යු කියලා මීටර් 300ක් විතර යන කොට කැම්පස් එක ගාවින් සංජුගේ සයිබර් සටහන ලියන සංජු අක්කත් ගොඩවුනා. ඊට පස්සේ අලි පැටියෙක් වගේ දෙවුලොවින් පැමිණි ළමයත් එකතු වුනා. එතනින් ආගිය තොරතුරු කථා කරගෙන එනින් ගමන ඉලංදාරියාවයි මලයයි එකතු වෙන මාවනැල්ලට ආවා. එතන ඉංලදාරියා එනකන් විනාඩි 10ක් විතර ඉන්න වුනා. ඔන්න ප්‍රථම වතාවට ඉලංදාරියගේ මූනත් දැක ගත්තා.

ඔන්න ඉලං එක්ක අදහස් හුවමාරු කරගන්නේ කොහොමද කියන පැනය මතු උනේ එතනදි. කිවුවට මොකද ඉලං නම් කටර් එකක්, කථා පෙට්ටියක්, කියවනවා කියවනවා කටට විවේකයක් ඇත්තෙම නැහැ. ඉලංගේ විහිලු කථා වලට ළමයටයි මටයි රැඩිකල් කවියටයි හුස්මක් කටක් ගන්න නැහැ හිනා වෙලා. සුදු හංසි එයාගේ අම්මා සංජු ප්‍රියන්ත අයියා ඉලංගේ මල්ලී වෑන් එකේ ඉස්සරහා කොටසේ හිටිය නිසා එයාලා වෙනම කදයක් දා ගෙන ගිය හෙයින් ඉලංගේ කථාවලට අවදානයක් ඇතිවුනේ නැහැ. ඉලංගේ කථාවලට හූ මිටි තිබ්බේ අපි 3 දෙනාගේ මොබයිල් ෆෝන් පාවිච්චි කරලා තමයි.

ඉලංගේ කථා පෙට්ටියේ කථා රසවිදිමින් නිට්ටබුව හරියට එනකොට ලාවට සූ.................පාරක් ඇහෙන්න ගත්තේ නැතැ. අවාසනාවට ඇත්ත කථාවක් වුනේ ටයර් එකේ හුලං යන්න පටන් ගත්තට පස්සේ. ඒපාර කට්ටියම බැහැලා ටයර් එක මාරු කරන්න රථාචාර්යට උදවු වුනා. ඒක ටයර් එකක්ද ටියුබ් එකද්ද කියලා හොයා ගන්න බැරි තරමට ලස්සනට කට්ට ගෙවිච්ච ටයරයක් නිසා හුලං යන්න ඇති. ඊට පස්ස ඊටත්වඩා ලස්සනට කට්ට ගෙවිච්ච කම්බි දිලිසෙන අතිරේක ටයරයත් මාරු කරගෙන හෙමින් හෙමින් ටයර් කඩයක් හොයාගෙන ආවත් උදේ පාන්දර නිසා ටයර් කඩයක් හොයා ගන්න බැරි වුන තැන ඒ අදහස අත් හැරලා උදේ කෑමට කඩයක් අල්ලලා අපේ සුපිරි වෑන් රථය නතර කලා. ඔන්න දෙවෙනියටත් අවාසනාවට ඇත්ත කථාවක් සිද්ධ වෙන්නේ එතනදි. අපේ වෑන් එක එතන තිබුණු ජීප් එකක් ගාව ලාවට පාක් කරලා එන්ජින් එක ඔෆ් කලා විතරයි ආයෙම සූ..................පාරක්. අම්මට හුඩු අපේ වෑන් එකේ ටයර් වල හුලං යන වෛරස් එක අර ජීප් එකට ඇටෑක් කරලා. ඒ ජීප් එකේ පස්සේ ටයර් එකෙන් ලස්සනට හුලං යනවා. අපේ මොකෝ කියලා අපි ගිහින් අපේ වැඩේට සෙට් උනා. ඕන් ඒපාර මම පොරොන්දු වුන කඩලගොට්ට වෙනුවට මගේ ගානේ ලාවට බ්රෙික්ෆස්ට් එකක්ම අරගෙන එතනින් පිටවුනා.

ඔන්න ඊට පස්සේ දෙමටගොඩට ආවහම ඩ්රෙයිවර් බුවා අහපි දැන් කොහාටද කියලා. මෙන්න බොලේ කොල්ලා අදමද කොහෙද කොළඹ වාහනයක් අරන් ඇවිත් තියෙන්නේ. කියපංකෝ දැන් පාර, මාත් ඉතිං නොදන්න ඒදන්ඩක් නැති නිසා ඔන්න ඔතනින් වමට අතනින් දකුනට කියලා කෝ ඩ්‍රයිවර්ගේ පාට් එකත් කලා. රැඩිකල් කවියාත් සයිඩ් සපෝට් එකක් දුන්නා. ඕන් තුන්වෙනි අවාසනාවට ඇත්ත කථාව පටන් ගත්තේ බොරුල්ල ටවුන් එක පහුකරන ගමන්. මල්ලි ඔය ඉස්සරහා වටරවුමෙන් ජයරත්න එක ගාවින් තියෙන බෞද්ධාලෝක මාවතට හරවන්න ඕන ඒ නිසා වාහනය මැද ට්රැක් එකට ගන්න. ගත්තා තමා වම්පැත්තේ ට්රැක් එකේ ආව අපි උස්සලා තිබ්බා වගේ දැම්මේ නැද්ද මැද ට්රැක් එකට ඩ්රගයිවර් කොලුවා කිසිම පැකිලීමක් නැතිව. ඔන්න සුදුඉරි අයියෙක් ගැහුවා විසිල් එක තරු විසිවෙන්න. ඔන්න එතනත් පැය කාලක් විතර චාටර් වෙවී ඉන්න කොට ප්‍රියන්ත අයියගේ තැනට සුදුසු නුවන පහල වෙලා ඔබ තුමාලගේ අහවල් ලොක්කා සහභාගි වෙන උත්සවයකට අපි හදිසියෙන් යන්නේ කියලා ඇග බේරගෙන එතනින් ගැලවිලා කෝමෙන් හරි ග්‍රවුන්ඩ් එකට ආවා.

නුවර නඩේ ග්‍රවුන්ඩ් එකට එනකොට කිහිප දෙනයි හිටියේ මම ප්‍රථම වතාවට සයබර් හමුවීමකට සහාභාගි වන හෙයින් ගොඩක් අය රූපකායෙන් හදුන ගන්න හැකියාවක් ලැබුණේ නැහැ. වැපාත් පසන් හා අහිංසකී යුවලත් කෙහෙල්කොටුවේ චූටි මාහත්තයා හා හෙළදිව මැරීයන් යුවලත් රන්දිල් ෆැමිලි එකත්, රවාත් එකපාරටම අදුනගන්න ලැබුණා. කථා බස් කරලා අනිත් අයත් හදුනගත්තා. ඒ අතරින් ඉද්‍රනාම, හසී අක්කා, නිරංජී, චතුරංග රූපසිංහ, සෝරෝ, ඩොල්ෆින් , පූසා, සුපුන් සුදාරක යන අය නම් වශයෙන් මතක තිබුණ අයගෙන් කිහිපදෙනෙක්.

ඉට පස්සේ සංවිධායක මන්ඩලයේ සංවිධායක කටයුතුවලට පොඩි සහයෝගයක් දිලා පැත්තකට වෙලා ඉදගෙන හිටියා. ඊට ඉස්සරින් දවසේ රෑ සිංහ පැටවුන්ගේ වීරකම්වල වීරත්වය විදගනු වස් අපේ ගෙදර සංවිධානය කලා වූද මා විසින් කුක්කලා වූද කොත්තු පාටියේ කොත්තු වල පවර් එක වැඩකරන්න පටන් අරන් තිබුණු නිසා බොහෝම අමාරුවෙන් පැත්තකට වෙලා සිටින්නට සිදුවිය. කොත්තු පවර් එක නිදහස් කරනු වස් තැනක් බැලුවත් තිබුණු එකම තැන ගැන පැහැදිමක් නොතිබුණ හෙයින් අපහසුව දරාගෙන සයිඩ් ගහලා ඉන්නවා ඇරෙන්න එකදු ක්‍රීඩාවකටවත් ක්‍රියාකාරීව සහබාගි වෙන්න අවස්ථාවක් ලැබුණේ නැහැ. දවල් වෙද්දී අපහසුව උපරිම වුන නිසාවෙන් අකමැත්තෙන් උවත් තිබුණු එකම විකල්ප අවස්ථාව පාවිච්චි කරන්න සිද්ධ වුනා. ඔන්න ඉන් පස්සේ නම් තරමක් දුරට යථා තත්වයට පත්වුනා.

දවල් වෙද්දි ඩුබායි වට්ටක්කා ලියන පුතා සෙට් වුනා. පුතාත් නුවර වෙච්චි අහල පහල පාසල් වලත් වෙච්චි පිටරටවල් වලදී බ්ලොග් අවකාශය ඔස්සේ හදුනාගන්න වුනා වෙච්චි දෙනොම නිවාඩුවකට ලංකාවට පැමිණ සිටියා වෙච්චි එකේ පොඩි කයියක් දාගෙන හිටියා. ඊටපස්සේ පාසල් කාලේ මගේ පංතියේ සගයෙක් වෙච්චි ඉලංදාරියාගේ හොදම මිතුරා වෙච්චි අසංග හා එයාගේ වෙන්ට නෝනා ආවා. පස්සේ එයාලත් එක්ක කදයක් දාගෙන හිටියා. ඔන්න සංවිධායක මන්ඩලයේ සාමාජිකාවක් මා මිතුරාගේ වෙන්ට නෝනව බලෙන්ම වගේ සිහින කුමරි තරගයට අංක 7 යටතේ යොමුකලා. ඊටත් පස්සේ මා මිතුරා අසංගගේ මල්ලී හා එයාගේ වෙන්ට නෝනාත් ආවා. අසංගගේ වෙන්ට නෝනා සිහින කුමරිය තරගයට ඉදිරිපත් වෙන්න වැඩි කැමැත්තක් නොතිබුණ නිසා මල්ලීගේ වෙන්ට නෝනාව තල්ලුකරගෙනම වගේ ගිහින් සිහින කුමරී තරගයට යොමුකලා. තල්ලුකරගෙන ගියාට මොකද අන්තිමට එයාම තමයි සිහින කුමරිය වුනේ.

ඒ අතරේ බ්ලොග් සුපිරි තරුව දුකා ෆලයිට් එකත් අතේ තියාගෙනම හදිසියේම පැමිණ සිටියා. එකසිය එකට දුකා වටකරගෙන කට්ටිය ෆොටෝ ගන්නවා බදාගන්නවා කථා කරනවා. දුකාට කිට්ටුවටවත් යන්න අවස්ථාවක් ලැබුණේ නැහැ. පස්සේ කට්ටිය එහෙ මෙහෙ වෙනකන් ඉදලා වචන කිහිපයක් කථාබහ කරන්න අවස්ථාවක් උදාකරගත්තා.

දවල් කෑම එහෙමත් අරගෙන සයිබර් කුමර කුමරියන්ට චියර් පාරක් දීගෙන ඉන්නකොට ඈත එහායින් ලස්සන ම ලස්සන හිනාවකින් මුව සරසාගෙන සුන්දර කුමාරිකාවක් අතවනනවා. බැලින්නම් මා සොදුරු බිලොග් මිතුරිය ස්වප්නා. ඕන්න ස්වප්නවත් හදුනා ගත්තා. ස්වප්නා එයාගේ වෙන්ට හබී මහත්තයත් එක්ක ඇවිත් හිටියේ. ස්වප්නත් එක්කත් කදයක් දාගෙන හිටියා ටික වෙලාවක්.

පස්සේ කඹ අදින කන්ඩායම් නම් දෙන්න කීවට පස්සේ දවස පුරා එකදු ක්‍රීඩාවකටවත් සහභාගි වෙන්න බැරිවුන එකේ කඹවත් අදින්න ඕන කියලා හිතලා දැම්මා නුවරින් අපේ කන්ඩායමක්. මම, ළමයා, අසංග, අසංගගේ මල්ලී, අසංගගේ වෙන්ට නෝනා හා අසංගගේ මල්ලිගේ වෙන්ට නෝනා හෙවත් සයිබර් සිහින කුමරිය අපේ කන්ඩායමේ 6 දෙනා උනා. හත්වලාමයි අන්න අරපැත්තේ බුද්ධී යෝධයත් ඉන්නවා. ඒ වෙලාවේ නම් තරගය අතහැරලා දාලා ආත්මගෞරවය රැක ගතයුතුයි කියන ඝෘනාත්මක කපුටෝ ඔළුව වටේ කරකැවෙන්න ගටන් ගත්තත් කැන්ඩි කොල්ලෝ කවද්ද සෙකන්ඩ් වුනේ කියන ධනාත්මක කොක්කු විසින් එළවා දමා දැඩි අදිටනින් තරගයට අවතීර්න උනා. තරගය පටන් ගත්තා විසිල් එක ගැහුවා දැම්මා ඩම් එක මෙන්න බොලේ කොළඹ ටීම් එක කැන්ඩි සයිඩ් එකට එනවා හිමේ ලිස්සන පෙන්ගුවින්ස්ලා වගේ. ඒවටය අපි දින්නා... හයියෝ......දෙවෙනි වටයට පැත්ත මාරු කලා....ගැහුවා විසිල් එක. දැම්මා ඩම් එක හයියෝ.......මෙන්න සීනි බෝතලේට ඇදෙන ඇඹලයෝ වගේ ඇදිලා එනවා අපේ පැත්තට...ඒ වටයත් අපි දිනුම්.... අයියෝ කිසිම ගේමක් තිබුණේ නැහැ. දැක්කනේ කැන්ඩි කොල්ලන්ගේ ෆිට් එක...ඒත් තෑගි නැහැ අප්පා..

තෑගි නැහැ කියලා දුකෙන් ඉන්නකොට බුද්ධියට දුක තේරිලාද කොහෙද බුද්ධි අතේ තිබුණු පොත් දෙකක් දුන්නා....හනේ..එක පොතක නම ළමයි හදන හැටි....බුද්ධිටයි මැරින්ටයි මල් හතට සිත්තුටින් බර වෙලා පැතු පැතුම් ඉටුවේවා කියලා හිතලා ඒක අරගත්තා.

පස්සේ DJ එකට ඩාන්ස්පාරකුත් දාලා එන්න සෙට් වුනා..පස්සේ දන්න කියන හැමෝටම කථාබහ කරලා එන්න පිටත් වුනා. එන්න ලැහැස්තිවෙලා කට්ටිය ගනින කොට එක්කෙනෙක් අඩුයි..අයියෝ සංජු හොරාටම කලියෙන් ගිහින්...දැන් මක් කරන්නද...පස්සේ අපි පිටත් වුනා....කඩවත හරියෙදි ප්‍රියන්ත අයියා ෆෘට් ජුස් සමග වයිබරේට් ඩ්‍රින්ක්ස් අරන් දුන්නා(කොකාකෝලා). යක්කල හරියෙදි රැඩිකල් කවියා අයියා ලුණු මිරිස් කුඩු දාපු අන්නාසි අරන් දුන්නා...ඒකනම් මල් හතයි ආහ්....පස්සයාල හරියෙදි තේ බිවුවා...ඒකට සපොන්සර් කලේ ඉලංගේ මල්ලිද කොහෙද. ඊට පස්සේ ළමයා මල් හතට නින්දක් දැම්මා..ඉලං ඉස්සරහා සීට් එකේ හිටිය නිසා කථා පෙට්ටිය විවෘත කලේ අතරින් පතර. සුදු හංසි යි ප්‍රින්ත අයියයි දවසේ වැඩකටයුතු සම්පින්ඩනය කරමින් සිටියා. ඒ අතරේ රැඩිකල් කවියයි මායි බර මාතෘකා ටිකක් සාකච්චා කලා....කවිය හා කවිය අවියක් කරගන්නා හැටි, චිත්‍රපටි සාහිත්‍ය හා කලාව මෙන්ම විචාරයන් ගැන කතාකර කර ගියා. බාලාගෙන ගියහම රැඩිකල් කවියා පිස්සුම රැඩිකල් වාදියෙක් තමා. එහෙම පිටින්ම මුළු සර්වාන්ගෙන්න රැඩිකල්. නියපොත්තේ සිට මයිල් ගහ දක්වාම රැඩිකල්. සමහර බර වචන අල්ල ගන්න කිහිප විටක් හිතන්න සිදුවුනා. අපි දෙන්නගේ චිත්‍රපට පිළිබවද දැක්ම නම් එකම ට්‍රැක් එකක යනවා කියලා හිතුනා.

ඔන්න කෝම හරි අපේ බර කථා නිසා නුවරට එනකම්ම දැනුනේ නැහැ. ඉස්සරෝම බහින්න ගියේ ළමයා. ළමයා මගින් බැහැ ඉතුරු ටික පයින් යන්නම් කියලා තරයේ කියා සිටියා. ප්‍රියන්ත අයියයි සුදු හංසිගෙයි බලවත් පෙරැත්ත නිසාම ගේ කිට්ටුවටම ගිහින් බහින්න අකමැත්තෙන් වුනත් කැමති වුනා. බැලුවහම මොකද මේ ගේ ගාවට වාහනේම යන්න අකමැති කියලා පස්සේ තමයි වැඩේ තේරුනේ. මොකද දන්නවද ළමයගේ ගෙදරට යන පාරේ නම ගොරකාපුර මාවතද ගොරකා අත්ත මාවතද මොකද්ද එකක්. තේරුනානේ වැඩේ. ගොරකයා කියලා කාඩ් වැටෙයි කියලා වෙන්ට ඇති. දැන් ඔන්න සත්‍ය සමාජගත වෙලා හමාරයි ගොරකපුතා.

ඊට පස්සේ ටවර් එක ගාවින් මමයි ඉලංදාරියයි එයාගේ මල්ලියි බැහැ ගත්තා. බහිනකොට සුදු හංසි දවල් කෑමට ගෙනාපු කෑම පාර්සල් වලින් ඉතුරු වුන ඒවාගෙන් පාර්සල් දෙකකුත් මට දුන්නා. ඉලංදාරියටත් පාර්සල් දෙකක් දුන්නා. ඊට පස්සේ ඉලංදාරියා මාතලේ යන්න බස් එකට ගියා. මම අපේ ගමට යන බස් එකට සෙට් වුනා. ගෙදර යන කොට 10ට විතර ඇති. ගෙදර ගිහින් නාකියගෙන ආපහු කොම්පියුටර් රාජයාට කිට්ටුවෙලා නිකමට ලොග් වුනා බුකියට. හයියෝ........මෙන්න පැය කිහිපයකට කලියෙන් එකට හිටිය රොත්ත බුරුත්තම එතන......ඔන්න ඔහොමයි අපේ සයිබර් සිහින උලෙල නිමා උනේ හා ඔන්න ඔහොමයි සයිබර් ජිවිතය ගෙවෙන හැටි.

සිංහල බ්ලොග් අවකාශය හා නව උප සංස්කෘතිය

2011-01-29T15:41:00.007+05:30

සිංහල බ්ලොග් අවකාශය යනු තවත් එක් සයිබර් නාඩගමක් නොවේය. ලිපි, නිර්මාණ, ගද්‍ය පද්‍ය හා විද්‍යා තාක්ෂණ පබැදුම් වලින් එහාට ගිය අපූර්ව සුන්දර ස්ථානයකි. එය ලිපි, නිර්මාණ, ගද්‍ය පද්‍ය හා විද්‍යා තාක්ෂණ පබැදුම් නම් බීජ වගුරුවා මිනිස්කම අවංක කම ලබැදිකම මිතුරු කම ඵලදාවන් ලෙස නෙලා ගන්නා වූ සාරවත් ගෙවත්තකි. එම ඵලදාවන් සාරවත් ඵලදාවන් බවට පත් කරගැනීමට ගූගල් බස් නම් කාබනික පොහොර හේතුකාරකයක් වෙමින් පවතී. උපන් දා සිට මුහුනට මුහුණ ඇසුරු කරන්නා වූ මිතුරන්ට නෑදෑයන්ට වඩා සීමාවන් පසු කරන්නාවූ ලෙංගතු කම් ඇති කරන්නාවූ ස්ථානයකි. අපට නොදැනුවත්වම සිංහල බ්ලොග් අවකාශය උප සංස්කෘතියක් බවට පත්ව ඇති සැටියකි. අපට නොදැනුවත්වම එකම පවුලක් වී ඇති සැටියකි. අපට නොදැනුවත්වම අප එක වහලක් යට ජීවත් වන සැටියකි. ශ්‍රී ලංකාවේ සතර කොනේ සිටියත් ලෝකයේ කොයි රටේ සිටියත් බ්ලොග් වාසී, සයිබර් වාසී වර්චුවල් පවුලේ අයෙකුගේ කිවිසුම පවා අන් අයට දැනෙන හැගෙන තරමට අප ලබැදියන් වී සිටිමු.

එපමනක් නොව සාමාන්‍ය සමාජයේ අපිට ඇසුරුකරන්න කතාබහ කරන්න ලැබෙන්නේ සම වයස් , සම වෘත්තීකයන්, සම සමාජ ස්තරයන්, සම ආර්ථික සහිත සියළු කරුණු කාරණාවන් වලින් අපට සමාන වන පුද්ගලයන්ය. වෛද්‍යවරයකු ආශ්‍රය කරන්නේ වෛද්‍ය ක්ෙෂ්ත්‍රයට සම්බන්ධ පුද්ගලයන්ය. ඉංජිනේරුවකු ආශ්‍රය කරන්නේ ඉංජිනේරු අංශයට අදාල පුද්ගලයන්ය. බස් කොන්දස්තර කෙනෙකුට ආශ්‍රය කරන්න ලැෙබන්නේ ඒ ආශ්‍රිත පුද්ගලයන්ය. වෛද්‍ය වරයකු සමග හරි හරියට කදේ දමන්නට බස් කොන්දස්තර කෙනෙකුට තියෙන අවස්ථාවන් ඉතාමත් අල්පය. ඒ සදහා අවස්ථාවක් නැතයි කිවහොත් වඩාත් උචිත යැයි මට සිතේ. එනිසා අප සාමාන්‍ය සමාජ ආශ්‍ර ක්‍රමය ඒක කේන්ද්‍රීය සමාජ ක්‍රමයක් යැයි නම් කළ හැකිය.

මෙම ඒක කේන්ද්‍රීය සමාජ ක්‍රමය නිසා හුවමාරු වන අදහස් උදහස්, දැනුම ආකල්ප, ජීවන අත්දැකීම් මෙන්ම විහිළු තහළු එම එක් එක් ස්තරයන් හී පාවෙන තත්වයක් පවතී. එක් ස්තරයක දේවල් තවත් ස්තරයක් සමග මුහුවීමට අවස්ථාවක් නැතිය. ඒ හේතුවෙන් පහල ස්තරවල සිටින්නන්ට ඉහල ස්තරයන් වල සිටින්නන් ගේ සිතුම් පැතුම් හදුන්නනේ නැතිය. ඉහල ස්තරවල සිටින්නන්ට පහල ස්තරවල සිටින්නනගේ හෘද ස්පන්දනය ගැන වැටහීමක් නැතිය. මෙවැනි දේවල් හා දුර්අවබෝධයන් හේතුවෙන් ගැටුම් කාරී තත්වයන්ද ඇතිවන අවස්ථාද අප අසා හදුනා හා අත් දැක ඇත්තෙමු.

නමුත් සයිබර් අවකාශය ඔස්සේ, බ්ලොග් ගොඩැල්ල ඔස්සේ, ගූගල් බස් ඔස්සේ එම ඒක කේන්ද්‍රීය සමාජ සංස්කෘතියට තිතක් තබමින් සියළු සමාජ ස්තරයන් එකම පංතියකට එකම ස්තරයට කැන්දමින් තිබේ. වෛද්‍යවරුන්, ඉංජිනේරුවන්, පරිගනක වේදීන්, බැංකු ලිපිකරුවන් හා විධායක ෙශ්‍රණි වල පමනක් නොව පාසල් යන සිසුන්, රැකියාවක් නොකර ගෙදරට වෙලා සිටින්නන්, ගෘහනියන් ආදී එකී මෙකී නොකී සියළු ස්තරයන් එකම බස් එකේ කදේ දාගෙන දවස පුරා දැනුම, විනෝදය, හාස්යය, පාළුව, කාන්සිය බෙදාහදා ගනිමින් සිටී. සමාන්‍ය සාමාජයේ දී සර්, මහත්තයා, නෝනා ලෙසින් අමතන්න වූවන් අපි අද මචං, අයියේ, අක්කේ, නංගියේ, මල්ලියේ ලෙසින් ආමන්ත්‍රනය කරගමු.

ඉදින් මෙම ලෙංගතු කම් හරහා අපට ඒ ඒ සමාජ ස්තරයන් ගැන පැවතියාවූ දුර් අවබෝධනයන් ලිහා ගත හැකිවනු ඇත. අප නොදන්නා දේවල් අසා දැන ගත හැකිය. කිසියම් වැඩකට අත ගැසීමට ප්‍රථම ඒ ගැන පළපුරුද්දක් ඇත්තෙකුගෙන් අසා දැන ගත හැකිය. නොමිලේම සාරවත් උපදේශනයන් ලබා ගත හැකිය. මෙහිදී ඉරිසියාකම්, කුහකකම් හා මාන්නයන්ට පැවැත්මක් නැති හෙයින් අපට අපගේ ගැටළු වලට නිවැරදිම විනිශ්චයන් ලබාගත හැකි වනු ඇතිය.

ඉතින් මෙම සයිබර් සංගමය බ්ලොග් අවකාශය ගූගල් බස් රථය මෙන් ස්ථානයන් වලින් දැන හැදින ගත් අප ඔබ මෙම සමාජ ක්‍රමය නවමු මාවතකට ගෙන යමින් සිටිනෙමු. මිත්‍රත්වකම්, හිතහොදකම්, අසමානාත්මකම්, සමානාත්මතාවයෙන් බෙදාහදාගත් ඔබ අප දැන් එකම පවුලකි. ඉතින් අප පවුලේ කෙනෙකුට කරදරයක්, හිරිහැරයක්, දුකක් සිදුවී උදවුවක් උපකාරයක් අවැසි මොහොතක් උදා වුවොත් අපි කුමක් කරමුද? අපි ඔහුව ඇයව අමතක කරමුද? ඒ අවංක කම ලැබැදි මිතු දම සයිබර් අවකාශයේ අදුරු මුල්ලකට තල්ලු කර සගවා තබමුද?

මා ප්‍රිය සහෘදය, ඔබ මා සමග ලෙංගතුකම බෙදා හදාගත් එවැනි සහෘදයකුට අපගේ උදවු අවැසි මොහොතක් උදා වී තිබේ. සයිබර් යායෙන් ගොඩනගාගත් ඒ මිතු දම අවංක කම මනුෂ්‍යයත්වය වෙනුවෙන් ඔබේ උපකාරයේ හස්තය අපි අපේ ලබැදි සහෘදයා වෙනුවෙන් දික් කරමු.

බ්ලොග් ගොඩැල්ලේ ඉලංදාරියා හා ඒකාත්මික වූ ඔබ ඔබේ මිහිරි වදන් ඔහුගේ සවන් මත්තේ තබන්න, ඔබත් ඔබේ හැකි උපරිමය ඉටුකරන්නට පෙළ ගැසෙන්න.

සෝදුපත් කියැවීම
ගයාත්‍රී චතුරාණී

වැඩි විස්තර
ඉලංදාරියා
දුකා

ඔබ දෝහා කටාර් හී බ්ලොග් ලියන කියවන අයෙක් නම් ද ඉලංදාරියාගේ ‘නිහඩ ලොව බිදින්න’ ව්‍යාපෘතියට සම්බන්ධ වන්න කැමතිනම්ද කථා කරන්න. අපි එකතුව දෝහා කටාර්වලින් ඉලංදාරියා වෙනුවෙන් කරන්න හැකි යමක් ගැන සාකච්චා කරමු.

මා පැතූ මෘදු ආදරේ

2011-01-25T15:05:00.001+05:30

මලක සුවද හදට කොදුරලා
කියන්න හදන රහස නොම දැනා
නොයිදුල් හද සුවද ඉල්ලලා
දුක් විදිනවා ඒ මල පතලා

මා පැතූ ............
මෘදු ආදරේ...........
නුඹ කෙරෙන් .........
විතරයි ලදේ........
මා පැතූ .............
මෘදු ආදරේ

නිල් විලේ .........
පිපි කුසුමියේ..........
හැඩ කරන් ........
හදසුන මගේ..........
නිල් විලේ ............
පිපි කුසුමියේ

2022 ලෝක පාපන්දු කුසලානය කටාර් රාජ්ය ය හා අපි (3 කොටස)

2010-12-26T15:30:00.002+05:30

2022 පාපන්දු ලෝක කුසලාන තරගාවලීය කටාර් රාජ්ය යට ලැබීමත් සමග කටාර් රාජ්යෙය් විශාල සිදුවීම් ගනනාවක් සිදුවනු ඇත. එමෙන්ම ඔවුනට සියළු දෑ සකසුරුවම් කිරීමට ඇත්තේ වසර 10යකි. එය කාලය පැත්තෙන් බැලුවහොත් දීර්ඝ කාළයක් වුවත් සංවර්ධන හා ඉදිකිරීම් පැත්තේන් ගත්විට කෙටි කාලයකි. කටාර් රාජ්යයට සීග්‍ර හා කෙටිකාලීන සංවර්ධන ව්‍යාපෘති රැසක් දියත් කිරීමට සිදුවනු ඇත. විශාල මුදල් ප්‍රමාණයක් ආයෝජනය කිරීමට සිදුවනු ඇත. මෙය ක්‍රීඩා කටයුත්තක් උවත් ක්‍රීඩා අංශයේ පමණක් නොව සියළු අංශයන්ගේ සංවර්ධන කටයුතු කඩිනම් කිරීමට සිදුවනු ඇත. විශේෂයෙන් සංචාරක හා ගුවන් සේවා කටයුතු සනීපාරක්ෂක හා යටිතල පහසුකම් කටයුතු හා විනෝදාස්වාද හා සමාජීය සුබසාධන කටයුතු කෙරෙහි වැඩි අවදානය යොමු කරමින් ව්‍යාපෘති සැකසෙනු ඇතිය.

2022 අරඹයා රජය දැනටම සංවර්ධන කටයුතු අරබා හමාරය. දැනට පවතින ගොඩනැගිලි කඩා බිද නව ගොඩනැගි ඉදිකරණු අපට දැක ගත හැකිය. මංමාවත් පුළුල්කිරීමේ වැඩ කටයුතු අරඹා ඇත. එමෙන්ම හරිත උයන් ඉදිකිරීමේ ව්‍යාපෘතිද ආරම්භ කර ඇත. නව ක්‍රීඩා සංකීර්ණ ඉදිකිරීමේ වැඩකටයුතුද ආරම්භ කර ඇත. වර්ථමානයේ භාවිතා වන ගුවන්තොටුපලට යාබදව වැඩ නිම වෙමින් පවතින දෙවන ගුවන් තොටුපලෙන් පසුව මුහුද ගොඩ කර අතිනවීන තාක්ෂණයන්ගෙන් හා ඉතාම ඉහල ජාත්‍යයන්තර ගුණාත්මක තත්වයේ තුන්වන ගුවන්තොටුපලක් ද ඉදිකිරීමට දැනට සැළසුම් කර ඇත‍.

මෙම සියළු කරුණු කාරනා හා සංවර්ධන කටයුතු වලින් අපට ලබා ගත හැකි වාසි අවස්ථා ඉතාමත් ඉහලය. විශේෂයෙන්ම විශාල රැකියා අවස්ථාවන් උදා වනු ඇතිය. ඉන්දියාවට විශාල රැකියා අවස්ථාවන් ප්‍රමාණයක් ගලායනු ඇතිය. එයට හේතුව අඩු වියදමකින් ශ්‍රමිකයින් ලබා ගත හැති වීමත් මෙරටේ හිංදි භාෂාවට ප්‍රමුඛතාවක් ඇති නිසාත් හා කාර්යාල හා ව්‍යාපෘති කළමණාකාර තනුතුර වලද වැඩි ප්‍රමාණයක් ව්‍යාපාර මෙහෙයවන ඉන්දීය ජාතිකයින් මෙහි ක්‍රීයාකාරී වීමත් ය. එමෙන්ම පිලිපීනයටද ප්‍රමාණයක් ගලා යනු ඇතිය. එයට හේතුව ඔවුන් වැඩි දෙනෙක් ඉංග්‍රීසි භාශාව කථාකීරීම හා කටාර් පිලිපීන සහයෝගිතා ගිවිසුම් ය. ඉන්පසු බංග්ලාදේශ්, ෙන්පාල්, සිරියා, ඊජිප්තු හා උතුරු අප්‍රිකානු රටවලට සුළු ප්‍රමාණයක්ද රැකියා ගලා යනු ඇතිය. ඉංදියාව පිලිපීනයට පසු මෙහි වැඩි රැකියා අවස්ථාවන් ලංකාවට ලැබෙනු ඇතිය. ඉංදියාවට හෝ පිලිපීනයට වඩා ලාංකිකයන්ගේ කාර්යක්ෂම තාවය, නම්‍යශීලීතාව හා මිත්‍රශීලී බාවයන්ට මෙහි හොද පිළිගැනීමක් ලැබී තිබෙන අතර ශ්‍රී ලංකා රජය මීට වඩා කාර්යක්ෂම තාවයකින් මේ රට හා කටයුතු කර සුහදතාවයන් වර්ධනය කරගන්නේ නම් ඉංදියාවට ගලා යන රැකියා ප්‍රමාණයන් අප රටට ලබා ගැනීමට පහසු වනු ඇතිවාක් මෙන්ම වැඩි මුදල් ප්‍රමාණයක්ද උපයා ගැනීමට හැකි වනු ඇතිය. එයට හේතුව දැනටද මෙහි වැඩකරන පිටරට ශ්‍රමිකයන්ගෙන් එකම රැකියාවේ වැඩි වැටුපකට හිමිකම් කියන්නේ ශ්‍රී ලාංකිකයන් වීමය. එහෙයින් මෙම වැටුප් ප්‍රමාණයන් තව දුරටත් වැඩිකර ගැනීමට අපහසු නැතිය. ඒ සදහා ශ්‍රී ලංකා රජය මිත්‍රත්වයේ නාමයෙන් සෘජුව මැදිහත් වී කටයුතු කළ යුතුය.

ශ්‍රී ලංකා රජය ඉතාම ගුණාත්මක බවකින් යුතු ශ්‍රම බලකායක් මේ සදහා සූදානම් කොට තැබීය යුතුය. යම් ප්‍රමාණයකට හෝ ඉංග්‍රීසි භාෂාව හා හිංදි භාෂාවන් කථා කිරීමේ දැණුම ඔවුන්ට ලබා දීය යුතුය. එමෙන්ම රැකියා තැරැවුකාර ආයතන හොරුන්ගෙන් අසරණ ශ්‍රමිකයින් ගලවා ගැනීමටද රජය මීට වඩා විදිමත් ක්‍රියා පටිපාටියක් අනුගමනය කල යුතු යැයි මට සිතේ.

2022 ලෝක පාපන්දු කුසලානය කටාර් රාජ්යය හා අපි (2 කොටස)

2010-12-25T17:53:00.005+05:30

2010. දෙසැම්බර් 2 වන දින ජාත්‍යයන්තර පාපන්දු සංගමය මගින් 2018 සහ 2022 යන වසරවල් සදහා සුදුස්සන් ප්‍රකාශ කරන ලදි. 2018 තරගාවලීය තම රටට ලබා ගැනීමට බෙල්ජියම සහ නෙදර්ලන්තයද පෘතුගාලය සහ ස්පාඥයද ඒකා බද්ධව ද එංගලන්තය සහ රුසියාව තනි තනිවද තරග කල අතර එම අවස්ථාව හිමි වූයේ රුසියාවටය. 2022 තරගාවලීය සදහා ඕස්ට්ලියාව, ජපානය, කටාර් රාජ්ය ය, දකුණු කොරියාව සහ ඇමරිකාව තරග කල අතර ඉතිහාසයේ ප්‍රථම වරට අරාබි රටකට එම අවස්ථාව හිමි වූයේ කටාර් රාජ්ය්‍යට එම තරගාවලීය සංවිධානය කිරීමේ අයිතිය ලබාදෙමිණි.

එම අවස්ථාවට කටාර් රාජ්යයේ රජතුමා හමාද් බින් කහලීෆා අල්තානී උතුමානන්ද එම රජපවුලේ සමාජිකයන්ද සහභාගි සිටින ලදි. එම ප්‍රකාශන අවස්ථාව පහත වීඩියෝවෙන් නැරඹිය හැකිය.

ජාත්‍යයන්තරයේ මෙම සිදුවීම කථාබස් වනුයේ මෙය සිදුනොවීය යුත්තක් ලෙසය. එමෙන්ම මෙය වැරදි තීරණයක් ලෙසත් කථාබස් වෙයි. ඇමරිකානු ජනාධිපති බැරක් ඔබාමා මහතාද කියා සිටියේ මෙය වැරදි තීරණයක් බවය. මාගේ පුද්ගලික මතයද මෙය එතරම්ම සුදුසු තීරණයක් නොවන බවයි. එයට හේතුව මෙහි වසරේ වැඩි කාලයක් උෂ්ණ සෘතුව පවතින හෙයින් ද එය සෙල්සියස් අංශක 41 දක්වාවූ උපරිම තත්වයන් වාර්ථා කරන හෙයින්ද එය මෙවන් ක්‍රීඩා කටයුත්තක් සදහා සුදුසු තත්වයක් නොවනු ඇත. තවද මෙම උත්සව අවස්ථාවට ලෝකයේ සතර දෙසින් විශාල ජන ගංගාවක් කටාර් රාජ්ය්‍යට පැමිණෙනු ඇතිය. ඔවුන්ගේ විනෝදාස්වයන් සදහා අරාබි රාජ්යයන්හී පවතින රැඩිකල් නීති රීතිද බලපානු ඇතිය. එමෙන්ම කොන්ක්‍රීට් වලින් ගොඩනැගුණු කෘතීම තත්වයන්ට පරිභාහිර ස්වභාසෞන්දර්යය සංචාරකයන් බලාපොරොත්තු වනු ඇතිය. මෙම තීරණයට පක්ෂවද විපක්ෂවද ජාත්‍යයන්තරයේ කරුණු කාරනා කථාබස් වන අතර දැන් තීරණය ප්‍රකාශ වී හමාර හෙයින් අප කවුරුත් එම තීරණය නිවැරදිම තීරණය බවට සපත කිරීමට උදවු කළ යුතුය. රජයේ ප්‍රකාශකයන්ද කියා සිටිනුයේ මෙම අවස්ථාව පාපන්දු කුසලාන ඉතිහාසයේ නොමැකෙනම මං සටහනක් තබන අවස්ථාවක් කිරීමට කටාර් රාජ්යය සැදී පැහැදී සිටින බවයි.

2022 ලෝක පාපන්දු කුසලානය කටාර් රාජ්ය ය හා අපි (1 කොටස)

2010-12-23T21:26:00.003+05:30

දෙසැම්බර් මස දෙවන දින සවස 5ට පමන අපේ ආයතන ප්‍රධානියාගේ කාමරයෙන් පෙරදිනක නොවී විරූ ලෙස මහා හඩකින් අප ප්‍රධානියා කෑමොර දෙන හඩ ඇසීමත් සමග මාද බංග්ලාදේශ ජාතිකයකුද දුවගෙන ගියේ ඔහුට පපුවේ කැක්කුමක් හෝ අසනීප තත්වයක් ඇති වී ඇතැයි සැක සිතීමෙනි. නමුත් එහි සිදු වූ දෙයින් අප නෙත් අදහා ගත නොහැකි විය. හංකිති කැවුවත් සිනා ගැස්සවිය නොහැකි මට්ටමේ පෞර්ෂයකින් හෙබි ඔහු කුඩා ළදරුවකු මෙන් දරා ගත නොහැකි සන්තෝසයකින් සිහි විකලව පරළ වූ වකු මෙන් නට නටා සිටිනු දැකීමෙන් මට නෙත් අදහා ගත නොහැකි විය. "සර් ඔබ හොද සනීපෙන්ද?" මා විමසා සිටියේ මෙය බලාගෙන සිටිනු නොහැකි තැනය. "ගිහී අපි දින්නා ගිහී අපි දින්නා..." ගිහී යනු ඔහු මා අමතන ආකාරයයි.

"මොකක්ද සර් මැච් එක" මා ඇසුවෙමි. "මැච් එකක් නෙවෙයි ගිහී 2022 ලෝක පාපන්දු කුසලානය අපේ රටට හම්බ වුනා". මම තවත් අවුලෙන් අවුලට පත් වුෙණමි. 2022 කේ ලෝක පාපන්දු කුසලානය 2012 දී ගන්නේ කොහොමද? "සර් මට තේරුනේ නැහැ". ඉන්පසු පියවි සිහියට එළබි ඔහු අග සිට මුලට තේරුම් බේරුම් කර දුන්නේ 2022 ලෝක පාපන්දු කුසලාන තරගාවලීය සංවිධානය කිරීමේ අවස්ථාව ඉතිහාසයේ ප්‍රථම වතාවට අරාබි රටකට ලැබීමත් ඒ දුර්ලබ අවස්ථාව කාටාර් රාජ්‍යය සතු වීමත් යන කාරනාය. මට ඒක ඒ හැටි වැදගත් කාරනයක් නොවුනත් ලොක්කාගේ සතුටේ බරපතලකම හේතුවෙන් ඔහුට සුබ පතා අවුල් වූ හිසින් යුතුව මගේ අසුනට වීමි.

ඉන්පසු ඔහු හතර අතට කෝල් කර කර සුබපතා ගන්නා අාකාරය ඔහුගේ කාමරයෙන් ඇසෙන අතර අගනගර මධ්‍යෙය් ගොඩනැගිල්ලක පිහිටියත් නිස්කලංක අප කාර්යාලයේ නිහඩ බව බිදිමින් පරිසර වටපිටාවද වෙනස් වෙන බවක් තේරුනෙන් අප ජනෙල තිර එහෙ මෙහෙ කරමින් නගරය දෙස බැලීමු. නගරය කඩි ගුලක් ඇවිස්සුනාක් මෙන් පෙනුණි. ඉතා විශාල මාර්ග තදබදයකි. වාහන හෙල්ලෙන බවක් නොපෙනෙයි. සැම අතම වාහන නලා හඩින් ගිගුරුම් දෙයි. ජන ගංගාවෝ ප්‍රීති ගෝෂා නගති. ධජපතාක ළෙලවති. මහත් වූ විපරියාසයකි.

මත් බබරෙක් කාහටවත් වගක් නැති විය

2010-12-22T18:47:00.003+05:30

මල් මල් මල් සල් මල් වැල් මල් වියන් විය
රුං රුං කියා මලින් මලට ගී කියා ගිය
තටු සිදිලා හති වැටිලා වැහැරිලා ගිය
මත් බබරෙක් කාහටවත් වගක් නැති විය

ගහක් වසා පිපීලා සුදුපාට අරලියා
සුවද ඇවිත් වද දෙනවා එන්නම කියා
සිතට මගේ බයයි වගේ බලමි දුරතියා
දෑසින් මිස දෑතින් නොල්ලමී සොබා

නෙක නෙක මල් හැඩට පිපී යාය පුරාම
සුන්දර මල් නෙතට ගැටෙයි ඈත තියාම
ලස්සන බබරැන් ලං වෙයි විහිළු කරාන
මොන විහිළුද මම යන්නෙමි අහක බලාන

සුරත් දිමුතු නෙලුම් වගෙයි මගෙ බිසව

2010-11-22T19:33:00.002+05:30

සබද පසිදු පෙරබර දිග වඩින කල
පංචම තඹර පිපුණා සොද හැඩ රුවට
නිල්දියවර සිප එන බොද මීදුමට
නෙලුම් නෙලන්නට බහිමුද නිල් දියට

සුරත් දිමුතු නෙලුම් වගෙයි මගෙ බිසව
දුක සිතුනා සිපගන්නට නිමල් මුව
දියබට කිදුරියේ නොකරන් ලමුව කෙලැ
සැඩෝල් ලියව සගවා ගයි නෙලුම් විල

විදිවිහිගුම් බිගු කැල අර ගයන කව
සියපතක ලියමි දනිත් නම් ඒ බඹර කුර
පංචම තඹර එක් කෙමියක් මතට ගෙන
මනරම් මල් දමක් කරමි නුඹේ ගෙලට

Technical Drawings ෙප්‍රහෙලිකාවක්

2010-11-08T13:42:00.001+05:30

මේ තියෙන්නේ විදේශිය මිතුරෙක් මට දුන්න ගැටළුවක්. ඔන්න පැහැදිලි වෙන්න මම රෑප සටහනකුත් දැම්මා. Front view එක සහ Side View දීලා තියෙනවා. Front view එකේ කෙටි කුහරයකුත් පේන්න තියෙනවා. එයා කියන විදිහට මේකේ Top view එක අදින්න ඕන. Technical Drawings ගැන දන්න අය දන්නවා මෙතන ප්‍රශ්ණයක් තියෙනවා කියලා. ඒ තමයි Front view එකයි side view එකයි පරස්පරයි කියන එක. නමුත් එයා කියන ආකාරයට කිසිම ප්‍රශ්ණයකින් තොරව Top view එක අදින්න පුළුවන්ලු. බලන්න පුළුවන්ද කියලා.

Top View රෑපසටහන

මෙන්න නිවැරදි පිළිතුරු දුන් comments

Anonymous said...

Two possibilities;
1. Square hole in to a circular dish, having depth about 4/5th of its dia.
2. Similar hole into a half dish joined to a cuboid of sizes dia x radius x dish height.

කාංචන දිනූක said...

බලන්න මේක හරිද කියලා.. paint වලින් ඇන්දේ.... :( http://img23.imageshack.us/img23/9995/35402795.jpg මේව ඇන්දෙ O/L වලදි. අවුරුදු 10කටත් වැඩියි. දැන් නම් මෙලෝ දෙයක් මතක නෑ....

නුඹට දුන්නු සිත යලි ගන්නට බැහැ

2010-11-01T20:46:00.001+05:30

නුඹට දුන්නු සිත යලි ගන්නට බැහැ

ඒකයි මගේ ඇත්ත

දුරක් ආව නුඹ වෙනතක ගිය බව

පිළිගන්නේ කෝම

කොපමන හිතුවත් නොහිතෙන එක දෙය

අමතක කරවීම

නුඹ ගැන මතකය දින දින දළු ලයි

වැටහෙන් නෑ කරුන

හීන ගොඩක් ලග මම අද තනියම

කවුරුත් නැහැ තාම

වසරින් වසරට වයසට ගියමුත්

හිත තාමත් එතන

කදුළුත් වියැළුනු දෙනෙතේ සරනා

ඔය රුවමයි තාම

හීනෙන් හීනෙට ලගටම ආ මුත්

කිසිවක් නෑ ඇත්ත

හැමදාටම නුඹ මට දෙවියෙකි දෙවියන් හට

2010-10-25T21:07:00.001+05:30

අමිල නිවන මා හට

පා යුග ලග සුරලොව

පියතුම නුඹේ පුතු මම

ගයෙනෙමි පිය ගුණ ගැන

නපුරු දුදන දන ලග

මුලා නොවී කතරක

ණැනස නුවණ පෙරමුන

ලැබුනේ නුඹ ගෙන් මට

ලොවුතුරු සම්බුදු ගුණ

සිහි කැදවන නුඹේ හද

හැමදාටම නුඹ මට

දෙවියෙකි දෙවියන් හට

සල් මල් තරමට පිං මද මේ මල්

2010-10-10T19:38:00.001+05:30

බිම්මල් පිපිලා පිල්කඩ අයිනේ
ඊයේ වට වරුසා වැස්සේ
සල් මල් තරමට පිං මද මේ මල්
කුස්සියේ මැටි වලදේ සැතපේ

උපතින් නොලැබුණු සුවද සොයාගෙන
තුනපහ අතරේ දැවටේ
දාහය දාරාන සියුමැලි සුදු පෙති
හැන්දට ඕනා විදිහට රගතේ

සුවදයි සුවදයි කියාන නෙතගේ
කෑදර බැලුම් හෙලාය මේසේ
බුදු පාමුල මලසුන ඉඩ නැති
බිම් මල් බෝජනසුන මත්තේ නිම වේ

කල්පයක් තව බලාන ඉන්නම්

2010-09-29T16:53:00.006+05:30

මුතු කදුලක් නෙතු යුග සරසන්නට
දෙබඩි සිතක් නැත නුඹ හද රිද්දන
සමාධියේ හැර නොමැත නුඹ මට
සමාධියක් වුන වෙන
රුවක් කොතැනක

අප හමුවේ දෙගුරුන් අනසක නම්
ඉවසමු නිදහස දිනක ලැබේ නම්
සුන්දර ප්‍රේමේක අකුලක් නැති නම්

මිහිරක් නොරැදේ සිනහා වේ ම නම්

කදුළු කථාවේ තව දුර එන්නම්
නෙතග කදුළු පිස ලන්නට දේ නම්
සිතපාමුල නුබේ සැමදා මා නම්
කල්පයක් තව බලාන ඉන්නම්

ඔබේ විවාහයත් ගන්න ඉන්නේ අනුන්ගේ සල්ලි වලින් ද?

2010-09-26T16:12:00.001+05:30

නැවත පලකිරීමකි

මේකත් මේ මගුල් කථාවක්ම තමා. මතකනේ මගුලයි කුකුලයි ගැන සහෘදයා පෙර දිනයක කථා කලා. ඒක කියවපු නැති ඈයන්ට ඔය තියෙන්නේ පහලින්. එතන නැතිනම් මෙතන ක්ලික් කරලා බලන්නකෝ. ඒ කථාව අන්තිමට වෙන පැත්තකටනේ ගියේ. ඒකෙන් කමක් නැ. කියන්න තියෙන ටික කිවුවනේ කාට කාටත්. මේකත් මේ ඒ වගේම සීන් එකක් තමයි. මේක මේ කාටවත් මඩ ගහන්නවත් ආසන්න සිදුවීමක් හෝ මූලිකව කරගෙනවත් ලියන ලද්දක් එහෙම නොවන බවත් කරුණාවෙන් සලකත්වා. මේවා ගැන ලියන්කොට A4 පිටු 3 4ක් ලියන් අදහස් ආවත් කියවන්නන්ගේ රුචිය තකා ඉතාම කෙටියෙන් ලියන්න උත්සහ ගන්නත් ඕන. නිකම්ම නිකන් වස කම්මැළියේ කල්පනා කර කර ඉන්නකොට හිතෙන දේවල්. මේකට නම් මට කට්ටිය අතින් පයිනුත් ගහයිද මන්ද. ඒත් ඉතින් මක්කක් කොරන්ටද හිතන්න තහන්චි නැතිමුත් ලියන්න තහන්චි නැතිමුත් මගේ සිතිවිලි කුමක් අරභයා සගවාගෙන සිටිම්ද?

මගුලක් ගන්නවා කියන එකත් දැන් කාලේ ලෙහෙසි පහසු කටයුත්තක් නොවැයැ. ඉතින් සෑහෙන වියදමක් කරන්න සිද්ද වෙනවා. ඉස්සර නම් වෙලා තියෙන්නේ ලගම නෑයෝ නොනෑයෝ ටික එකතුවෙලා ගෙදරම කෑම බීම ටිකක් හදාගෙන ගෙදරම ඉතාම සරළව ඔය කාරිය අහවර කරන එක. ඉතින් ඕකට ඒතරම් වියදමක් නැහැනේ. ඒකට දැන්. දැන් කොරන මගුල් ගැන ඉතින් අළුතින් කියන්න දෙයක් නැහැ නොවැ කවුරු කවුරුත් දන්නවා නේ කාරිය. මුළු ලෝකෙටම පේන්න ගන්නත් ඕන ඒ‍ උනාට පොකට් එකත් හිස්. ඒත් ඉතින් ලෝකය හොල්ලන මගුලක් නොඅරන් කෝමද?

ඒකට දැන් හොයාගෙන තියෙන සාර්ථකම ක්‍රමය අනුන්ගේ සල්ලි වලින් මගුල් කෑම. ඒ කියන්නේ අනුන්ගේ සල්ලි වලින් මගුල් කනවාය කියන එක. තවත් සරළව කිවුවොත් කාටවත් ණයත් නොවී තියෙන සබ්බසකල මනාව වියදම් කරගන්නෙත් නැතිව ඉතාම ඉහල මගුලක් අරගෙන ඒ උත්සවයට පැමිණෙන්නන්ගෙන් අර උත්සවයේ වියදම පියවා ගැනීම. හරියට ඇතුල් වීම නොමිලේ පිටවීමට ගාස්තු අයකෙරේ ව‍ගේ සීන් එකක් නේ මේක. ඒකනේ පිටවෙන දොර ගාව ලියුම් කවර බන්දේසි එහෙමත් තියලා තියෙන්නේ සමහර මගුල් ගෙවල් වල. අනේ මන්ද අර මොකද්ද කාලේ වනේ වාසේ කිවුවා වගේ. දැන් ඉතින් ඒ උත්සව වලට යන ඇයොත් අත් දෙක හොල්ල හොල්ල ගිහිල්ලා දෙන දේ කාලා නැති දේවල් වලට හිතින් බැන බැන තියෙන බ්‍රැන්ඩ් එක බීලා නැති බ්‍රැන්ඩ් වලට පච හල හල ඉවර වෙලා අන්තිමේදි කෙල සොටු දාදිය පිටින්ම දෙන්නටම උම්මා එකත් දීලා නම ලියපු ලියුම් කවරයක් දිග් කරලා හායි බායි කියලා තුහ් නොදකින් ගියායින් ගියේ නැහැ මෙහෙමත් මගුලක් දුන්න ගානටත් පාඩුයි කිය කිය හිතින් බැන බැන ගෙදර එනවා. ඇත්ත තිත්ත වුනාට වර්ථමානයේ බහුතරයක් මගුල් උත්සව වල සාමාන්‍ය සමස්ත ක්‍රියාවලීය ඕක තමා.

සමාන්‍යයෙන් නම් දෙදෙනෙකු විවාහ වන්නේ ජීවිතේ එකපාරනේ දැන් ඒක අසාමාන්‍ය වේගෙන ගියත්. ඉතින් ඒ ජිවිතේට ලැබෙන එකම එක අවස්ථාව ඉහලින්ම සමරන එක එයාලගේ සතුටනේ. ඉතින් ඒ සතුට බෙදාගන්න විසිරිලා ඉන්න නෑයෝ නොනෑයෝ ලගම හිතමිත්‍රාදීන් එක්කාසු කරගන්න එකේ වරදක් නැහැ නේ. ඉතින් ඒ සතුට බෙදා හදාගන්න ආව අයව පිළිගන්න කෑම බීම සංග්‍රහ සත්කාරත් තියෙන්න එපැයැ. ඒ වගේම එන ඇයොත් තමන්ගේ සතුට සුබ පැතුම නව යුවලට එක්කරන්න තෑගීබෝග එහෙම අරන් එන එකත් අරුමයක් නො‍වෙයිනේ. ඒත් ඉතින් අළුත් විෂම සමාජයේ තෑගි බෝග උස්සගෙන යනවට වඩා මුදල් ත්‍යාගයන් ලබාදෙන එක ප්‍රායෝගිකයි. මොකද එකම ත්‍යාගය කීප දෙනෙක් ගේන්නත් පුළුවන් නැතිනම් ඒ ත්‍යාගය ඒ දෙන්නට මෙලෝ රහක් නැති දෙයක් වෙන්නත් පුළුවන්. ඒ වගේම එම භාන්ඩයේ අගයට වඩා එම භාන්ඩයට ගෙවන මූල්‍ය අගය වැඩි විය හැකි නිසා භාන්ඩමය ත්‍යාගයකට වඩා මූල්‍යමය ත්‍යාගයන් ලබාදීම වඩාත් ප්‍රායෝගිකයි. එවිට එම එක්කාසු වන්නා වූ මුදල් වලින් නව යුවලට තමන්ගේ අභිමතයන් මිළදී ගත හැකිය.

නමුත් එම උත්සව අවස්ථාවට සහභාගි වන්නන්ට ආරාධනා කරන්නේ තෑගි බෝග හෝ මූල්‍යමය වටිනාකමක් බලාපොරොත්තුවෙන් නම් හෝ හිත් කොනක එවන් ප්‍රාර්ථනාවක් සගවාගෙන නම් එය කොතරම් අග්ශිල දෙයක්ද? ඒ වගේම එම අවස්ථාවට සහභාගි වන්නන් සහභාගි වන්නේ එම යුවලට හදවතින්ම සුබ පතන්න නම් ඉතා ඉහල රස මසවුලු හෝ සංග්‍රහ සත්කාර බලාපොරොත්තු වීමේ තේරුම මොකද්ද? අපි අපේ හදවතේ ප්‍රිතිය සැබෑ ලෙසම බෙදා හදා ගන්න නම් කෙනෙකුට ආරාධනා කලේ ඔහුගෙන් හෝ ඇයගෙන් ත්‍යාගයක් බලාපොරොත්තු විය යුතු නැහැ නේද? ඒ වගේම අපි එම අවස්ථාවට සහභාගි වන්නේ සැබෑ ලෙසම ඔවුන්ට සුබපතන්න නම් ඉහල සංග්‍රාහ සත්කාර බලාපොරොත්තු විය යුතු නැහැ නේද? ඒ වගේම එම ආරාධිතයින්ට සංග්‍රාහ සත්කාර කිරීම ආරාධකයින්ගේ වගකීමකි. එලෙසම ආරාධිතයින් ත්‍යාගයක් ලබාදීම යුතුකමකටත් වඩා සිත්තොසක් විය යුතුය.

වර්ථමාන විෂම සංකීර්ණ සමාජය තුල ඇති මූල්‍ය භංගත්වය හේතුවෙන් මාසෙකට උත්සව අවස්ථා කිහිපයක් සදහා කෙනෙකුට ආරාධනා ලැබුන හෝත් එම පුද්ගලයා මුහුණ පාන ආර්ථිකමය ද සමාජීයමය ද හා මානසික ප්‍රශ්ණය ගැන ඕනැම සමාන්‍ය බුද්ධියක් ඇති කෙනෙකුට වටහා ගැනීමට අපහසු නැත. ඉතින් එවැනි සමාජ ආර්ථික වටපිටාවක් තුළ අප අපගේ විවාහ උත්සවයට ආරාධනා කරන්නනගෙන් සෑබෑ සුබ පැතුමක් බලාපොරොත්තු විය හැකිද? ඉතින් ඒ ගැන සිතා අප එවන් උත්සව අවස්ථාවකට සහභාගි කරගන්නන්ගෙන් යමක් බලාපොරොත්තු වීම සුබ නැහැ නේද? අපට පුළුවන් නම් අපේ ආර්ථික හැකියාවට ගැලපෙන අයුරින් ඉතාම සමීපතම ළබැදියන් විතරක් රැස් කර ඉතාම චාම්ව සංග්‍රාහසත්කාරයන් කරවා වගේම ඔවුන්ගෙන් ත්‍යාගයන් නොගෙන ඔවුන්ව සතුටින් විසුරුවා හරින්න හැකිනම් කොයිතරම් සැහැල්ලුවක් සතුටක් ඇති නොවෙයිද? “එතකොට සහෘදයා කියන්නේ එයාල ගේන ත්‍යාගයන් භාරගන්නේ නැතිව එයාලටම අරගෙන යන්න කියලද? එතකොට එයාල තරහා වෙයිනේ. අපෝ මෙයාලගේ ලොකුකම කියලා හිතයිනේ.” ඒකනේ දැන් ඔයාට තියෙන ප්‍රශ්නය? හ්ම්.......ඒකට මෙහෙම කරමු ඔය වෙඩින් කාර්ඩ් එක තියෙනවනේ ඒ කියන්නේ invitation එක අන්න ඒකේ යටින් ලියමු මෙන්න මෙහෙම

“ඔබගේ පැමිණීම ඉතාම අනිවාර්යෙන් බලාපොරත්තු වන අතර මුදල් හෝ ත්‍යාගයන් රැගෙන නොඑන ලෙස ඉතාම කාරුණිකව දන්වා සිටිමු.”

ඒක නිකන් අවුල් අවුල් වගේ නම් ඊටත් වඩා සුමටව හරි වාචිකව හරි අපි ආරාධනා කරන්නන්ව දැණුවත් කරමු. මේක මේ මහ ලොකුකමක් කියලා ‍සිතන්න ඕන නැහැ මොකද අපි හද පත්ලෙන්ම යහපත් චේතනාවකින් කරන නිසා අන් අයත් ඒ පිළිබදව අහිතකින් සිතන එකක් නැහැ.

ඒ වගේම මේ ලිපිය නිකන් ඇගිලි කහනවට කම්මැලිකමට ලියුව එකක්ය කියලා අහක දැම්මත් අවුලක් නැහැ. මමත් නිකන්ම නිකන් කම්මැලිවට අගිලි කහනවට තමා ලියුවේ. හැබැයි සහෘදයා මේ වගේ අවස්ථාවකට අනාගතයේ දවසක මුහුණ දෙනවනම් මේවා ඒ අයුරින්ම සිදු වේවි. ඉතින් එදාට මේ බ්ලොග් එක සාක්ෂියක් වෙයි . ඒ කොහොම උනත් මේක ගැන ඔයාලගේ අදහසුත් මට සැහෙන්න වටිනවා. සහෘදයාගේ පැතුම කෝම කෝම හරි ඔබේ විවාහයට සැබෑම සුබ පැතුමක් වේවා.

සැනසෙමි සුවදින් ශ්‍රී ලංකා

2010-09-23T14:19:00.003+05:30

කදුකර රෑසිරි හැලෙනා දිය ඇලි
ඇති ගම් මවු රට ශ්‍රී ලංකා
ගහකොල ඵල බර සීතල මද නල
ඇති ගම් මවු රට ශ්‍රී ලංකා

පියඹා ගොස් දුර සමුදුරු ඈතට
මවු අතහැර මගේ ශ්‍රී ලංකා
නුඹ තුරුලේ මිස නින්දක් කෝ මට
නෙතු ඉල්ලයි මගේ ශ්‍රී ලංකා

කය පිට රටකය සිත නුඹ ලගමය
සැනසෙමි සුවදින් ශ්‍රී ලංකා
පිම්මේ පැමිණෙමි තුරුලේ සැනසෙමි
බදාන රන් බිම ශ්‍රී ලංකා

නුඹ වගේම ලස්සන නුබේ ගෙත්තම මා සතු

2010-09-13T15:27:00.002+05:30

මල් මසාපු කොට්ට උරය නුබ මට දුන්නු
හිස තියාන සිහි කෙරුවා නුබේ රූ සොදුරු
නුඹයි කියා නුබේ දෑත එක්කහු කරපු
මල් පොකුරම සිප ගත්තා නුඹ මෙන් සිනිදු

සමන් පිච්ච මල් මෙන් හැඩ චූටි චූටි පෙතී
නෙක නෙක පාටින් හැඩවී හීනි හීනි කෙමි
ලස්සන සමනලයෙක් වසාලා ඒ මල් මත හිදී
ගෙත්තමක්ද සිත්තමක්ද සිතා ගනු බැරී

අඩුවක් නෑ සුවද නැතැයි මේ මල් සොදුරූ
කොපමන බැලුවත් ඇති නෑ පාටින් ප්‍රියකරූ
නුඹ වගේම ලස්සන නුබේ ගෙත්තම මා සතු
නොමැකෙන සිහි වටනයකී දිවියට එක් වුනු

නුඹත් එපා පෙමත් එපා රැදෙනු ගිය තැන

2010-08-28T14:33:00.016+05:30

හිත හදා ගන්න හැදුවට අමතක කර දාලා

හීන වලින් වද දෙනවා මුලාවේ දාලා
එපා තවත් ලංවෙන්නට කදුළු සලාලා
සමාවෙන්න රත්තරනේ ආදරෙයි කියාලා

කදුළු බිංදු එකතු කරන් පුංචි ඇස් ලග
නෙතු මත මගෙ සරන්නෙපා හීනෙකින් වුව
සැබෑ ලොවේ නැති සෙනෙහස කුමට නිදි ලොව
නුඹත් එපා පෙමත් එපා රැදෙනු ගිය තැන

හිතන්නෙපා ඒවි කියා නුබේ පා ලග
අයදින්නට නුඹේ සුන්දර චපල සෙනෙහස
හැකි නම් නුඹ සැනසෙන්නට වෙනකෙකු ලග
කුමකට මා තනිවෙන්නද කදුළු හල හල

සංවර නොව සංකර වනු මේ රැයට

2010-08-22T13:25:00.006+05:30

සංයමයෙන් සුවද දෙමින් නිසංසලා
සංවර සිත නුබේ සුවදින් උමතු කලා
සංසුන් කිම මට නම් බෑ ඉන්න බල බලා
සන්ඩු මොටද සාවියේ දැන් රෑත් වෙලා

පිනි වැටිලා මල් පෙති මත සීතල නැද්ද
උනුසුම් ලය තුරුල් වෙන්න තව හිත නැද්ද
සියුමැලියේ කොපුලේ සුව තාමත් දුරද
සමන් මලී තාමත් නුඹ සිහින් නුවනින්ද

මේ සෑදෑව වෙන් වී ඇත අපෙ නමට
දුහුල් සේද මීදුම් පට ඇත සුවට
සමනොලියේ සිනිදු සේල තව මොකට
සංවර නොව සංකර වනු මේ රැයට

පින්නේ පිපුණු මලක් වගෙයි

2010-07-27T22:13:00.001+05:30

ආසයි හරි පරිස්සමට
ඔය දෙකොපුල් පිරිමදින්න
සියුමැලි කම වැඩිම හන්දා
ලෝබයි මම අත තියන්න

වල ගැහෙන්න සිනා සුනත්
සමනළ තටුවක් වාගෙයි
කදුළු බිංදු ගලා ගියත්
පින්නේ පිපුණු මලක් වගෙයි

‍සිහින් සුළං හමා ගියත්
කෙස්රොද මුහුනටම එබෙයි
මුව සිබ එක් ඇසිල්ලකින්
ආයෙම පවනට මුසුවෙයි

Work station (3D images)

2010-07-26T19:32:00.002+05:30

මල් සරාට විවෘත ලියුමක්

2010-07-12T13:11:00.002+05:30

මල්සරා මතං වෙත ලියමී.

බඩුම වේවා

සරා මතං උබේ සැප දුක් කෙසේද? සුපුරුද්දට ඇහුවට උඹෙන් නම් ඒක අහන්න දෙයක් නෙවී. මොකද උබනම් පැණි උගුඩුවා වගේ මල් වටකරගෙන පැණි හල හල ඉන්න බව අපි දන්නවා. ඒකට අපි දුක තමයි. අපිත් බලාගෙන ඉන්නවා උබ අද ලයින් එක දායි හෙට ලයින් එක දායි කියලා. තව කොච්චර කාලයක් බලාගෙන ඉන්නද මල් මතං. ඉදලා ඉදලා (ම්හ්...මුහ්...ඇඩෙනවා අයියෝ) බැරිම තැන තමයි උබට ලියුමක් වත් දාන්න ඕන කියලා හිතුනේ. එක තත්පරයක් අපි දිහා බලන්න බැරි තරං අපි කලුද මතං. අම්මපා දුක හිතෙනවා (ම්හ්...මුහ්...) මල් මතං. ඔය තරං කෘර වෙන්න එපා රත්තරං. මතං සොරි වෙන්න. අකුරු බොදවෙලා වගේ තියෙන්නේ පොල් කොල අස්සෙන් පිණි බිංදු වැටිලා එහෙම නෙවෙයි. කදුළු බිංදු වැටිලා. (ම්හ්...මුහ්...). ඉතිං රත්තරං.

කියන්න ගොඩක් දේවල් තිබුණත් කියා ගන්න බෑ දුකට. ඒක නෙවෙයි මතං උබ දැන් කොරන තරමක් කරන්නේ කැත වැඩ. ඇයි ඒ. උබ සෙට් කරන කපල්ස් මාසෙන් දෙකෙන් අප්සෙට් වෙනවා. එක්කෝ කොල්ලෙක් කොල්ලෙකුටම සෙට් කරනවා. නැතිනම් කෙල්ලෙක් කෙල්ලෙක්ටම සෙට් කරනවා. ඇයි මල් මතං කල කිරිලා වගේ වැඩ කරන්නේ? ඇයි හරියට කිරලා මැනලා වැඩේ කරන්නේ නැත්තේ? උබ ඕනවට එපාවටද දැන් වැඩ කරන්නේ? වෙලාවට පඩි ගෙවන්නේ නැද්ද? ඕටයිම් කප්පාදු කරනවද? කෝස්ට් කටිං කියලා කිරි තේ දෙන්නේ කිරි නැතිවද? ඒ උනාට රත්තරං මතං උඹ ඒවට සැලෙන්න එපා. උඹ සැලුනොත් කෙලවෙන්නේ අපිටනේ මල් වස්තුවේ . උඹ උඹේ ලොක්කත් එක්ක මලපැන්නට මල් වගේ අහිංසක අපේ හදවත් වලින් පලිගන්න එපා රත්තරං. අපි අහිංසකයි, අකලංකයි, පිවිතුරුයි, නිර්මලයි, නිර්ව්‍යාජයි, නිසංසලයි, නිස්සා......රනයි.

මල් මතං උඹ තාමත් ලැගගෙන ඉන්නේ සුජාතා අත්තනායක ආන්ටි සාදා දුන්න මාළිගාවෙමද? උඹ එයාටනම් මල් නෙලන්න අවස්ථාවක් අරන් දුන්නා. අපිට තමයි හුළං. ඒක නෙවෙයි මල් වස්තුවේ මල් සරාට ප්‍රේම ලෝකේ මාළිගා තනා ගන්න මමත් මල් 7තේ ප්ලෑන් එකක් ඇදලා දෙන්නම් මල් නෙලන්න අවස්ථාවක් මදට අත්කරලා දීපන් සුදා. ගයා ගී....ටිං ටිං ගයා ගී....

ගෙදරටම තිවුනේ එක ගිනිකූරයි එකෙන් පහන පත්තු කරගෙන තමයි මේක ලියුවේ දුක වාව ගන්නම බැරි තැන. එහෙනම් අදට නවතිමි. මල් මතංට සුබ රාත්‍රියක් වේවා. මතංට අපිව හීනෙන්වත් පෙනියන්.

උම්මා.....උම්මා.....(තැපැල් තොත්තුව)

මල් සරාගේ ඒකාධිකාරි ආදර කඩ‍පොළ

2010-07-05T19:16:00.002+05:30

මල් සරා දැන් තම රාජකාරි කටයුතුවලින් බැහැරවී පිස්සු කෙලින්න පටන්ගෙන තියෙන සෙයකි. අපිට ඕනා තැන්වලට ඔහු දැන් නොවිදී. ඔහු විදින්නේ ඔහුට ඕනා ඕනා තැන්වලටය. අපිට ඕනා තැනකට විදගන්න නැතිව සරාට ඕනෑ තැන්වලට විදපු ඒවා අපිට අහවල් එකකටදැයි මට අහන්න හිතෙයි. ඔහුගේ හිතු මානාපෙට විදපුවා ගේ රග කප්පරක් වු විරහ දුක් විදින්නන්ගෙන් අහන්න දකින්න ලැබේ. අපිට ඕනා තැනකට විදගන්න අවස්ථාවක් දුන්න නම් ආදරය මේතරම් කරුමයක් කර නොගෙන ෆන් එකේ ඉන්න තිබුණී.

මල් සරා පිස්සු කෙලින්නේ මල් සරාගේ පෝස්ට් එකට තරග කරන්න වෙන බුවෙක් නැති නිසා යැයි මට දහස් වාරයක් සිතෙයි. සරාගේ පෝස්ට් එකට තරගයක් දෙන්න තව බුවෙක් හිටියනම් අපිට මේ තරම් මල් සරාගේ රෙස්පට් බලන්න සිදු නොවේ. අඩුම ගානේ තව එකෙක් වත් සිටියනම් දෙමස්සිනාලා කොටවා අපිට ඕනා ඕනා තැන් වලට විදගන්න තිබුණි.

මල්සරාට ඇත්තේ ආදර ලොව ඒකාධිකාරයකි. ඒ ඒකාධිකාරය බිද ආදරය විවෘත කඩපොලක් සේ කල යුතු බවයි මට නම් දහස් වාරයක් සිතෙන්නේ. එවිට අපිට අවශ්‍ය කරන ආකාරයේ මල් සරෙක් අපේ වැඩේට චැනල් කරගත හැකිය. එවිට නානාවිද හැඩයන්ගෙන් යුත් මල් හී අපට අත්හදා බැලීය හැකිය. එක සරෙක්ගෙන් වැඩේ කර ගන්න බැරි වුනොත් තව මල් සරෙක් අත්හදා බැලීය හැකිය. තරගකාරී මල් සරුන්ගේ කඩපොළට විදේශ සුරභවනන්ගෙන් ආදර අධ්‍යාපනය ලද විශේෂඥ මල් සරුන්ද පැමිණෙනු ඇත. එවිට ඔවුන් නිකම්ම මූන බලා හී විදිනවා වෙනුවට ස්කෑන් එක්ස්රේ යූරින් අර ටෙස්ට් මේ ටෙස්ට් අරවා මේවා හැම ජල්බරයක්ම කර ඉතාම ආසන්නයටම තකට තක හරියන හීයකින් අපිට විදිනු ඇත.

මල් සරා ඒ ලෝකේ නොසිට මේ ලෝකේ සිටියනම් ජරාවක් හරි දීලා ඊතලයක් දෙකක් ඉල්ලා ගන්න තිබුණි. එවිට අපිට ඕනා කෙනෙකුට අපිටම දමලා අනින්න තිබුණි. ඒ අතින් මස් කඩ කාරයන් වාසනාවන්තය. PHI මහත්තයා ඒ ලෝකේ නොසිට මේ ලෝකේ සිටීම මස් කඩකාරයන්ට ඉතා අස්වැසිල්ලකි. මොකද බොහෝ PHI මහත්තුරු මස් කඩ කාරයන්ට තම සීල් එක බැගින් දෙනු ලබයි. ඒනිසා මස් කඩහිමියන්ට තම හිතගත් ඕනෑම උරෙක්ට තම හිතුමතේට PHI සීල් එක ගසා ගත හැකිය. ඒ වගේ මල්සරා PHI මහත්තයව ආදර්ශයට අරගෙන අපිටත් මල් හීය ගානෙවත් දෙනවනම් කොච්චර එකක්ද දෙයියනේ. බලාගෙන ගියහම ආදරයෙන් පැරදී දුක් විදින්නේ මස් කඩකාරයන් තරම් අපි පිං කර නැති නිසා විය හැකිය.

මොන ජාතියෙන්ද ඕන

2010-06-30T15:15:00.000+05:30

මාතෘකාව දැක්කම හිතුවද දන්නෑ අදත් වලියක් කියලා. එදා වලීය මම කියුවට වඩා ගොඩක් උණුසුම් මුහුණවරක් තිබුනත් වෙලාව ඉතුරු කර ගැනීමේ පහසුව තකා කෙටි කලා. ඒ නිසා වලියක උපරිම රසාස්වාදය ලැබෙන්න නැතිව ඇති. හොලිවුඩ් චිත්‍රපටි වල කාර් වලි දැකලා ඇතිනේ කට්ටිය. අන්න ඒ වගේ සීන් එකක් තමා එදා උනේ. අද මාතෘකාව වලියක් වගේ උනාට අද වලියක් නැහැ. අද ගීත්ගේ පිටරට කථා වලින් කියන්න යන්නේ මා ආශ්‍රය කරන විදේශිය ජාතීන් ගැන විස්තර ටිකක්.

අපේ ආයතනයේ මාත් සමග ශ්‍රී ලාංකිකයෝ 6 දෙනෙක් සිටින අතර ඔවුන් කර්මාන්තපුරයේ කර්මාන්තශාලාවේ වැඩ කරන සේවකයන් වන අතර මා අගනගරයේ ප්‍රධාන කාර්යාලයේ සේවය කරන නිසාවෙන් අපට හමුවන්නට කථා බහ කරන්නට අවස්ථාවක් අඩුය. ඔවුන් සිටිනුයේද වෙන නේවාසිකාගාරයකය. මගේ නේවාසිකාගාරයේද ලාංකිකයෙකුට සිටිනුයේ මා පමනක් වන හෙයින් මා තනි අලියෙක් වී සිටී. :D . මා කොහොමත් හුදකලාව ප්‍රිය කරන්නෙක් නිසා ලංකාවේ එවුන් නැහැ කියා පාඩුවක් පාළුවක් නැතිය.

මා සිටින නේවාසිකාගාරය තට්ටු 3ක පාසල් ගොඩනැගිල්ලක් මෙන් ගොඩනැගිල්ලක් වන අතර මෙහි ඉන්දියානු ජාතිකයන් සිරියානු ජාතිකයන් පිලිපීන ජාතිකයන් ඊජිප්තු ජාතිකයන් හා බංග්ලාදේශ් ජාතිකන් සිටී. ඔවුන් සියළුදෙනා අප ආයතනයේ සේවකයන්ය. මාද ඉන්දියානුවන් දෙදෙනාද හා ඊජිප්ත්තු ජාතිකයා අප ආයතනයේ ප්‍රධාන කාර්යාලයේ නිළධාරීන් වන අතර අනෙක් අය ෆැක්ටරි වල හා වැඩබිම් වල සේවය කරන්නන්ය.

අප ගොඩනැගිල්ලේ බංගලියන් 6 දෙනෙක් සිටින අතර මගේ කාමර සගයාද බංග්ලාදේශ් ජාතිකයෙකි. ඔහු මුස්ලිම් ආගමිකයෙකු වන අතර වසස 40ක පමන දෙදරු පියෙකි. අපි ඉතාම සුහදශීලි මිතුරන්ය. බංග්ලාදේශයේ 80%ක් පමණම ජනහනය මුස්ලිම් ජාතිකයන්ය. 10% පමණ හින්දු ජාතිකයන්ය. ඔවුන්ගේ භාෂාව බන්ගාලා ය. ඔවුන්ගේ අක්ෂර වින්‍යාසය හිංදි ලිඛිත අක්ෂර වින්‍යාසයට බොහෝ සෙයින් සමානය. හින්දි ලිපියක් හා බන්ගාලා ලිපියක් එම භාෂාවන් නොදත් අයෙකුට එකවර හදුනා ගනු නොහැකි තරමට පෙනුමින් එක සමානය ය. ඔවුනට ඉංග්‍රීසි කථා කල නොහැකි නිසාවෙන් අප අදහස් හුවමාරු කර ගනුයේ හිංදි හා ඉංග්‍රීසි මිශ්‍ර භාෂාවෙනි. ඔවුන්ගේ මවු භාෂාව හිංදි නොවුවත් ඔවුන් චතුරව හිංදි කථා කරනු ලබයි. මට හිංදි භාෂාව හොදටම කථා කල නොහැකි මුත් දැන් දැන් යමක් කමක් කරගැනීමේ හැකියාවක් තිබේ. ඔහුට ඉංග්‍රීසි කථා කල නොහැකි මුත් ඉංග්‍රීසියෙන් කියනා දේ වටහාගන්නා නිසාවෙන් ඔහු හිංදියෙන් කථාකරන අතර මා ඉංග්‍රීසියෙන් හා හිංදියෙන් කථා කර අපගේ අදහස් හුවමාරු කරගනිමු. මාත් දැන් චෝටා චෝටා හිංදි කථාකරන නිසාවෙන් තව මාස 3න 4කින් හිංදි වලින් ඇට්ටි හැලෙන්න දෙන්න බලාගෙන ඉන්නේ කට්ටියට. හිහ්....හිහ්.... :D

ඉන්දියානු ජාතිකයන් ගිණුම් ශිල්පීන් වන අතර ඔවුන් ඉංග්‍රීසි භාෂාවෙන් අධ්‍යාපනය ලැබුවන්ය. කඩුව වනන්නේ නිකන් රොබින්හුඩ් එකේ නසීයර් වගේය. නමුත් ඔවුන් R අකුර යෙදෙන වචන කථාකරද්දී R අකුර වැඩිපුර උච්චාරනය කිරීමෙන් ඔවුන්ගේ භාෂාවේ කෘතීම බවක් තිබේ.

එක් ඉන්දියානුවෙක් කේරළ හිංදු ජාතිකයෙක් වන අතර ඔහුට මෙහි එන විට මා තරම්වත් හිංදි නොදත් බවකුයි ඔහු කියා සිටියේ. අප සිතා සිටිනුයේ ඉන්දියාව කිවුවොත් හිංදි කියාය. නමුත් එය වැරදිය. ඉන්දියාවේ භාෂා 300කට වැඩි ගනනක් ඇති නිසාවෙන් ප්‍රාන්තයෙන් ප්‍රාන්තයට හා ජන කොට්ඨාශයෙන් කොට්ඨාශයට භාෂාවන් වෙනස්ය. ජාතික භාෂාවන්ම 18ක් ද කොහේදය. ඔහුගේ භාෂාව මලයාලම්ය. එය දෙමළ භාෂාවට ඉතාම සමීප භාෂාවකී. එමෙන්ම මලයාලම් අක්ෂර වින්‍යාසය සිංහල හා දෙමළ අක්ෂර වින්‍යාසයට බොහෝ සෙයින් සමාන කම් තිබේ. මා දවසක් ඔහුට කියා මගේ නම ඔහුගේ මලයාලම් භාෂාවෙන් ලියා ගත්තෙමි. මට පදුම හිතුනි. මගේ නම මලයාලම් භාෂාවෙන් ලියුවද සිංහල භාෂාවෙන් ලියුවද ඉතා කුඩා වෙනසකි. ඔහු භාෂා 5ක් කථාකරන්නෙකි. මෙහි එන විට ඔහු මලයාලම් , දෙමළ හා ඉංග්‍රීසි භාෂාවන් දැන සිටියෙකි. මෙහි ආවට පසු හිංදි හා අරාබි භාෂාවන් කථා කිරීමට හුරුවී තිබේ. නමුත් හිංදි හා අරාබි ලියන්න කියන්න දන්නේ නැත. දෙමළ භාෂාව හා මළයාලම් භාෂාව ශබ්ධයෙන් සියයට සියයක්ම වාගේ එක සමානයය. ඔහු පවසන අකාරයට මලයාලම් භාෂාව කථා කරන බොහෝ දෙනෙකුට දෙමළ භාෂාවද කථා කල හැකි නමුත් දෙමළ කථා කරන්නන්ට මලයාලම් කථාකිරීමේ හැකියාවක් නැතිය. ඔයාට ඒක තේරෙන්ට නැතිව ඇති. මටත් තවම ඒ අන්ඩර දෙමළය තේරුනේ නැතිය. :D. තවත් කේරළයෙක් හම්බවුන දවසක ඒකේ ඇත්ත නැත්ත අහලා කියන්නම්කෝ. නමුත් මෙයාට දෙමළ පුළුවන් බව මා අත් දැකීමෙන් දනිමි. මා ඉදිරියේ ලාංකික දමිළයන් හා මොහු දෙමළ භාෂාවෙන් කථා කරනවා කිහිප විටක්ම මා දැක ඇත්තෙමි.

අනෙක් ඉන්දියානුවා නම් ඔරිජිනල් හිංදි කථාකරන්නෙකි. ඔහු උත්තරප්‍රදේෂ් ප්‍රාන්තයේ වන අතර මුස්ලිම් භක්තිකයෙකි. ඔහුට භාෂාවන් 6 ක් හෝ 7ක් දන්නා බවක් දිනක් මා හා පැවසූ අතර එහි සත්‍ය අසත්‍ය තහවුරු කර ගැනීමට අවස්ථාවක් නැත. නමුත් හිංදි, ඉංග්‍රීසි හා අරාබි භාෂා ත්‍රිත්වයම ලියන්න කියවන්න හා කථා කරන්න හැකි බව මා අත් දැකීමෙන් දනිමි. උර්දු භාෂාවද ඔහු කථා කරන අතර එය තහවුරු වූයේ පකිස්ථානුවන් සමග කථා කිරීමෙනි. පකිස්ථානුවන්ගේ ජාතික භාෂාව උර්දුය. උර්දු හා හින්දි භාෂාවේ ලොකු වෙනසක් නැති බව ඔවුන් මට කියා තිබේ. උර්දු හා හිංදි භාෂාවන් සමගාමී භාෂාවන්ය.

සිරියානුවන් ගේ මවු භාෂාව අරාබිය. ඔවුන් හිංදි හෝ ඉංග්‍රීසි කථා නොකරයි. ඔවුන්ට අනෙක් භාෂා ඉගෙනීමටද උවමනාවක් නැතිය. ඔවුන් සමග අදහස් හුවමාරු කර ගන්න ගියහම මට නම් ගොළු භාෂාවේ පිහිටය. :) . සිරියානුවන් බොහෝවිට ඉතාම ප්‍රියමනාප පෙනුමකින් යුත්තය. කඩවසම් පුද්ගලයන් කීවොත් නිවැරදිය. නමුත් එතමරම් අධ්‍යාපන මට්ටමක් නැති බවක් ඔවුන් ආශ්‍රය කිරීමෙන් තේරුම් ගත හැකිය. එමෙන්ම ඔවුන් වහා කිපෙන සුළුය. ෆැක්ටරි එකේ වලියක් නැති සතියක් නැතිය.

පිලිපීන ජාතිකයන් ඉංග්‍රීසි කථා කරන අතර ඔවුන්ගේ භාෂාව පිලිපිනොය. තගාලෝග් කියාද කියනු ලබයි. ඔවුන්ට ආවේනික භාෂාවක් තිබුනට ඔවුනටම ආවේනික අක්ෂර වින්‍යාසයක් නැතිය. ඔවුන් ලිවීම් කටයුතු සදහා භාවිතා කරනුයේ ඉංග්‍රීසි අක්ෂරයය. හිංදි කථාකරන පිලිපීනයන්ද සිටී. ඔවුන් ඔවුන්ගේ අය පමනක් අශ්‍රය කරන අතර අන් ජාතීන් සමග මුහු වීමට වැඩි කැමැත්තක් දක්වන්නේ නැතිය. මම දැක්ක දෙයක් තමයි මෙහේ සිටින පිලිපීන ජාතිකයන් වැඩි ප්‍රමානයක් ගැහැනු පෙනුම් ආරූඩ කරගැනීමට උත්සහ කිරීම. ඒ කියන්නේ කොන්ඩේ දිගට වැවීම කන්පෙති දෙකටම කරාබු දැමීම හා මුදු කරාබු හා ෙලාකු ගල් අල්ලපු කරාබු දැමීම. නහයටත් කරාබුදැමීම. හරියට දෙමළ කාන්තාවන් වගේ. මම හිතන්නේ ඒ රටේ ගැහැනු පෙනුම තියෙන පිරිමින්ට හොද ඉල්ලුමක් ඇති. :D. අපේ නේවාසිකා ගාරයේ නම් ඉන්නේ එක පිලෙක් විතරයි. ඌනම් පොඩි එකෙක්. ඌ තවම කරාබු දාලා නැහැ. ආවෙත් ලගදී. හැබැයි පොඩි කියලා නැහැ දවසකට සිගරට් පැකට් එකකට වැඩියෙන් ඉවර කරනවා.

ඊජිප්තුකාරයා අප ආයතනයේ PRO ය. ඒ කියන්නේ public relation Officer. මා පෙර ලිපියේ සදහන් කලා ඔහු මානව සම්පත් කළමනාකරු කියලා නමුත් ඒක නිවරදිම නැත. ඔහුගේ තනතුර සිංහලෙන් කියනවනම් මහජන සම්බන්ධතා නිළධාරී වගේ එකක්. DHR කියන්නේ ඊට වඩා උසස් තනතුරක්. මෙහේ DHR වගේ තනතුරු නම් තියෙනවාද කියලා මම දන්නේ නැහැ. මම අහලා තියෙන තරමින් මෙහේ කාර්යාල වල HR වලට අදාල හැම වැඩක්ම භාරව ඉන්නේ PRO ය.

තව විස්තර පසුවට

ත්‍රාසජනක අවස්ථාවක්

2010-06-28T16:34:00.000+05:30

පිටරටකට ආවට පස්සෙ මුහුණ දුන්නු ත්‍රාසජනකම අවස්ථාවට ගිය සතියේ මුහුණ දිලා මුහුණේ කෑල්ලකුත් හලා ගන්න වුනා. මේකයි සීන් එක. එදා අපි ඔෆීස් එකෙන් යන කොට රෑ 9.30 යි. අපි ගියේ කැබ් එකක. කැබ් එක ඩ්‍රයිව් කලේ සිරියානු ජාතිකයෙක්. ඔහු අපේ කම්පැනියේ ෆෝමන් කෙනෙක්. තවත් සිරියානු ජාතික ෆෝමන් කෙනෙක් ඉදිරි අසුනේ. පිටුපස අසුනේ මමත් මගේ ඉන්දියානු මිතුරාත් ඊජිප්තු ජාතික මිතුරාත් ගමන් කලා. අප 5 දෙනා රටවල් 4ක සම වයස් කාරයන් ය. හැමදාම වාගේ වාහනේ කැසට් එකේ ශබ්ධය උපරිම දාගෙන කෑකෝගහගෙන ෆන් එකේ යන ගමන් අතර මගදී කාර් එකක් රේස් එකට වගේ ආවා. මෙහෙ පාරවල් එල කිරි හින්දා රේස් යනවා කියන්නේ ෆුල් ෆන්. අපේ එකත් නාහයට අහන්නැති එකෙක් මුත් පෑගුවා ලෑල්ලට. අපිත් කමෝන් කමෝන් කිය කිය සප් එක. එතකොටම අර කාර් එක අපේ කැබ් එකට ඉස්සරහින් දාලා ලාවට බ්රේක් පාරක් ගැහුවා. එතකොට තමයි ෆන් එක දෙල් උනේ. රේස් එක කෙසේ වෙතත් ඉස්සරහ හිටිය සිරියානු ජාතිකයන් දෙන්නට නහුතෙට මල පැන්නා ඒ වැඩේට. සිරියානු ජාතිකයන් වහා කිපෙන සුළු පිරිසකි. ඉන්පසු ෆන් එක පැත්තක තියලා අර කාර් එක ෆලෝ කලා. අපි කට කැඩෙන කම් කීවත් වැඩේ අත් හැරලා දාමු කියලා සිරියානුවන් වැඩේ අත් හැරියේ නැහැ. කෝම හරි ෆලො කරලා දැන් වාහන දෙක කරට කර යනවා. වේගය පැයට 120ටත් වැඩී. අනිත් පැත්තේ හිටිය සිරියානුවා ඔහුගේ අතේ තිබුන පෙප්සී කෑන් එකෙන් අර කාර් එකට දමලා ගැහුවා. ඒ කාර් එකේ හිටියේ බංග්ලාදේශ් ජාතිකයන් දෙන්නේක්. ඉන්පසු ඔවුන් දෙදෙනා වැඩේ වල් වුන බව දැන ගැනීමෙන් රේස් එකෙන් ඉවත්ව කාරයේ වේගය අඩාල කරා. ඉන් පසු අප වාහනය ටික දුරක් ගොස් පාර මැද නතර කර සිරියානු ජාතිකයන් දෙන්නා පාරට පැන අර කාරය නවත්ව ගන්න උත්සහ කලා. පිටුපස හිටපු අපි 3දෙනාට හිතා ගන්නවත් වෙලාවක් නැහැ. අනික පිටුපස දොරවල් වල දෝශයක් හේතුවෙන් දොරවල් ඇරගැනීමට ටිකක් වෙහෙසෙන්න ඕන. ඒ ක්ෂනයකින් අර කාරය මොවුන් දෙදෙනාගේ ඇගේ වැදී නොවදින ගානට වෙට්ටුවක් දාලා හුම් ගාලා කන ගාවින් ගියා. ඉන් පසු මලේ උපරිමයට ආව සිරියානුවන් දෙන්නා නැවතත් කැබ් එකට නැග උපරිමයට පාගලා අර කාර එක ෆලෝ කලා. මට දැන් හිතා ගන්න බැහැ ඊළග මොහොතේ කුමක් සිදු වෙයිද කියා. කිසිවෙක් කථා නැහැ. මම හිතා ගත්තා අදනම් පොලීසියෙන් හෝ රෝහලින් මෙහා මේ වැඩේ නවතින එකක් නැහැ කියලා. ඕන දේකට රෙඩි කියලා මගේ අරවා මේවා සේරම ගැජට් බැජට් ටික හකුලලා බෑග් එකට දාලා ගේමට එන්ටර් උනා. ඉන්පසු ප්‍රධාන පාරින් අතුරැ පාරකට බංගලියන්ගේ කාරය දැම්මා. ඉන්පසු අපිත් අපේ වාහනය එය පස්සෙන් ගොස් ඉස්සර කරලා නවත්වපු ක්ෂනයකින් සිරියානුවන් දෙන්නා පැන අර කාරයේ හිටිය බංගලි ජාතිකයන් දෙන්නව ඇදලා ඇරගෙන නෙලන්න ගත්තා. අපේ වාහනයේ පිටුපස දොරවල් දෝෂ සහිත නිසා මමත් ඊජිප්තු ජාතිකයත් ජනෙල වලින් එලියට පැන්න අතර ඉන්දියානු ජාතිකයා ඉදිරිපස දොරෙන් එලියට ආවා. මටත් දෙක තුනක් අනින්න හිතක් ආවත් අරුන් දෙදෙනෙක් අපි 5 දෙනෙක් නිසාත් එක්කෙනෙක්ගේ මුහුනෙන් ලේ ගලනවා දුටු නිසාවෙන් ගහන්න ආව හිත අහක් කර ගනිමින් සිරියානු ජාතිකයව මම පැත්තකට අදින්න උත්සහ ගනිද්දී මගේ අතේ තිබුන බීම කෑන් එක මගේ තොලේ වැදීමෙන් උඩු තොල පුපුරා ගියේය. අපි 3න් දෙනා කොච්චර උත්සහ ගත්තත් විනාඩි 5ක් හෝ ඊට වැඩි වන පමන වන තුරුත් ධ්වන්ද සටන නවතා ගැනීමට නොහැකි විය. සමහරෙක්ගේ ඇදුමවල කෑලී නැත. ඇදුම් ලේ වලින් හා දාදියෙන් තෙත් වෙලාය. මගේ ෂර්ට් එකේ බොත්තම් දෙකක් නැති බවද ලේ පැල්ලම්ද දුටුවේ කාමරයටත් ආ පසුවය. ඉන්පසු මගී ප්‍රවාහන බස් රථයක් පැමින නතර කර එහි සිටි සෙනග සටන සමතයකට පත් කල අතර ගුටි කෑ බංග්ලාදේශ් ජාතිකයන් දෙන්නා ගෙන් කෙනෙක් පොලීසියට කෝල් කල නිසාවෙන් වැඩේ තවත් දුර ගියේය. ඉන් පසු පැය බාගයකට පමන පසු මියෑව් මියෑව් ගා පැමිණි පොලිස් කාරයෙන් හුරුබුහුටි පොලිස් තරුනයන් දෙදෙනෙක් පැමින සියල්ලමට අතට අතදී ඉතා සංයමයෙන් නඩුව විභාග කලේය. ලංකාවේ නම් වටේ සිටින වුන්ටත් කනේ පාර බැගින් දීලා ඇදලා ජීප් එකට දාගන්න එකනේ කරන්නේ. සියළු කරුණු කාරනා විභාග වුනේ අරාබී භාෂාවෙනි. බංග්ලාදේශ් ජාතිකයන්ද ඉතා චතුරව අරාබි භාශාව හැසිරුව අතර සිරියානු ජාතිකයන්ගේ මවු භාෂාවද අරාබි නිසාවෙන් මට නම් මෙලෝ දෙයක් තේරුනේ නැත. ඉන් පසු පතාකා (හැදුනුම්පත්) චෙක් කල පොලීසිය මටත් ඉන්දියානු ජාතිකයත් ඊජිප්තු ජාතිකයත් නිදහස් කල අතර අනිත් 4 දෙනාට පොලිස් කැබ් එකට නගින ලෙස අන කලේය. අපිව නිදහස් කලේ බංග්ලාදේශ් ජාතිකයන්ගේ කට උත්තරෙන් අපිට චෝදනා එල්ල නොකල නිසාවෙනි. ඉන්පසු සිරියානු ජාතිකයා අපි 3 දෙනා අපාර්ට්මන්ට් එකට ඇරලලා එන්නට පොලීසියෙන් අවසර ගත් හෙයින් ඔහුගේ හුදුණුම්පත පොලිසියේ භාරයේ තබා අපි එතනින් පිටත් විමු. ඉන්පසු මමත් ඉන්දියානු ජාතිකයත් වාසස්ථානයට ආව අතර සිරියානු ජාතිකයන් දෙදෙනාත් ඊජිප්තු ජාතිකයත් නැවත පොලීයට ගියේය. ඊජිප්තුජාතිකයා එහි ගියේ ඔහු අප ආයතනයේ මානව සම්පත් කලමනාකරු නිසාවෙන් අවැසි දේවල් කලමනාකරනය කිරීමටය. ඉන්පසු සිරියානුවන් දෙදෙනාත් බංගාලීයන් දෙදෙනාත් පැය 20ක් හිර භාරයේ සිටීමට සිදුවී ඇති අතර දඩ මුදල්ද ගෙවා එලියට ඒමට සිදුවී තිබේ.

සගවනු බෑ සිතිවිලි ගග පියාන දෙනෙත

2010-06-21T12:56:00.000+05:30

සරතැස නිවා සදරැස පැමිණෙන රෑට
සතැපුමකට වඩා දුර සිටියත් සොදුර
හිස පිරිමැද සිප නලලත නිබද
සතැපෙමි සයනයෙහි නුඹ තුරුලේහි සිතා මම

සන්සුන් ස්වරයෙන් මා සනසන අයුර
සාධු නාද සේ සවනේ සරන කොට
සත් සමුදුරු සත් ගගුලෙන් එතෙර
සිටියත් සොයමි සිසිලස නුඹ තුරුලේ මම

සමන් පිච්ච සුගන්ධියේ නුඹෙ සුවද
සියුම්ව විත් කිති කවනවා සියොලගම
සගවනු බෑ සිතිවිලි ගග පියාන දෙනෙත
සායම් නැති සල රූ වේ දෙනෙතට එවිට

ශිතකරනයක් තුල ජීවිතය

2010-06-16T16:52:00.007+05:30

විරහා වට එරෙහිව නැගී සිටීමේ ප්‍රථම පියවර වශයෙන් විරහා ගීත ලියන එක තාවකාලිකව අත්හිටු වා මිල්ටන් මල්වආරච්චි මහත්මයාගේ ගිත වලට ඩාන්ස් කිරීමට රවා හා මා පෙර පෝස්ට් එකෙන් කතිකා කර ගත් හෙයින් ඩාන්ස් කිරීමට අමතරව ඔන්න අද ඉදන් ගීත් ගේ පිටරට කථා. ටන්ටර..ටං...ටං...ටන්ටර...ටං...ටං...ටා........

අද මෙහේ උෂ්ණත්වය සෙල්සියස් අංශක 42 යි. මේ උෂ්ණ ඝෘතුව ගමන් කරමින් තිබෙන්නේ. අවු කන්නාඩි යුගලක් නැතිව එලි පහලියකට යනවා කියන්නේ වැඩක් නැහැ ඒ ගැන කථා කරලා. ඇස් පිච්චෙන ගානයි. මෙහේ ජීවිත් වෙන මිනිස්සු කම් කරුවන් හා ගොඩනැගලි වලින් පිට වැඩ කරන මිනිස්සු හැර අන් හැමෝම ජීවත් වනුයේ පැය 24 ම වාෙග් වායූ සමීකරණය කල කාමර තුලය. වාහනයයෙන් ගොඩනැගිල්ලටත් ගොඩනැගිල්ලේන් වාහනයටත් ඇරුනහම දවසේ පැය 24 න් පැය 23 හමාරක් විතරම AC තුළය. ඒ නිස යි ශිතරකරණයක් තුල ජීවිතය කියා මාතෘකා කලේ. සාමාන්‍යෙයන් මෙහේ ඇති සෑම බිත්ති හතරකටම එක් AC යන්ත්‍රයක් බැගින් තියෙනවා කීවොත් ඒකේ ඇති වැරැද්දක් නැත‍. ඒ තරමටම මේ රටට හා මේ රටවල් වලට AC යන්ත්‍ර අත්‍යවශ්‍යයය. මෙම උෂ්ණ කාලය අවසන් වනුයේ ඔක්තෝම්බර් මාසයෙන් පසුව බව මට වඩා මෙම ජීවිතයේ පළපුරුද්ද ඇති ඉන්දියානු මිතුරා පවසන අතර ඉන් පසුව මාස 3ක් උපරිම 4 ක් සීත කාලය ය. මේ දවස් වල එලීයේ තියෙන යකඩ බටයක් එහෙම අල්ලනවා කියන්නේ පදමට රත් වෙච්ච රොටී තැටියකට අත තිබිබා ගානය. ටැප් වලින් වතුර එන්නේ කේතලයේ නටන ගානට වඩා ටිකක් අඩු රත් වුන වතුරය. නාන්න තියෙන්නේත් ඒ වතුරය.

රෑ 12 හා 1ටවත් සාමාන්‍ය වතුර ටිකක් නා ගත නොහැකිය. මගේ නේවාසිකාගරයේ සිටින මිතුරන් කරනුෙය් ලොකු බකට් වලට වතුර පුරවා කාමරයේ තබා ගැනීමය. AC නිසා එම වතුර සීත වන හෙයින් අවැසි වෙලාවට එම වතුර බකට් එකෙන් ඇග අතපය සොදා ගනී. නැතිනම් එම වතුර හා ටැප් වතුර මිශ්‍ර කර ජල අවැසිතා ඉටු කර ගනු ලබයි. තවද මෙගා බෝතල් වලට වතුර පුරවා ගැඹූරු ශීතකරණයේ ගල් වෙන්නට තබා ස්නානය කරන වෙලාවට විනාඩි 5කට 10කට පමන පෙර එම බෝතලය අර වතුර බාජනයේ ගිල්වා තබා එම වතුර ප්‍රයෝජනයට ගනු ලබයි. මමද බොහෝම උෂ්ණ ඇති විට පමනක් නේවාසිකාගාරයේදි මෙම ක්‍රමය ප්‍රයෝජනයට ගන්නා අතර නමුත් ඕන මරදානක් කියලා කෙලින්ම උනු උනුවේ සවර් එකෙන් නාලා AC එක ලගට වෙලා ඉන්නේ ඉහත ක්‍රමය පිලිෙයල කර ගැනීමට අැති කම්මැලි කමත් එම වතුර මට ප්‍රමානවත් නැති නිසාත්ය. එහි අතුරු ප්‍රථිපලයක් ෙලසින් මගේ ඉතුරු කෙස් ගස් ටිකත් ගැලවී යමින් තිබේන අතර ගිය කෙස් ගහට නාඩන්නේ තියෙන කෙස් ගහ රැක ගන්නේ කියලා ජෝන් සීනත් කියලා තියෙන නිසා ඉතුරු කෙස් ගස් ටික රැක ගැනීමට මා දැනට පාරම්පරික ඉන්දියානු කේෂලාවන්‍ය උපදෙස් ලබා ගනිමින් සිටිමි.

මා මෙහි ආවේ සීත කාලයේ බැවින් සීත කාලය පිළිබදව දැන් මට අත් දැකීමක් ඇත. මෙහි සීත කාලය නුවරඑලීයේ උපරිම සීත කාලය ට විතර සමාන වන අතර සමහර දවස් වලට ඊටත් වඩා වැඩි විය හැකිය. සාමාන්‍යෙයන් අඩි 4ක 5ක වපසරියක් නොපෙනෙන තරමට ඝන මීදුමද සමහරක් දිනයන් හී ඇතිවේ. සීත කාලය පිළිබදව සීත කාලයේදිම කථා කරමුකෝ ඉස්සරහට.

විරහ වේදනාවට එරෙහි මාගේ ප්‍රථිපත්ති ප්‍රකාශය

2010-06-15T15:41:00.002+05:30

හැමදාම විරහ ගීතම ලියලා දැන් මටම මගේ ගීත රචනය එපා වෙලා. වැඩේ කියන්නේ ලියවෙන්නෙත් විරහ ගී විතරමනේ. මොන විදිහක ගීතයක් ලියන්න පටන් ගත්තත් අන්තිමට ලියලා ඉවරවෙනකොට ඒක විරහා ගී යක් වෙලා. බැති ගීයක් ලියන්න පටන් ගත්තත් අවසන් වෙන්නේ මිය ගිය සෙනෙහසින්. ඇයි දෙයියනේ මාර කරුමයක් නේ මේක. බ්ලොග් එකකට ඔළුව දාන්න බැහැ විරහව දෝරගලනවා. පත්තරයක කවි පිටුව තනිකර විරහ කදුළු කැට. කම්මැලිවට සිංදුවක් අහන්න බැහැ බීට් එකට අඩනවා. විරහ වේදනාවෙන් දුක් වින්ද හොදොටෝම ඇති. අපි විරහවට එරෙහිව නැගී සිටි යුතුය. විරහවට එරෙහි මහා ජන මතයක් ඇති කළ යතුය. කොටුවේ ස්ටේෂන් එක ඉස්සරහා විරහවට එරෙහිව දැවැන්ත උද්ගෝෂන ව්‍යාපාරයක් සංවිධානය කල යතුය. බූට් තියන කොල්ලන්ට හා විශේෂයෙන් කෙල්ලන්ට එරෙහිව දැඩිව නීතිය ක්‍රියාත්මක වන සාධාරන විරහා නීති රෙගුලාසී පද්ධතියක් ඇති කල යුතුය. විරහව කියන්නේ අධිරජ්‍යවාධී කුමන්ත්‍රනයක අදෘශ්‍යමාන හස්තයක් වෙන්නත් බැරි නැති නිසා මෙම විරහ චන්ඩ රළ පහරට එහිව රාජ්‍ය මට්ටමේ මැදිහත් වීමක් ලබා ගත යුතුය. වහාම ක්‍රියාත්මක වන පරිදි පාර්ලිමේන්තු අනපතක් මගින් විරහ ගිණි නිවීමේ හමුදා ඒකකයක් ඇති කල යුතුය. විරහව ඇති වීම අවම කිරීම හා පාලනය කිරීම වස් විරහා වේදනා අතුරුපාලක කමිටුවක් පත් කල යුතුය. එම අතුරු පාලක කමිටුවේ උසස් තනතුරු සදහා විරහව ගැන මනා පරිපූර්ණ දැනුමක් ඇති මුතුකුමාරන හා කිංස්ලි වැනි ගායකයන් නිතරගයෙන් තෝරා පත් කල යුතුය. තවද අවසන් වශයෙන් විරහ වේදනාවෙන් දුක් විදින තරුණ තරුණියන් පුනරුත්තාපය කිරීම සදහා පුනරුත්තාපන කදවුරු ඇති කල යුතුය. එමගින් විරහවෙන් නොහඩන ෙප්‍රමනීය තාරුන්‍යයක් හෙට අපට උදා වනු ඇත.

මා වෙනුවෙන් තැනී බඹුට හී නැතී

2010-05-20T18:41:00.001+05:30

මිලින තරු පවා
නිවි නිවී දැල් වුනා
සදුනි කිම පමා
බෝම රෑ වුනා

මා වෙනුවෙන් තැනී
බඹුට හී නැතී
හිතට හිතක් ඇතී
එකදු හිතක් නැතී

මගේ හදේ තනී
දරනු තව බැරී
හදේ ඇතී ගතී
නෙතින් ගිලී හුනී

සෙබල පුතුගේ හිස පිරිමැද

2010-05-19T12:59:00.003+05:30

සිංහ පැටවු නිති ලො තලේ
නැත නිවට නියාවෙන් සැගවුනේ
ජය කුඹ බදවා ජය දධ නංවා
වීර විලාසෙන් ගිගිරුවේ

ළය හීරී රුධිරය වෑහුනා
ළය මත්තෙන් ගිණි ගුලි දිවගියා
ළය දුක සගවා හිනැ හුනා
ජය ටැබ දක්වා දිව ගියා

ලක් මවුනේ කරුණාබර
සෙබල පුතුගේ හිස පිරිමැද
වෑහෙන රුධිරය පිස සිබ
ඔහුට ගෞරව කල මැන

කවි සිත් කලබා කවි මඩුව නිමා වෙයි

2010-05-17T15:21:00.003+05:30

ශ්‍රී ලංකා ඉතිහාසයේ ප්‍රථම වතාවට ලාංකීය සිතිවිලි මගින් සංවිධානය කෙරුනා වූ ඔන් ලයින් කවි මඩුව පුරා දින 4ක් පුරාවට ඉතාම උණුසුම්ව පැවති අතර කවි මඩුව කවී 3950 ක් අන්තර්ජාල අවකාශයට ඉතිරි කර 16 වෙනි ඉරු මධ්‍යම රාත්‍රී 12 ට ඉතාමත් සාම කාමී අයුරින් විසිර යන ලදි. ඉතාම රසබර හරබර මෙන්ම උද්වේගර අවස්ථා සමගින් පුරා දින 4ක් පුරාවට කවි සමගින් මුසපත්ව සිටි කවීන් 50 කට අධික සංඛ්‍යවක් පෙර දින කවි මඩුවෙන් සමු ගත්තේ ඉතාම දුක්මුසු විලාසයෙනි. ඒ තරමට මෙම මඩුව කවීන්ගේ සිත් උමතු කර තිබූ අතර ස්ත්‍රී පුරුෂ බේදයකින් තොරව මිතු දම් ලෙංගතුතම් හා සහෝදර බැදීම් වලින් කවීන්ගේ සිත් ආඪ්‍ය වී තිබින. වචන වලින් ගහ බැන ගත්ත මඩ කුණු තක්කාලි ගොවා හා බිත්තර වැනි ආයුධ වලින් පහරවල් එල්ල කර ගත්ත කවීන් සියළුම සහෝදර බන්ධන වලින් වෙලී තම තමන්ගේ මිත්‍රත්වයේ නාමයන් හස්තයන් හුවමාරු කර ගත් අන්දම ලාංකීය සිතුවිලි කවි මඩුවේ සමාප්තිය තුලින් මනාව විද්‍යාමාන විය. කිසිදාක කවියක් නොකීයා තම හැකියාවන් සගවාගෙන සිටී අය කවි කීමෙන්ද අන්තර්ජාලයේ තැන තැන විසිර හුදකලාව කවි ලීයු අය එක තැනකට ඒකරාශී වීමෙන්ද නව මිත්‍රත්වයන් ලෙංගතුකම් සමගින් කවි මඩුව ඉතාම සාර්ථකව හා සාමකාමී අයුරින් අවසන් වූ බව මේ සමගින් සියළු අන්තර්ජාල වාසී සියළු සහෘදයන් දැනගත්වා.

කවි මඩුව පටන් ගන්නවෝ

2010-05-12T23:50:00.002+05:30

හැමෝම එන්නෝ..........කවි මඩුව අද පටන් ගන්නවෝ.................ආරාධනා පත්‍රය මෙතනින් ගන්නෝ.............

කවි මඩුව ගැන ප්‍රවෘත්ති විකාශනයකින්

2010-05-10T17:30:00.004+05:30

ටී...ක් ටී...ක් ටී...ක් වේලාව ඔබ පැමිණ තත්පර කිහිපයයි. මෙන්න ඔනෑම පැයක පුවත්. ප්‍රථමයෙන් පුවත් සිරස් තල

දිවයිනේ ප්‍රථම වතාවට ඔන් ලයින් කවි මඩුවක්

ඉන්දියන් සාගරය දෙසින් පාරිසරික උණුසුම ඉහලට

තැන තැන ප්‍රචන්ඪ ක්‍රීයා

ශ්‍රී ලාංකීය බ්ලොග් අවකාශය කැලබේ

මෙන්න පුවත්

දිවයිනේ ප්‍රථම වතාවට .....කවි මඩුවක් පැවැත්වීමට යන බවක් වාර්ථා වෙයි. ලාංකීය සිතිවිලි ප්‍රථම වතාවට සංවිධානය කරන මෙම වැඩසටහන බ්ලෝග් අවකාශය හරහා සිදුවන බවත් වයස් බේදයක් හෝ ජාති ආගම් බේදයකින් හා ස්ත්‍රී පුරුෂ බේදයකින් තොරව පවත්වනු ලබන අතර කවි ලිවීය හැකි හෝ නොහැකි ඔනෑම අයෙකුට ඉදිරිපත් විය හැකි බැව් ලාංකීය සිතිවිලි බ්ලොග් කියවනයේ ප්‍රධාන විධායක අධ්‍යෂක වැප් මහතා ප්‍රකාශ කර සිටී. කවි ලිවීය හැකි අයට කවි ලියන්නද නොහැකි අයට රසවිදීමට හා කවි කියන්නන්ට සහයෝගය දැක්වීය හැකි බවත් වැඩි දුරටත් අදහස් දක්වමින් ඒ මහතා ප්‍රකාශ කර සිටී. එම වැඩ සටහන මේ මස 13 වෙනිදා ආරම්භ වන බවත් 16 වෙනිදා තෙක් වැඩ සටහන පැවැත්වෙන බවත් ඒ මහතා අප වෙත වැඩිදුර අදහස් දක්වමින් කියා සිටියේය.

මෙම වැඩ සටහන පිලිබදව අප ප්‍රාදේශීය වාර්ථා කරුවන් දිවයිනේ ප්‍රසිද්ධ පුද්ගලයින් කීප දෙනෙකුගෙන් අදහස් ලබා ගත් අතර එම අදහස් දැන් ඔබ වෙතට.

ස්තුති අවස්ථාව ලබා දුනන්ට. ඔව් සුනිල් මහත්මයා අප හා අදහස් දක්වමින් කියා සිටියේ ,මහ මන්කඩ කවි මඩුවක් අද හවසට පැවැතවෙනා නම් දරාපු කවි කාරයො එහි එන බව කථා උනා, කියාය. එය මහමන්කඩ නොව බ්ලොග් ගොඩැල්ල ලෙසත් හෙට නොව 13 වෙනිදා ලෙසින් වෙනස් විය යුතු බවටත් නිවැරදි විය යුතුය.

අසංග මහතා කියා සිටියේ කවියක් වී තොල් පෙති මත මුමුනන්න හෙමි හෙමි හිට ඔබ මගෙ තුරුලට එන්න කියාය. නමුත් මෙම කවි මඩුව පවත්වනුය් චිත්‍රපටි ශාලාවක ලයිට් නිවූ බැල්කනියක නොවන බවත් කාටත් ප්‍රසිද්ධියේ පවත්වන බැවින් එවැනි අදහස් වලට ඉඩ නැති බවත් මතක් කිරීමට කැමැත්තෙමු.

චන්දන මහත්මයා කියා සිටියේ කවි සීපද ඇහෙන ඈත කුරහන් මල් පිපෙන ඈතෙ සරා සද පෙමා තුර ගී ගයවී කියාය. එය සැබෑවක් විය හැකිය. මොකද මෙම කවි මඩුව මල් සරාටද තහන්චි නැති බැවින් ඔහුගේ දුනු ඊතල කොහේ කොහේ විසිවෙයිද කාටවත් මත ප්‍රකාශ කල නොහැකි නිසාය.

ඉන්පසු අප වාර්ථා කරුවන් මුන ගැසුනේ දීපිකා මහත්මියයි. ඇය පැවසූ දෙයින් අප තරුන වාර්ථා කරු අන්ද මන්ද වී තිබේ. ඇය පවසා ඇත්තේ කවිය ඔබ තුන් තිස් පැයක් නිදි වරා වෙහෙසී සිත දෙගිඩියාවෙන් තවම නොලිවූ කවිය ඔබ කවිය ඔබ කියාය. අනේ මන්ද

අප තරුන වාර්ථා කාරිනියකගෙන් කීර්ති මහතා අසා ඇත්තේ කවි කාරියේ සින්දු කියනා ලදේ නුඹදෝ රැහේ කෝකිලා කියාය. එවිට අප වාර්ථා කාරිය පවසා ඇත්තේ අනේ මගේ පාඩුවේ යන්න යනවා ඔහේ අනේ සාමි හැන්දෑවෙලා කියාය.

අදට අදහස් දැක්වූවන්ගේ අදහස් එපමනක් වන අතර නැවතත් සම්බන්ධතාවය ප්‍රධාන සම්බන්ධතා මැදිරියට

ස්තුති...

නැවතත් පුවත්

ඉන්දියන් සාගරය දෙසින් පාරිසරික උණුසුම ඉහලට ගොස් ඇති බැවු පාරිසරික උනුසුම පිලිබද ජාතීන්ගේ එකමුතුව මාධ්යය හමුවක් පවත්වමින් ප්‍රකාශ කර තිබේ. එයට හේතුව ශ්‍රී ලංකාව තුලින් ඇති වී ඇති කවි උනුසුම බැව් කරන ලද පරීෂන වලින් හෙලි වී තිබෙන අතර වැඩි දුර පරීක්ෂන කටයුතු සදහා විශේෂ නියොජිත පිරිසක් හෙට දිවයිනට ලගාවීමට නියමිත බැව් වාර්තා වේ.

වර්ථමාන කවි පුබුදුවත් සමග කවිය අවියක් කර ගනිමින් ප්‍රචන්ඩ ක්‍රීයා දක්වාද වර්ධනය වී ඇති බැව් බ්ලොග් අවකාශයේ තැනින් තැන වාර්ථා වෙයි. තැන තැන රංචු ගැසී ස්ත්‍රී පුරුෂ බේදයකින් තොරව රන්ඩු සරැවල් වන බවක් අප ප්‍රාද්ශීය වාර්ථා කරුවන් වාර්ථා කර සිටී. රන්ඩු සරුවල් වුනාට ඒවා දුර දිග නොයන බවත් ඉතාම සුන්දර විදිහට නිමා වෙන බවත් වැඩි දුරටත් අදහස් දක්වමින් අප වාර්ථා කරුවන් ප්‍රකාශ කර සිටී.

ශ්‍රී ලාංකීය බ්ලොග් අවකාශය කැලබී ඇති බැව් කාල ගුන දෙපාර්තමේන්තුව ප්‍රවෘත්ති නිවේදනයක් මගින් අද සන්ධ්‍යාවේ ප්‍රකාශ කර සිටි අතර ඉතා සීග්‍රයන් හමා යන මෙම කවි සුලං රැල්ල ඉදිරියේදී තවත් චන්ඩ විය හැකි අතර ෙම් මස 13 වෙනිදා සිට 16 වෙනිදා දක්වා අපර භාගයේ හෝ සන්ධ්‍ය කාලයේ පමනක් නොව ඔනෑම වේලාවක ගිගුරැම් සහිතව ඇද හැලීමට ඉඩ ඇති බැව් එම නිවේදනයෙන් ප්‍රකාශ කර තිබේ. තවද පසු ගිය දින කිහිපය තුල අැතිවුන නොසන් සුන්තාවය හේතුවෙන් දැනටමත් මුහුණු පොත හා බ්ලොග් අවකාශය කව්යෙන් යට වී ඇති අතර අඩියක් තියන්නට බැරි තරමට තැන තැන කවි හා කවි මඩ වලවල් ගොඩ ගැසී තිබේන බවක් කාල ගුන දෙපාර්තමේන්තුව නිවේදනය මගින් වැඩි දුරටත් ප්‍රකාශ කර තිබේ.

දැනට පුවත් එපමයි. මීලග අප ප්‍රධාන වෘත්ති විකාශයට පෙරාතුව ඇති විය හැකි හදිසි තත්වයන් එසැනින් ගෙන ඒමට අප මාධ්ය කන්ඩායම සූදානමින් සිටින අතර එම පුවත ඇති වීමට තත්පරයකට හෝ පෙර අප නාලිකාවෙන් පමනක් ඔබට දැක ගැනීමට හැකි වනු ඇත. එතෙක් රැදී ඉන්න අප සමගම. news patas

ස්තුති

ආයුබෝවන්

කවි මඩුවට කැලෑ පත්තරයක්

2010-05-05T14:31:00.002+05:30

සකල සිරින් පිරි සිරි ලංකාවේ වෙලා නැති වැඩකුයි සිදු වන්නට යන්නේ
ඒ මුත් නොකියා බැරිය මේ ගැන‍
හොද හොද දේවල් එලිවෙන යාමේ

අන්න බොලේ අර සයිබර් ගොඩැල්ලේ නාඩගමක් පෙන්වන්නට යන්නේ
කවි මඩුවක්ද මොන කෙං ගෙඩියක්ද මන්ද
නරි නාටකයක් පෙන්වන්නේ

කවි කියන්න කවි අහන්න කැමති අයටලු දෙන්නේ
හු කියන්න චියර් කරන්නත්
පුළුවන් බවයි පැවසෙන්නේ

අම්මා මුත්තා කාලේ කොරාපු දේවල් ආයෙම සිදු වෙන්නට යන්නේ
ඇහ කන පියාන ඉන්නට බැරි නම්
හූ කියන්න වත් පලයන්නේ

ලාංකීය සිතිවිලි කොල්ලෝ ලු කරුමේ මේ විගඩම ගෙනියන්නේ
අනේ අම්මපා අතපය හකුලන
ඉන්නට බැරිවද මේවා කොරන්නේ

කවි මඩුවට යන කොලු කෙල්ලන් රෙජිස්ටර් වෙන බවයි හැගවෙන්නේ
ඇ බං රාලේ බලමු මේකලා
මොකාටද එන්ට හදන්නේ

අත් අකුරින් නුඹ ලියු ලිපියේ

2010-04-29T17:18:00.003+05:30

තාමත් මගෙ සිතිවිලි අතරේ
මතකය මතක් කර කර ඉන්නේ
කෝම අමතක වේවිද ලදුනේ
නුඹේ දේවල් තවම මගේ හදේ

හද පාරයි නිදි මුත් යහනේ
නිදි උනාට සිතිවිලි නොනිදේ
හීනෙන් විත් මට වද දෙන්නේ
මා කල පව මටවත් නොහැගේ

අත් අකුරින් නුඹ ලියු ලිපියේ
සෙනෙහස ළය දිය කර ගැලුවේ
මියුලැසියේ අන්තිම කවියේ
තේරුම නැහැ තවම තේරුනේ

කවි මඩුවේ වියාපෘතිය

2010-04-28T17:57:00.001+05:30

ඩන් ...ඩන්...ඩන් අසවූ අසවූ

සකල ශ්‍රී ලාංකීය බ්ලොග් වාසි කවීශ්වර ජනයා වෙත කරන දැනුම් දීමයි. මේ.....

කවි මඩුවේ වියාපෘතිය දැනට සැලසුම් කර නිම අතර කවි මඩුව සැදීමට අවැසි ටකරන් , දැව දඩු හා මෙවලම් මේ වන විට අප කවි මඩුවේ කාරක සබිකයන් එකතු වී එක්කාසු කරමින් සිටි. තමන්ගේ රැකියාවත් බේරාගෙන මේ මඩුව සැදිය යුතු හෙයින් මඩුවේ කවි වාද ආරම්බ කිරීමට ටික දොහක් ගත වන බව සියලු කවි හිතකාමීන් කරුණාවෙන් සලකත්වා. ඒ වගේම හැකි පමණ ඉහලට තමන්ගේ දැත් ඔසවා කවි මඩු යෝජනාව පිළිගත් කවි හිතකාමී ඔබට අප කාරක සබාවේ ස්තුතිය. එමෙන්ම කවි මඩුවට එක් කිරීම සදහා ඔබ සන්තකයේ යම් අදහස් හා යෝජනා වේනම් කරුණාකර එවන් ආධාර අප හට ලබා දෙන මෙන් ඉතා කරුණාවෙන් ඉල්ලා සිටිමු.

ඩන් ...ඩන්...ඩන්

බ්ලොග් අවකාශයේ සැරි සරන කවියන්ට කරන සුහද ආරාධනාවයි මෙ...

2010-04-22T22:18:00.002+05:30

ඉස්සර කාලෙ ඔය ගම්වල කවීන් එකතුවෙලා පොඩි පොඩි කවි මඩු දාගෙන පොඩි පොඩි ෆන් ගත්තා කියල මම අහල තියෙනවා. ඉස්සර ස්වාධීන රුපවහිනියෙත් හිටිවන කවි මඩුවක් තිබුනා කට්ටියට මතක ඇති. ඉතින් මටත් හිතුන අපේ බ්ලොග් අවකාශය තුලත් මෙ වගෙ දෙයක් කරන්න බැරිද කියලා. මොකද අපෙ බ්ලොග් අවකාශය තුල කවි ලියන අය සැහෙන ප්‍රමානයක් ඉන්න නිසා.ඉතින් තනි තනිවම ලියලා තනි තනිවම ඉන්නවට වැඩිය පොඩි වෙනසකටත් එක්ක නරකද මෙ වගෙ වැඩක් පටන් ගත්තොත්.

රන්ඩු වෙන්න යහලු වෙන්න කවීත්වය දියුණු කරගන්න එ වගේම විනෝද වෙන්න කැමති අය ඉන්නවා නම් අපි එකතුවෙලා පොඩි කවි මඩුවක් දාමු..හරි ඉතින් කවි මඩුවක් දාන්න එක්කෙනෙකුට බැහැනේ.. සෙනග ඉන්න එපැයි..අඩුම ගානෙ චියර් එක දෙන්නවත්. ok වැඩේට කැමති අය අත උස්සල කැමෙත්ත ප්‍රකාෂ කරන්න බලන්න ඉස්සෙල්ලම. ඊට පස්සෙ වැඩේ කරන හැටි කට්ටියම එකතු වෙලා කතාබහ කරමු..

හිත ගාව ගොළු ගීත මිමිනේය

2010-04-20T18:03:00.001+05:30

පිනි මතින පිය මනින රූමතිය
නිදි නැතිය නෙතු මතට දේ හීන
සද රැක සද සේම සපෙමිණිය
හිතවතිය මගේ ලගම සෑතපේය

ඝනදුරට තරු රෑන දේ එලිය
ලොව සැවොම මේ රෑම නිදි සේය
මගේ ලයට නුබේ ලමැද තෙරපේය
මගේ නෙතුද නුබේ නෙතුද එක සේය

නෙතු ගාව පෙර හීන නලියේය
හිත ගාව ගොළු ගීත මිමිනේය
නුබේ රුද මගේ රුද අදුරේය
සිතු සේම පැතු සේම සිදුවේය

නුඹටම පමනක් පෙම් කෙරූ මම තවම තනිවම තනිවෙලා

2010-04-19T12:42:00.001+05:30

හිත කඩා බිද දමා
දුර ඈත නුබ ගියා
පිංවත් පෙම් සුවද මගේ හද ලගින් තියා
මට හිතා ගන්න බෑ
නුබ ගැන බොරු කියන්න බැහැ
මගේ සිතේ නුඹ තාමත්
පෙම්වති නිසා

හිතට පමනක් පෙම් කලා නම්
නොයයි දුරකට පියබලා
තුරුළු වී නුඹ සිසිලේ සැනෙසෙයි
මියෙන තුරු මගේ නෙතු වෙලා

නෙතට උලෙලක් උනු ඔබේ රුව
අද වෙනෙකු සතු වෙලා
නුඹටම පමනක් පෙම් කෙරූ මම
තවම තනිවම තනිවෙලා

සිරී නුබේ සිත ගත්තද කවුරුවත් සොරා

2010-04-18T11:35:00.002+05:30

නිසංසලයි මැදියම් රැය නිහඩ වට පිට‍
හේවිසි හඩ අතරට පුරසද ඇවිත් ඇත
ඔයාට මල් වැසි වැටේවා ලියමි දුක් සිත
චූටි නංගි නිදි අතරෙයි ගත්තෙ පන්හිද

ඒදා පන්සලේ පිංකම් පලේ හමුවුනා
නුබේ මිතුරන් සමගින් ලහි ලහියේ වැඩ කලා
මා නොදුටුව වැනි ගානට ඔයා හැසිරැනා
හිතේ ගොඩක් දුක තියාන පස්සේ අපි ගියා

සිරී නුබේ සිත ගත්තද කවුරුවත් සොරා
හිතා ගන්න බෑ ඒතරම් ම නපුරැ ඇයි කියා
නුබේ මැණික හඩා ලියමි ආදරේ නිසා
බෝල අකුරැ බොදව ගියා කදුළු කැට නිසා.

වෙන් වුනු හැටි

2010-04-04T12:06:00.002+05:30

මිලින තරු ඒලි

මටම දුක දුනී

නිවි නිවි දැවී

මගෙන් වහන් වුනී

ලොවක දුක දිදී

දුරක නුඹ හිදී

නුඹට දුක නැතී

ඒකම මට ඇති

ලොවට වහන් වෙවි

පෙම් කල හැටී

පුදුමෙකි අරුමෙකි

වෙන් වුනු හැටි

මගෙන් වෙච්ච එකම වරද

2010-02-28T18:25:00.001+05:30

සුන්දරයි සුදුයි මගේ රත්තරං ඔයා

මගේ ලොවට ආවද දුක් දෙන්නම.... සිතා

විදවනු බැහැ මෙවන් දුකක් තනිව සිත් දරා

ගැයුවේ ඒකයි ඒ ගැන දන්වනු සිතා //

වෙන හදකට පෙම් කලාට කමක් නැහැ මට..

මේ පොඩි හිත දුක් උනාට තනිවම හඩ.. හඩ..

මේ කදුලැල් හොදට හුරුයි රත්තරං මට //

සුදු මගේ සතුටින් නම් කොහේ කොතැනක

ඉස්සර නුඹ පිදූ සෙනේ මතක් කර කර

කවි පද වැල් ලියනෙමි මා තවත් තව.. තව..

නුඹේ නෙතගට ගොඩවේ නම් කදුළු මල් කැට //

මගෙන් වෙච්ච එකම වරද මා දුන් කවි ටික

සිංහල සිනෙමා ඉතිහාසයේ මාගේ එකම වීරයා ඔබය

2010-02-18T19:16:00.003+05:30

කාර්යාලයේ ලද නිමේෂයේ

2010.02.18

තෙරුවන් සරණයි

මගේ සදාදර සිනෙමා වීරයානෙණි,

විජය ඔබ අද කොහොම කොහේ සිටිනවාදැ මා නොදනිමි. කොහේ කොහොම සිටියත් සැපෙන් සනීපෙන් සුවෙන් සිටිනු ඇතැයි මම සිතමි පාර්ථනා කරමි. ඹබගේ සුවදුක් පවසා පිළිතුරැ ලිපි නොලියන බව මා දනිමි. නමුත් මා ඹබට ලියමි. ඒ මම ඔබට ඒ තරම් ආදරය කරන නිසාවෙනි.

සිංහල සිනෙමා ඉතිහාසයේ මාගේ එකම වීරයා ඔබය. ඔබ සිටි කාලයේ කල කී දෑ මම අසා නරඹා සවන් දී හා කියවා ඇත්තෙමි. එයින් මා සිතේ ඔබ කෙරෙහි වීරත්වයක් ගොඩනැගුනි. ඔබගේ චිත්‍රපට සියල්ලම නොවුනත් වැඩි ප්‍රමානයත් නරඹා ඇත්තෙමි. ඔබගේ ආරෝහ පරිනහදේහය, අවංක අව්‍යාජ සිනාව, ඹටම ආවේනික කෙස් කලඹ ඔබගේ රංග පෞර්ෂත්වය ඔප්නැංවු පෙර පින් බලයෙන් ඔබට හිමි වූ ආබරණයන්ය.. ඔබගේ සියළු ගීතයන් මා අසා ඇත්තෙමි. ඉතාම ගැඹුරැ කටහඩකින් ඉතාම ළයාන්විතව ඔබ ගැයූ ගීත විඩා බර මනසට දිව ඔසුවන්ය. ඔබ ගැයූ ගීත වලින් මම කැමතිම ගීතයේ කොටසක් පහලින් දක්වා තිබේ.

ඔබ අප තනිකරගොස් පෙබරවාරි 16 වෙනිදට අවුරැදු 22කි. නමුත් ඔබෙන් හිස් වු ලාංකීය සිනමාවේ නළුවාගේ චරිතය තවමත් විවෘතය. මේ අවුරැදු 22 පුරාවට ඔබවන් වූ සිනෙමා වීරයෙක් තවද අපට නැත. ඔබත් සමග ලාංකීය වානිජ සිනමාව තවමත් කඩා වැටෙමින් පවතී. ඉද හිට එක එක චිත්‍රපටිද එක එක රංගධරයන් පැමිණියද නළුවා නිසා චිත්‍රපටි බලන්නට එන රසිකයන් අද නැත. ඔබ ඔවුනද ඔබත් සමග රැගෙන ගියෙදැයි මා නොදනිමි. නළුවා නිසා නැතහොත් වීරයා නිසා චිත්‍රපටි බලන්නට එන රසිකයන්ගෙන් දැන් සිනෙමා ශාලා හවුස් ෆුල් වන්නේ නැත. ඒ ඔබගේ රංග පෞර්ෂත්වයට සම කරන්න තවම රංගන ශිල්පියකු අප සිංහල සිනමාවට ආවේ නැති නිසා වෙනි. ඔබගේ අඩුව නිසා විදේශිය නළුවන් අප රටේ නිතරගයෙන් වීරයන් වී සිටී.

විජය කුමාරතුංගයානෙණි තව එක් වරක් වත් පැමිණ ලක් පොළවේ පය ගසා අපගේ වීරයා වන්න. තවමත් කඩාවැටෙමින් පවතින අපගේ වානිජ සිනමාව ගොඩගන්න උදවු කරන්න. ඔබෙන් හිස්වු සිංහල සිනෙමා වීරයාගේ චරිතය ඔබ එන තුරැ තවමත් බලාගෙන සිටී. අදට මා නවතිමි . ආයෙම ලිපියකින් ඔබ අමතන තුරැ ඔබට බුදු සරනයි.

මෙයට
ඔබට සදා ළබැදි

සහෘදයා

තව ටික දොහයි මාසේ අන්තිම වෙන්න

මගෙ රත්තරං අම්මේ

මං පඩි අරං අදහෙට එනතුරු ගමට

තිස්තුන් කෝටියක් දෙවිරැකවරණයි උඹට

(මෙම ගීතයෙ blog embed code දන්න කවුරු හරි ඉන්නවනම් මට ලබා දීමට කාරුනික වන්න)

වැලන්ටයින් ට කඩේයන වානිජවාදී ආදර‍යෙන් අත්මිදෙන්න

2010-02-13T22:36:00.001+05:30

ආහ් කට්ටියම සූදානම් වෙන්නේ වැලන්ටයින් ව සමරන්ට වගේ. ශෝක් ඔහොම යන් ඔහොම යන්. දැන් කට්ටියම මාල වලලු කරාබු පෙන්ඩන්ට් චොකලට් රෝස මල් අයි පොඩ් මොබයිල් ‍ෆෝන් එහෙම අරගෙන සූදානම් ශරීරයෙන් ඇත්තේ. ශෝක් කියන්ට තමා තියෙන්නේ. වෙන මක්කක් කියන්ටද? ම්......නැත්තෙමත් නැහැ. ඔන්න ඔහේ කියල දානවා ඕන මරදානක් වෙන්න කියලා. සිතන්නට තහන්චි නැතිමුත් ලියන්නට තහන්චි නැතිමුත් මගේ සිතිවිලි කුමක් අරබයා සගවාගෙන සිටිම්ද?

සමහරු නම් කෙල හල හල බලාගෙන ඉන්න ඇත්තේ මාස 2 ක 3 ක ඉදන්ම මේ වැලයා එනකන්. මොකද තමන්ගේ පෙම්වතාට පෙම්වතීට තමන්ගේ ආදරේ තරම පෙන්නන්න. ආදරේට තරමක් කිරුමක් මිණුමක් අවශ්‍යද එවැන්නක් කල හැකිද කියන පුශ්නයකුත් පැන නගිනවා. සහෘදයා හිතන හැටියට නම් ආදරේ මෙච්චරයි කියලා පෙන්වන්න විදිහක් නැහැ. ඒ වගේම ආදරයේ තරම ‍ඔප්පු කල යුතු හෝ පෙන්වීය යුතු දෙයක් ද නොවේ. එය හදවතින් හදවතට දැනෙන හැගෙන දෙයක් හැටියටයි සහෘදයා දකින්නේ.එය හදවතින් මොලයටත් මොලයෙන් හදවතටත් අනෙකා අනෙකා කෙරෙහි අවබෝධ කර ගත යුතු දෙයකි. එය අනෙකා අනෙකාට අවබෝධ කර දිය යුතු දෙයක් නොවේ. එසේම තමන්ගේ ආදරයේ තරම අනෙකාට අවබෝද කර දෙන්න සිදුවන්නේ නම් එතන ඒ දෙදෙනා අතර සැබෑ ආදරයක් සෙනෙහසක් පවතිනවාද දෙදෙනා කෙරෙහි සැබෑ අනෝන්‍ය අවබෝධයක් පවතිනවාද යන්න දෙවරක් සිතීය යුතු කාරනයකි.

වානිජවාදී ආදරයක් තුල සැබෑ ආදරයක් නැත. සැබෑ ආදරය ඇත්තේ සවෘන්දර්යාත්මක ආදරයක් තුලය. සැබෑ ආදරවන්තයින්ට විශේෂිත දිනයක් හෝ තෑගී බෝග අවැසි නැත. සැබෑ ආදරවන්තයින්ට ඔවුන් මුන ගැසෙන හැම තත්පරයක්ම විශේෂිත මොහොතකි. දොඩමලු වන සෑම වචනයක්ම ආදරයේ තරම පෙන්වන විශේෂිත ත්‍යාගයකි. සැබෑ ආදරවන්තයින් සැබෑ ආදරවන්තියන් අනෙකාගෙන් ත්‍යාග හෝ වානිජවාදී වටිනාකම් බලාපොරෝත්තු නොවේ. එලෙස ඉල්ලීම් නොකරයි. මේ එලබෙන වැලයාගේ දිනය හේතු කොටගෙන ඔබ ඔබගේ සවෘන්දර්යාත්මක ආදරය සැබෑ සෙනෙහස රුපියල් සත වලට අලෙවි නොකරන්න. යුරොපීය ඩොලර් මුදලාලීලාට කඩේයන මෙරට ජනමාධ්‍ය ඔබේ ඔලුවට ඔබන කුණු කන්දල් හේතු කොට ගෙන ඔබගේ පරම පිවිතුරු ආදරය චොකලට් පෙත්තකට පාවා නොදෙන්න. ඔබේ ආදරය වසරේ එක දවසකට සීමා කරන්න හදන ජනමාධ්‍යන්ට ඔබගේ ආද‍රයේ නාමයෙන් අවනත නොවන්න. ඔබ සැබෑ ආදරවන්තියක් නම් සැබෑ ආදරවන්තයෙක් නම් වානිජවාදී වැලන්ටයින් මුදලාලිව මෙරටින් පන්නන්න පෙළ ගැසෙන්න. එය කල හැක්කේ වානිජ වාදී වැල ජනමාධ්‍යන් මගින් විකුනන ආදර උපකරන මිලදී ගැනීමෙන් වැලකී සිටීමෙනි. සැබෑ ආදරණීයන්ගේ ආදර උපකරන ඇත්තේ පපු කුහර මධ්‍යයේය.

ආවඩා ආයූ බෝ වේවා

2010-02-04T14:21:00.001+05:30

ඔන්න කාලෙකට පස්සේ සහෘදයා ආවා. අද නිදහස් දිනය. අද මුළු ලංකාවම නිදහසේ සැබෑ සුවය අත්විදිනවා ඇති. මම එහෙම කිවුවේ මම ලංකාවේ නැති නිසා..අපි ඉපදුන දා පටන් හැම වසරකම නිදහස් උත්සවය සැමරැවත් එය නිකම්ම නිකන් නොකර බැරි දෙයක් නිසා කෙරැවා වගේ හැගීමකින්නේ අපි එය සැමරැවේ.. මොකද යටත් විජිතයෙන් අපි නිදහස් උනත් අර ගල් මූසලයා අපිට නිදහසේ යටත් විජිත වාදී නිදහසවත් සමරන්න දුන්නේ නැහැ නේ.. කොයි වෙලේ කොහේ පුපුරයිද කියලා බයෙන් නේ අපි හිටියේ.. ඒත් අද ඒ තත්වය නැහැ. අද අපි සැබෑවටම නිදහස්. සිතින් ගතින් හැම විදිහකින්ම නිදහස්. නිදහස්.....නිදහස්.....නිදහස්.....නිදහස්.....නිදහස්.....නිදහස්.....නිදහස්.....නිදහස්.....හැම දෙයකින්ම අපි නිදහස්.

හු..............................නිදහස්.....නිදහස්.....කන්දක් මුදුනට නැගලා හු......කියලා කෑලහලා කියන්න ඇතිනම් මේ නිදහසේ අගේ. ඒ තරමටම අපිට දැන් සැබෑ නිදහසේ අගේ තේරෙනවා. හූ කියලා කෑගහලා හරි නිවාඩු දවසේ නිදහසේ පොඩි අඩියක් දාලා හරි සමරන නිදහසින් ඔබට ආත්ම තෘප්තියක් ලැබේවී නමුත් අමතක කරන්න එපා අපිට අවැසි විදිහකට නිදහසේ නිදහස සමරන්න ලැබුනේ තමන්ගේ නිදහසත් ඇගේ අතපය ඇට මස් ලේ නහර හා ජීවිතය බිලි දුන් අපේ සහෘදයන් රැසක් නිසා බව..

එදා ගොන්ගාලේ ගොඩ බණ්ඩලා වීර පුරන්අප්පුලා කැප්පෙටිපොළ සෙනෙවිලා ආදී වීරයනුත් අද හසලක ගාමීණිලා නීරොලා වැනී වීරයනුත් මතක් කරලා ඔවුන්ට පින් අනුමෝදන් කරන්න... ඔවුන් වෙනුවෙන් එක පහනක් පත්තු කරන්න. මතු උපදින ආත්මබවයක ඔවුන්ට අකල්මරනයන්ට ගොදුරැ නොවේවා කියලා ප්‍රාර්ථනා කරන්න.. මතු උපදින ආත්මයක සැබෑ නිදහසේ සැබෑ සුවය සිසිලස අත් විදින්න ලැබේවා කියලා ප්‍රාර්ථනා කරන්න..

ඔබට සැබැ නිදහසේ සැබෑ සිසිළස සුවය දැනේවා.

ඇන්ජලින්ගේ දූලා සාරි

2009-12-29T15:27:00.001+05:30

නාරි නාරි නුබේ සාරි සාරි හැඩ
දින දින අදිනා ඒවා
බෝල බෝල මුතු කවඩි පබලු වැල්
අමුනා අදිනා ඒවා
රන් වන් රන් මල් මල් කම් වැල්
ගෙත්තම් කර අදිනා ඒවා
නෙත් සිත් බදනා හැරි හැරි බලනා
රූසිරි වඩනා නුබේ වත රකිනා

සාරිත් සාරි මෙහෙමත් සාරි
දැක නැහැ මේ වගෙ සාරි
කියන්න නාරි කොහෙන්ද සාරි
මේවද මේ බරණැස් සාරි

සාරිත් සාරි මෙහෙමත් සාරි
දැක නැහැ මේ වගෙ සාරි
කියන්න නාරී නොගෙනා කාරී
මේවද මේ සිල්කී සාරී

සාරිත් සාරි මෙහෙමත් සාරි
දැක නැහැ මේ වගෙ සාරි
කියන්න නාරි මේවද සාරි
ඇන්ජලින්ගේ දූලා සාරි

මගේ පුංචි මියුලැසීට

2009-12-23T11:59:00.001+05:30

සදුන් හදෙක නැවුම් සුවද

විදින්න දුන්නු නිසා මෙමට

මගේ පුංචි මියුලැසීට

ආදරෙයි මා හදවතින්ම

බොද මීදුම් සිසිල දුන්නු

පිච්ච මලෙක සුදු පැහැයට

හදේ තියෙන ස්නේහේ තරම

නැහැ දන්නේ මුමුනන්නට

ගිමන් හදෙක විඩා නැසූ

ඇල්ලක දියෙ සිසිලේ තරම

පිං මදිවෙයි නුඹට දෙන්න

දුන්නු ස්නේහේ ගංගාවට

නාරී රූපා වැස්සේ තෙමලා

2009-12-11T15:40:00.001+05:30

නාරී රූපා වැස්සේ තෙමලා

කෙහෙරැල්ලෙන් බිම බැස යනවා

රූරා වැටෙනා වැහි බිදු දැකලා
ලෝබයි මට මා ගැන නන්ගා

ලෝල කමට මල් මල් හිනහා
සීතලේට ගැහි ගැහි නගනා
මල් වැස්සේ තව තව තෙමෙනා
දැක නැත කෙල්ලක් මේ ලෙසිනා

නැත අප නෙත නෙත හා ගැටිලා
සැගවී මා රුව සුව විදිනා
වැස්සත් ඉද හිට ඇද හැලෙනා
රහසේ හරි හරි වැඩ කෙරෙනා

Angles of 3D Building

2009-11-30T08:39:00.001+05:30

සැලකිය යුතුය. ප්‍රායෝගික හේතුන් මත ඡායා රූපවල ගුණාත්මක බව පහල දමා තිබේ.

ඔබ විවාහ වන ව‍යසේද? එහෙනම් මේකත් කියවන්න.

2009-11-25T12:34:00.001+05:30

ඔබ විවාහකයෙක්ද? ඔබ විවාහ මංගල්‍යය ජයටම ගත්තද? ඔබ කුකලන් කී දෙනෙක් බිලි දුන්නාද? ඔබ විවාහ වීමට බලාපොරොත්තුවෙන් සිටින්නෙක්ද? ඔබ කුකුලන් කී දෙනෙක් බිලි දීමට බලාපොරොත්තු වන්නේද? ඔබේ ෆන් එකට අහිංසක කුකුල්ලු බයිට් ද?

කුකුලා අහිංසක සතෙකි. කුකුලන්ගේ ප්‍රධාන සතුරා කලවැද්දාය. නරියද ඉදහිට සතුරුකම් කරන්නේය. ඒ වුනාට මිනිසා තරම් කුකුලට සතුරු කම් කරන එකදු සතෙක් වත් නැත. මිනිසාගේ ප්‍රධාන මාංශ ආහාරය කුකුලන්ය. කුකුලකු හීනෙන් දැක්කත් කොට්ටය තෙමෙන්නම කෙල හලන්නේය. ඒ තරමටම අපේ ඇත්තන් කුකුලන්ට පෙරේතය. මේ තරම්ම මිනිසුන් කුකුල් මසට ලොබ ඇයි දැයි සහෘදයට තේරුම් නැත.

විවාහ මංගල්‍යයක් කීවොත් ඉතින් හදන බඩු ලිස්ට් එකේ උඩින්ම ලියවෙන්නේ කුකුලන්ගේ කිලෝ බරය. ඔබ ලොකුවට ගන්න යන්නේ ඇත්තටම විවාහ මංගල්යලයක්ද බිලි පූජා දෙන තොවිලයක් ද? තොවිලයක් කීවොත් ඉතින් එන පෙරේත කුම්භාන්ඩයන්ට බිල්ලක් නොදී දෙන ලෙඩ දුක් අන වින නැති කරගන්න බැහැය කියන වනේ. ඉතින් කෝකටත් හෙනරාජ තෛලේ වගේ කුකුලගේ කරුමේ. ඔබේ විවාහ උත්සවයට ඔබ ආරාධනා කරන්නේ කුම්භාන්ඩයන්ටද? නැතිනම් කුකුල් පෙරේතයන්ටද?

ස්වභාව ධර්මයට අනුවද ජෛව විද්‍යාවට අනූවද තව සතෙක් තව සතෙකුගේ ආහාරයෙකි. සැබෑය මිනිසාද සතෙකි. හැබැයි ආධ්‍යාත්මක ධර්මයන්ට අනුව නම් සත්ව ඝාතනයන්ට විරුද්ධය. "ආධ්‍යාතත්මක ධර්මයන්ට අනුව ඉතින් සියළු දේ සිතුවහොත් කන්න වෙන්නේ පස් තමයි". ඒ තමයි කුකුල් පෙරේතයන්ගේ ප්‍රධාන සටන් පාඨය. ගෞතමයන් වහන්සේද ආහාරය පිණිස මාංශ අනුබවය අකැපයි කියා නැත. නමුත් ප්‍රාන ඝාතනය අකුසලයක් ‍ලෙසත් ඒ පවු ගොනු බැදි රියසක මෙන් පසු පස එන බවත් පෙන්වා දුණි. උන්වහන්සේද සූකර මාංශ වැලදුවේය. ඒ මාංශ පෙරේතකමකට නම් නො‍වේය. ඒ දන් පිනිස පිලිගැන් වූ යමක් ප්‍රතික්ෂේප කිරීම නොමනා නිසාය. ඒ වගේම ඒ පවු එදිනම පල දී දරුණූ උදර රෝගයකට උන්වහන්සේ මුහුණ පෑවේය. (එම දහම් කථාව නොදත් අන්‍ය ආගමිකයෙක් වෙතොත් ඒ පිළිදව දන්නා අයෙක්ගෙන් අසා දැනගත්වා)

පවු පින් කෙසේ වෙතත් මෙලොව ජීවත්වන හැම ජීවියෙකුටම ස්වාධීනව ජීවත් වීමට අයිතියක් ඇති බව උසස් චින්තනයක් ඇති මනුස්සයා නම් සතා දනී. අන් සතුන්ට වඩා ද අවුරුදු දහස් ගනනකට පෙර සිටි මිනිසුන්ට වඩා ද වර්තමාන මිනිසා බුද්ධිමත්ය. ඉතින් මිනිසාගේ ආහාරය පිනිස ඕනෑ තරම් ගස්ගෙඩි ද ඵල වැල ඇත්නම් තවත් කුමට අහිංසක සතුන් මරන්නේද? ආහාර අහේනියක් හෝ ආහාරය පිනිස වෙන විකල්පයක් ඇත්තෙම නැතිනම් මෙවැනි මාංශ විකල්පයකට යා යුතුවෙයි. එවිට ආධ්‍යායත්මක ධර්මය දෙවැනි වී ස්වභාව ධර්මය පෙරට ඒය.

නමුත් ඔබට ආහාර අහේනියක් නැත. කුකුලන් ද අනෙකුත් මාංශයන්ගෙන්ද ‍තොර ඉතාම උසස් විවාහ මංගල්‍යයක් ඔබට ගනු හැකිය. ඒ සදහා ඕනෑ තරම් ප්‍රණිත ආහාර ඇත. එසේ ඕනෑතරම් ආහාර තිබියදීත් ඔබ ඔබගේ ප්‍රීතිය තකා අහිංසක කුකුලන්ගේ පිළිගද මස් ගොබ ඔබගේහිතවතුන්ගේ කුසට ඔබන්නේද? ඔබගේ විවාහය ට කුකුලන් බිලිදිය යුතුමද? ඔබගේ බෝතලේට කුකුලා බයිට් විය යුතුමද? පවු පින් ලෙසත් නොව විද්‍යාත්මකවත් නොව මනුෂයකු ලෙසින් මනසින් සිතන්න. සහෘදයාගේ පැතුම, ඔබගේ විවාහ උත්සවය කුකුල් රුධිරයෙන් තොර විවාහ මංගල්‍යයක් වේවා.

BAR TABLE

2009-11-20T15:52:00.002+05:30

සහෘදයාට හිතුනා සහෘදයා හදපු ත්‍රිමාණ ආකෘති කිහිපයක් සහෘදයන් එක්ක බෙදාහදා ගන්න. ඔන්න අද ඉදන් සහෘදයාගේ 3D Models. මේ සහෘදයා නිවසකට හදපු Bar Table එකක ත්‍රිමාණ ආකෘතියක්.

සිත්තරා මමයි

2009-11-19T16:09:00.008+05:30

රූසිරි වර්ණනාව සුරගන පරදන

සප්තස්වරයෙන් ගයමි මෙමා
සිහසුන අතහැර සියොලග පෙම ගෙන
සිහගිරි පවුවෙන් බැස ආදා

නිල් උපුලී නිල් නෙළුම් නෙලා
නිල් දිගැසින් වට හොරෙන් බලා
නිල් දියමත්තේ ලැමත් තෙමා
මා වෙත ආවෙද නැකත් බලා

සදරැස් මෙන් හැඩ ඇති රේඛා
සද එළියෙන් හැඩවුන රේඛා
නුබෙ ගත ඇති කෝමල රේඛා
තව ඇත සිත්තම් කල රේඛා

මල්වර උත්සව හා චාරිත්‍ර වාරිත්‍ර ඉදිරි පරම්පරාවටත් රැකගන්නවාද?

2009-11-17T10:17:00.003+05:30

සති දෙකකින් විතර මොකවත් ලියන්න බැරි වුනා. මොකද සහෘදයා රාජකාරි මට්ටමින් කාර්යය බහුලත්වයකට පත් වෙලා හිටිය නිසා. ලියන්න නම් ගොඩක් දේවල් තියෙනවා. අද ලියුව එක නම් ටිකක් දෙගෙඩියාවෙන් ලියුවේ. මොකද මේ වගේ මාතෘකාවක් පිලිබදව කථා කරන්න මට තියෙන අයිතිය මොකද්ද තියන එක පිළිබදව කවුරු හරි ප්‍රශ්ණ කරන්න ඉඩ තියෙන නිසා. මම දන්නෙත් නැහැ මට ඇති අයිතිය මොකද්ද කියලා නමුත් හිතන්න තහන්චි නැති මුත් ලියන්න තහන්චි නැති මුත් මාගේ සිතිවිලි කුමක් අරබයා සගවා ගෙන සිටිම් ද?

මට මේ කථාව ලියන්න හිතුනේ ලග දී දැක්ක මල්වර වීමේ උත්සවයක් නිසා. ගැහැණු ළමයෙක් වැඩැවියට පත් වෙලා ලග ගෙදරක. ඉතින් ඒ ගෙදර ලොකු පාටියක්. හරියට 1st class වෙඩින් එකක් වගේ. එදා රෑ අපිට නින්දක් නැහැ. තුන්ලෝකෙටම ඇහෙන්න මෙලෝ රහක් නැති දඩ බඩ DJ එකකට කට්ටියම හොද පදමට දාගෙන හූ කිය කිය ජෝගි නටනවා. මට අනේ අපොයි කියලා හිතුනා. පව් අර අසරණ දැරීවි.

ගැහැණු දරුවෙකු වැඩිවියට පත් වීම යනු එම දැරිවියගේ ශරීර අභ්‍යන්තර මූලික ශරීරයේ වෙනස් කම් කිහිපයක් ඇතිවීමකි. නැතහොත් එම තැනැත්තියගේ ශරීරය ප්‍රජනන ක්‍රියාවලීයට පූර්ව සූදානම් බව ජීව විද්ය්‍යාත්මකව හැගවීමකි. එම ජීව විද්ය්‍යාත්මක ක්‍රියාවලීය මූලික කරගෙන රෝත්ත බුරුත්ත පිරිවරා සැමරීට තරම් දෙයක් ඇති බවක් නම් මට පෙනෙන්නට නැත.

අඩු වයසින් වැඩිවියට පත් වන අවස්ථා වර්ථමානයේ සුලබ දෙයක් බවට පත්ව තිබේ. එයට හේතු වශයෙන් අධික තෙල් ආහාර හා කෘතීම ආහාර චර්යාවන්ට හුරු වීමත් ලිංගික උත්තේජනයන් ඇති කරන්නා වූ සමාජීය සාධක ත් බලපාන බැවු සමාජ විද්ය්‍යාඥයින්ගේ මතයයි. කෙසේ නමුත් වයසින්ද මනසින්ද ළදරු වයසින් වැඩිවියට පත් වීම යනු එම දරුවාට තේරුමක් ගෙන නොදෙන්නක් විය හැකිය. ඒ වගේම සහෝදරයින් පියා හා පිරිමි ඇසුරින් ඈත් කිරීමෙන් ද දවස් ගනන් කාමරයකට දමා කාමර අඩස්සියේ තැබීමෙන් ද පිලි ආහාර සහිත ආහාර රටාවන් වෙනස් කිරීමෙන්ද තමාව දැඩි පාලනයක ලක් කර ඇති බවද එම සෙල්ලක් කාර වයසට දරා ගැනීමට නොහැකි විය හැකිය. එසේම එය ළමා මනසට දැඩි වෙහෙසකර වූත් මානසික ආතතියක් ඇති කරන්නා වූත් ක්‍රියාවලක් වීමට ද පුළුවන.

අපට චාරිත්‍ර වාරිත්‍ර ගතිගුන හා ගුණාංගයන් ලැබෙන්නේ අපගේ දෙමාපියන් ඇතුළු වැඩැහිටියන්ගෙනි. මෙවැනි මල් වර උත්සව හා චාරිත්‍ර වාරිත්‍ර ඒ කාලයට සුදුසු බසුබිමක් තියෙන්න ඇති. එකල සමාජයන් මේ තරම් සංකීර්ණ නැත. ඒ වගේම ඒකල නිසි වයසට අනූව එවැනි මල්වර වීම් සිදුවෙන්නටත් ඇති. එම සිදුවීමට අදාලව භාහිර සමාජයෙන් වෙන් කර තබන්න ඇත්තේ එම ජීව විද්ය්‍යාත්මක ක්‍රියාවලීය තුල ඉතාමත් කෙටි දින කිහිපයක් ඇතුලත එම තැනැත්තියගේ ශරීරයේ හැඩය වෙනස්වීම (ලැම ඉස්සීම) වැනි ක්‍රියා නිසා සමාජය ඉදිරියේ එම තැනැත්තිය අපහසුතාවයකට පත් වෙතැයි සිතා විය යුතුය. තවද ප්‍රථම වතාවට සිදුවන රුධිර ක්‍රියාවලීය නිසා එයට හැඩගැසීම උදෙසාත් ඇය එම දින කිහිපය නිවාස අඩස්සියේ තබා ගැනීම සාධාරන හේතුවක් විය හැකි නමුත් ඇය ගෙදර තුලත් කාමරයකට කොටු කර තැබීම කෙතරම් සාධාරනදැයි සිතීය යුතුය. තවද පුද්ගලික සනීපාරක්ෂාව ඉතාම ඉහල මට්ටමක තබා ගත යුතු මෙම දින කිහිපය තුල ස්නානයට පවා අවසර නොදී නැකත් දිනයක් උදාවන තුරු සිර මැදිරියක මෙන් රදවා තැබීමද පිළී ආහාර නොදීමද කොතෙක් දුරකට නිෂ්ඵල ක්‍රියාවක් ද හා කොතෙක් දුරකට සාධාරන ක්‍රියාවක් දැයි සිතීය යුතුය.

මෙවැනි තත්වයක් ඇතිවුන විට සිදුවිය යුත්තේ ඇ‍ගේ අම්මා හෝ වැඩිහිටි කාන්තාවක් විසින් එම එම තත්වය පිලිබදවත් එය ඇතිවීමට හේතුත් මින් ඉදිරියට ඈ හැසිරිය යුතු ආකාරයනුත් හා එම තත්වයට අදාල සියළු කරුණු කාරනා තේරුම් බේරුම්කර දී ඇය පිරිසිදු කර සාමාන්‍ය ලෙස හැසීරීමට උපදෙස් දීමය. එසේ නොමැතිව බරපතල අපරාධයක් කල තැනැත්තියක මෙන් සිරගත කිරීම හෝ ඇග බැදී හෝ ජෝගී නැටීමට කාරනයක් කර ගැනීම නොකල යුතුය.

මෙලොව වෙසෙන සෑම ස්ත්‍රියක් පාහේ මුහුණ දෙන මෙම අවස්ථාව විශේෂ කාරනයක් කර ගෙන එය සමරන්න තරම් දෙයක් නැති බව දැන දැනත් තවමත් අප ඒ හා බැදි මෙම නිෂ්ඵල චාරිත්‍ර වාරිත්‍ර සියල්ල සුරකින්නේ ඇයි දැයි මට නම් නොහැගෙයි. අප අපගේ පරම්පරාවන් වලින් ලැබුණු චාරිත්‍ර වාරිත්‍ර රැකගෙන අපගේ ඉදිරි පරම්පරාවන් හටත් ලබා දිය යුතුය. එය අපගේ යුතුකමකි. නමුත් අපට ලැබෙන සියල්ල විමසීමකින් හෝ වග විභාගයකින් තොරවම අප ඉදිරියට ගෙන යා යුතුද? අපගේ දූවරුන් ද මෙලෙස වධ බන්ධනයකට ලක් කල යුතු බව ඔබත් සිතනවාද?

නොකල වරදකට දඩුවම් දීලා මා හට

2009-11-05T11:00:00.002+05:30

මගේ රන් කද කොහේ ගියාද මටවත් නොකියා
මගෙන් දුකක් ඇති උනාද අනේ මන්දා
අනේ ඒම නම් දුප්පත් මා ගැන හිතලා
එකම වරක් ඇවිත් යන්න සමාව දීලා

නොදැක ඉන්න බැරි තරමට පෙමින් ලංවුන
රත්තරං දෑසේ කදුළුැල් බිම වැටුනද
නොදොඩා එකම වදනක් වත් මා හට
ගියේ ඔයා මුසා බසක් අහලද

කදා වළුලු රන් මිණිමුතු අගේ නැති මට
ලය සන්තක වස්තුව වුනේ මගේ රන්කද
නොකල වරදකට දඩුවම් දීලා මා හට
ඔයා රත්තරං එන්නේ නැතිද ආයෙම

වශී බන්ධන ගුරුකම් හා සංඝරත්නය

2009-10-30T11:44:00.003+05:30

පත්තරයක් ගත් විට වාර්ථා හා කාලීන සිදුවීම් වලටත් වඩා දැන් බහුලව දක්නට ඇත්තේ පිටු පුරාවට වශී ගුරුකම් හා ගුප්ත ක්‍රීයාකාර කම් පිලිබදව දැන්වීම්ය. සියළු දේ කෙරෙහි විදය්‍යාත්මකව බලන මේ කල්හී මෙවැනි ගුප්ත කර්ම පිළිබදව විද්‍යාවන් හා ගට්ටනයක් නැතුවාම නොවේ. මෙවැනි ගුප්ත කර්ම වල ඇත්ත නැත්ත සත්‍යය අසත්‍ය තාව පිළිබදව මා දන්නේ නැත. ඒ පිළීබදව මාහට අත්දැකීම් නොමැති නිසාවෙන් ඒ ගැන තර්ක කිරීමෙන් ද ඵලක් නැත. නමුත් පත්තරවල තියෙන ගුප්ත දැන්වීම් පිළිබදව නම් බොහෝ දේ කථා කල හැකිය.

ගුප්ත ක්‍රියාකාරකම් මගින් දුගී දුප්පත් අසරණ දරුවන්ට උදවු උපකාර කරන්න මොවුන් සියළු දෙනාම දේශපාලඥයන් මෙන් ජාතික පත්තර මගින් පොරයකට වැටී තිබේ. මොවුන් සියළු දෙනාගේම දැන්වීම් බහෝදුරට ඒක රූපීය. එකම Template එකය එහි ඇති නම් පමනය වෙසකට ඇත්තේ. බොහෝ දැන්වීම් වල ලිපිනයන්ද එකම ගමක ලිපිනයන් ය. මොවුන් සියළු දෙනා රෝඩී කියයි, හුලවාලී කියයි, නීච කුල කියයි. අතීතයේ පැවති කුල බේදය වර්ථමානයේ සමාජයෙන් මැකී යන කාලයක මෙවන් පුද්ගලයන් එම නීච කුල යන වචනයම ගෞරව නාමයක් මෙන් තම නමට ඈදෑ ගැනීමට පෙළබී ඇති බවක් පෙනෙන්නට තිබේ. තවද මොවුන් සියළුදෙනාම ඕනම කෙනෙකුට ගුප්ත බලය මගින් අභියෝග කර තමාගේ ගුප්ත ශක්තිය ප්‍රදර්ශණය කරන බවද පවසයි. සත් සමුදුරෙන් එහාටද තමාගේ බලපරාක්‍රමය බලපවත්වන බවත් පවසනු ලබයි. ඉතින් මොවුන් කොතෙක් පුරසාරම් බෑවද කවරෙකුවත් අභියෝග බාරගත් බවක් වත් ප්‍රසිද්දියේ තම බල පරාක්‍රමය පෙන්වූ බවක් වත් දක්නට නැත.

නිතරම චන්ද පරදින වැලේ වැල් නැතිව ඉන්න දේශපාලඥයින් ද මොවුන්ගෙන් සේවාවක් ගන්න බවක් පේන්න නැතිය. ඒ වගේම බලයේ සිටින අයට විරුද්ධ පක්ෂයට වඩා මෙම ගුප්ත කරුවන්ගෙන් ප්‍රවේශම් විය යුතුවෙයි. මොකද මේ තරම් බල පරාක්‍රමයන් ඇත්තෙක් පාලක පක්ෂයට වශීයක් හෝ ගුරුකමක් මගින් නූල් පන්නා දෙහි කපා සිංහාසනාරූඩ වීමට ද බැරි කමක් නැති නිසාය. තවද මානූෂීය මෙහෙයුම කාලයේ ප්‍රභාකරන් ලොක්කා හොයන්න ජීවිත පරිත්‍යාගයෙන් වලි කෑ වේලේ අදුන බලන පොඩි හාමුදුරුවන් ලව්වා ෙලහෙසියෙන්ම ඒ ගොන් ඩෝලා සිටිය ඉසවුව බලාගන්න තිබුනේය. අවාසනාවකට යුධ හමුදාපති තුමා හෝ ආරක්ෂක ලේකම් තුමා අදුනෙන් බලන තාක්ෂණය ගැන නොදැන සිටින්න ඇති. ඒත් දැන් වුනත් කාලය තියේ. ඔන්න මේ ගුප්ත සාස්තරය ප්‍රගුණ කල ඇදුරුතුමන්ලාගෙන් කවුරු හරි ඉදිරිපත් වෙලා ලංකාවට කුඩුකේට්ටු කම් කරන හිලරි ‍දැරීවිව දැලේ දාගන්න සත් සමුදුරෙන් එහාට බලපවත්වන වශීයක් කලොත් ඔන්න නියම වැඩකාරයෙක් කියන්න පුළුවන්. හිලරි කිකිළීව දපනේ දා ගත්තොත් වැඩේ ගොඩේ ගොඩය. තවද ජිනීවා වැනි ජගත් සංවාද සංවිධාන ආමන්ත්‍රනය සදහා රාජ්‍ය අමාත්‍ය වරුන් යවනවා වෙනුවට වෙමැනි වශී ගුරුකම් ලා කෙල පැමිණිය අයෙක් හෝ කාන්ඩයක් යවන්නේ නම් මහත් ඵල මහත් ආනිසංස ලබා ගනු හැකි වෙනු ඇත. ඒ සදහා වැඩේ හරි ගිය පසු තැපෑලෙන් නොව ගෙදරටම ලක් වාසී සියළු දෙනාම පුද පඩුරු හා පූජා භාන්ඩ සපයා වී. ම්....ඒකෙන් කාරි නැහැ.

කවුරු නීච වුනත් කවුරු රොඩී වුනත් අපට කම් නැත. මනුසත් කම මිසක අපට කුල ප්‍රශ්නයක් නැත. නමුත් බෞද්ධයන්ගේ උත්තරීතර සංඝරත්නය රොඩීන්ගේ නීච කුලයන්ගේ රැකියාවන් කරන තැනට පත්වනු බලාසිටීය නොහැක. බුදුන් වහන්සේ ධර්මය දේශනා කලේ වශී මන්ත්‍ර ‍ජප කිරීමෙන් නොවේ. දුගී ජනයාගේ සිත් සුවපත් කලේ දෙහි කැපීමෙන් නොවේ. තමාගේ පිහිට පතන ජනතාව සොයා ගියේ අදුනින් බලා නොවේ. ඒ වගේම ගිහිගෙයින් නික්මී සිවුර දෙවුර ලා පැවිදි දම් පුරන්න සාසනාරූඩ වන්නේ මුදල් හම්බ කිරීමට නොවේ. තමාගේත් හත්මුතු පරම්පරාවේත් ලෝවැසි ජනයාගේත් නිවන් අවබෝධය පිණිස දහම් අවබෝධය තකාය. නැතුව හැර ගිය පෙම්වතා ගෙනත් දෙන්නවත් රූබර ලදකගේ ඇසුර තව කෙකුට ලබා දෙන්නවත් නොවිකෙන ඉඩම් කාගේ හෝ ඇගේ ගසා දීමටවත් තම විරැද්ධ වාදියාට පාඩමක් උගන්වා උගේ ජීවිතය කාලකන්නි කිරීමක් කර දීමටවත් නොවේ. අදුන බලා සොරුන් අල්ලන්න දනීනම් ඔහු පැවිදි දිවියට නොව රහස් පොලීසියට අනියුක්ත විය යුතුය. එමගින් විශාල මුදල් සම්භාරයක් සොයාගැනීමට හැකිවාක් පමනක් නොව රටට විශාල සේවාවක් කිරීමටද අවස්ථාවක් ලැබේ. සිවුර දරා මෙවැනි ගුප්ත වැඩ කිරීමෙන් සාසනයටද අගෞරවයක් සිදු කරනු ලබයි. සංඝරත්නය මෙලෙස බාල බොළද වැඩ කිරී‍මෙන් වෙනත් ආගමිකයින් සිතාවී මෙයත් මේ බුදුන් දේශනාකල ධර්මයක් මැයෙන්. ඉතින් උත්තරීතර නිර්මල බුද්ධ දර්මයේ නිර්මලත්වයට කුමක් සිදු නොවේද? තවද මෙවැනි සංඝරත්නය සම්බන්ධ දැන්වීම් ප්‍රසිද්ධ මාධ්‍යයන් මගින් ප්‍රචාරය කිරීමෙහි වාරණයක් යොදන්න බැරිද? සාසනයේ විනය පාලනයට කුමක් සිදුවීද? මෙලෙස ඩෙගා නටන ස්වාමීන් වහන්සේලා කෙරෙහි විනය ක්‍රියා මාර්ගයක් ගැනීමට නායක ස්වාමීන් වහන්සේලා හෝ භික්ෂු විනය පාලක ස්වාමීන් වහන්සේලා ඉදිරිපත් නොවන කාරනයක් වටහා ගනු ෙනාහැකිය.

Cookery යාවී කාලේ සොකරී

2009-10-27T14:31:00.002+05:30

ඔන්න තවත් අළුත් විදිහේ සංදුවක් ලිවුවා. මේක මේ චින්ති ලොක්කගේ Style එකට නව පන්නයේ ඔය Show එක දාන කෙල්ලෝ ගැන ලිපු එකක්. දන්නවනේ Tea එකක් වත් හදා ගන්න බැරි කෙල්ලෝ ඉනන්වනේ ලංකාවේ දැන්. ලෝකේ නැති පාට ගොඩක් ඇස්වලයි බැමිවලයි අරවගෙයි මේ වගෙයි උලාගෙන තුන්කාලේ ඩෙනිමක් ලිහිසි තෙල් හරි මොනා හරි දාලා යන්තම් උඩට උස්සගෙන MAYA 64 Bit දාලා කොල්ලගේ Pocket එකටත් විදලා ඌටත් Boot එක තියලා අන්තිමේදි කසාද බදින්න කිට්ටු වෙනකොට Cookery Class යනවා. ගිහින් මොනාද ඉගෙන ගන්නේ පොල් සම්බෝල හදන්න. අහ් මෙයාලගේ කටේ අර කොහොල්ලෑ ගුලියයි Sorry අනේ Word එකයි නම් නැතිවේන්නෙම නැහැ. හනේ.........ලංකාවට වෙච්ච දේ.....කියවලා බලන්නකො R&B වගෙ Beat එකක් හිතේ තියාගෙන.

හීනි ඉග සුග මීන නෙතු යුග
මනමත් කරවන බැලුම් හෙලා
මුසා දොඩා පෙම් හද් රිදවා
Cookie කාවී නව නාරී

පුදුමයි ලෝකේ නව නාරි
සාරී ඔසරී ඇ නාදී
කාලී වාගේ හැඩ වැඩ වී
පාරේ යාවී කාලේ සොකරී

පුදුමයි ලෝකේ නව නාරි
ගෝරී දාවී කියා Sorry
නොදනී කියා හරි හැටි recipe
Cookery යාවී කාලේ සොකරී

මල් රැජින

2009-10-24T10:53:00.003+05:30

සියොලගම හිරිගඩු පිපෙන සීතලම සීතල හිමිදිරි පාන්දර හිරු රැසින් ඉදුල් නොවුනු දුහුල් මීදුම් සේල අතරින් විකසිත වන්නනට අර අදින සුදුපාට පුංචි පුංචි මල් පෙති වගේ සීතලේ ගැහි ගැහි පිය මනින මල් කෙල්ලන් අතරේ මල් රැජිනක් වගේ. සුළගට එරෙහිව දගකරන මල් රේනු වගේ දගකාරකම. තුෂාරාවන් ගෙන් ප්‍රීති ප්‍රමෝදයට පත් බට්ටිච්චන් මෙන් කිචිබිචි ගාන්න සලිත කරනා තොලගේ කැල්ම. ආල වඩන්න හිතෙන ඒ හුරතලය. උපමා උපමේය නොදන්න පුංචිම පුංචි හිතක් එක්ක ආලවඩයිද ඒ මල් රැජින.

කුමරියේ මල් මල් විලේ
පිපිලා මල් කෙල්ලන් අතරේ
මල් රැජිනක් වී හිම මීදුමේ
නොඉදුල් මල් සුව සීතලේ

රගදෙන මල් රොන් සුළගට
දග වැඩි එයි ඔය තරමට
හරිම බොලද නුබෙ හදවත
සත්තකින්ම වටිනවා මට

පොපියන දෙතොළග කැල්මට
උපමා නැහැ තව මිහිමත
ආලවඩන පොඩි හිතකට
දෙනවද ඔය මල් රොන් සුව

පූජා වී නැත තාමත් අශෝකමාලා

2009-10-22T16:40:00.020+05:30

සාලිය අශෝකමාලා දෙන්නාව කවුරු කවුරුත් දන්නවා නොවැ. ශ්‍රී ලාංකීය ආදරණිය පෙම් පුරා වෘත්තයන්ගේ සදාතනික පෙම් වෘතාන්තයක් නොවැ. මටත් හිතුනා ටික වෙලාවකට සාලිය කුමරා වෙන්න. මම ගියේ ඉස්සෙල්ලාම සාලිය කුමාරයාට අශෝකමාලාව හම්බ වුනාය කියල හිතින් මවා ගත්ත ස්ථානයකට. කොටින්ම කියනවනම් දෙන්නා Scene එකට ඉස්සෙල්ලාම Enter වුන තැනට. ඒ වේලාවෙදි අපි අතරේ සිදුවුන දෙබස තමයි මම පහතින් පෙළ ගස්සවලා තියෙන්නෙ.(පරණ සිංහල හරි පරණ හිංදි හරි චිත්‍රපටයක ගීතමය ජවනිකාවක් කියලා හිතාගන්නකෝ)

ඔන්න සාලිය කුමාරයා අශ්වයා පිටින් ටක්කුට ටක්කුට ටක්කුට කියල ගමනක් යන ගමන් ලස්සන ගැහැනු ලමයෙක් දැකලා Break පාරක් ගහනවා. අශ්වයා බුහේ..හ්.එහ්..එහ්..හොග්..බුකුන් බුකුන් කියල සද්දයක් දලා (හේෂාරව ) අශ්වයා නවතිනවා. සාලිය කුමාරයා අශ්වයා පිටින් බහිනවා. අශ්වයා පිටින් බැහැලා වටපිට ටිකක් බලලා කාරිය ගැහැනු ලමයා ලගට කිටුවෙනවා. ලමයා මල් කඩ කඩ ඉන්නෙ. (Mobile එකෙන් නම් නෙවෙයි ) හැබැයි මේ වෙනකොටත් සාලිය කුමාරයා අශෝක මාලා නම් රුවැත්තිය ගැන කනින් කොනින් අහලා තිබුනේ. ඒත් දැකල නම් තිබුනේ නැහැ. ඒ උනාට අහල තිබුන විස්තර අනූව අනුමාන කර ගන්න අපහසු උනේ නැහැ මේ අර කිව් රුවෙත්තිය බවට. ඔන්න දැන් ගීතමය දෙබස පටන් ගන්නවා..ෂ්..ෂ්..ෂ්..ෂ්..ෂ්..ෂ්.ෂ්

සාලිය              - අශෝක මාලා නුබදෝ මේ පුර වෙසෙනා
                           අසා තිබුණි නැත එනමුදු කිසි දින දැකලා
අශෝකමාලා    - අශෝකමාලා මම මල් මාලා ගොතනා
                          නොදනිමි නුබ කවුරුද මට කියන්න කුමරා

සාලිය              - මල් අතරට මලකී නුඹ අශෝක මාලා
                          මල් නෙලාන පලදිනවද කියන්න මාලා
අශෝකමාලා   - හරිම තුටක් ඇතිවුනා නුබේ ඒ බස් අහලා
                         බුදු සමිදුන් නමදිනවා මේ මල් තියලා

සාලිය              - මල් පිපෙන්නෙ බබරුන්ටයි දන්නවද ඔයා
                          බබරෙකු හට හිත දිලද අශෝක මාලා
අශෝකමාලා - බබරුන් කෙතරම් ආවත් ගීතිකා ගයා
                         පූජා වී නැත තාමත් අශෝකමාලා

කරන්නන් වාලේ කරන්නට ගොස් ඇන ගත්තු Reality පෙරහැර

2009-10-21T14:41:00.001+05:30

වර්ථමානයේ රූපවාහිනී මාධ්‍යය ය තුල Reality Show නැතිවම බැරි අංගයක් වී ඇති තැනට කටයුතු සිදුවී ඇත. ඒ නිසා විය යුතුය එකෙක් පරයා තව එකෙක් අනෙකාට නොදෙවෙනි වන ලෙස Reality Show කරන්නට පෙළබී ඇත්තේ.

ස්වකීය දේවල් ඉදිරිපත් කිරීමට තරම් ධෛර්යයෙන් මද සිරස කොහෙන් හෝ පිට රටකින් කුමක් හෝ කසල ගොඩක් උස්සාගෙන විත් අපේම දෙයක් මෙන් ඉතාමත් මනස්කෘත සැරසිලි මගින් ආවරනය කර දෙනෙත් හරහා අපගේ හිස් තුලට බ‍ලහත් කාරයෙන් ම ඔබ්බවනු ලබයි. අපිද ඒ සිරිකිතයන් තළු මර මර රසවිදින්නෙමු. එලෙස ගෙනා එක් වැඩසටහනකි Sirasa Super Star. එය කොතෙක් දුරකට ජනප්‍රිය වූයේද යත් දැන් හැම චැනල් එකකම කුමක් හෝ Star වැඩසටහනක් ඇත. ස්වාධීන රූපවාහිනිය , දෙරණ රූපවාහිනිය, ස්වර්ණවාහිය හා ජාතික රූපවාහිනියද මේ ආකාර අනුකාරක වැඩසටහන් ඉදිරිපත් කලාද කරමින්ද සිටී. නමුත් ඔවුන් කාහටවත් සිරස තරම් ලස්සනට මේවා පාර්සල් කිරීමට නොහැකි නිසාවෙන් තවමත් මෙහි අංක 1 ස්ථානය සිරස සරි කරගෙන ඇත. එහි විවාදයක් නැත.

ස්වර්ණවාහිනිය තමන්ගේ බල පුළුවන් කාරකම රටටම පෙන්වන්න සතියේ එක දිනකට පමනක් සීමා නොවී සතියේ දින 5ක් පුරාවට නෙක නෙක Reality වැඩසටහන් ඉදිරිපත් කරන්නට යෙදුනි. ජයග්‍රාහකයන්ට අසීමිත වටිනාකම් වලින් යුත් තෑගි බෝග ඉදිරිපත් කරන ලදි. Loving star කියා ඉතාමත් ජරාකෘත වැඩසටහනක් ඉදිරිපත් කර ඇන ගත්තේය. Shadow Star, Siging Star, Comedy Star, Talant Star කියා නොයෙක් නම් වලින් ඉදිරිපත් කොට අපට රෑ අහසේ තරුවක් දැක්කත් මල පනින තරමටම Stars එපා කරවීය. Twinle twinkle little star සින්දුව ඇහුනත් දැන් යකා නගින්නේය. ඒ තරමටම ඒවා මෙලෝ රහක් නැති ගුනාත්මක බවින් මද (Low Quality) වැඩසටහන් ගොන්නකි. කෙටියෙන්ම කිවුවහොත් කරන්නන් වාලේ කල වැඩසටහන් මාලාවකි. තමන්ගේ වත්කම් හා ඇති හැකියාවන් පුරසාරම් දොඩන්න ඉදිරිපත් කල වැඩසටහන් මාලාවකි. එහි ගුනාත්මක බව කොතරම්ද පහත් ද කියා අවසන් මහා තරගයේදි මනාව විද්‍යාමාන විය.

දක්ෂ වෘත්තීය නිවේදකයකු වන ලහිරු එදා නිවේදනය කරනවා වෙනුවට බෙරිහන් දී කෑ ගසා ඉල්ලාගෙන කෑවේය. වෘත්තීය නිලියක වන අනුෂා ලහිරුට වඩා කැපීපෙනෙන ඉදිරිපත් කිරීමක් කලේය. Siging Star වලින් අවසන් මහා තරගයට ඉදිරිපත් කල තිදෙනා නම් මේලෝම රහක් නැත. ඔවුන් අවසන් මහා තරගයට තේරීපත් වුනේ සැබැවින්ම SMS මගින්ද නැතහොත් සංවිධායක වරුන්ගේ ඕනෑ එපා කමකටදැයි අපි නොදනිමු. SMS මගින් තේරුන අයනම් මීට වඩා ආකර්ශනීය වුත් දක්ෂවූත් ගායනයක් එදා ඉදිරිපත් කල යුතුව තිබිණි. නමුත් එය එසේ නොවිනි. තවද වේදිකාව මත ශබ්ද පරිපාලන‍යෙහි (Sound Controling) කිසිදු වෘත්තීය බවක් නොදුටුවෙමු. එමගින් තරග කරුවන් තිදෙනාගේ හැකියාවන් තව දුරටත් පහත හෙලන ලදි.

දෙරණ Dream Star සිරස Super Star යම් ගුනාත්මක බවක් රදවාගෙන මෙම Reality වැඩසටහන් ඉදිරිපත් කරනු ලබයි. සිරස තරුනයන් කැමරාව ඉදිරියේ ප්රාහසනයකට ලක් කලත් ‍නොකා නොබී බලා සිටීය හැකි ලෙසත් සවන් දිය හැකී ලෙසත් තම වැඩසටහන ඉදිරිපත් කරනු ලබයි. සිරස තරුනයන් කැමරාව ඉදිරියේ ප්‍රහසනයන්ට ලක් කිරීම ගැන වෙනම සාකච්චා කර යුතුව තිබේ. ඒ සදහා මෙම ලිපිය අවස්ථාවක් කර නොගනිමි. තවද දෙරණ Dream Star වැඩසටහන පලමු අදියරයට වඩා ගුනාත්මක බවකින් මේ වන විට සුමදුර ලෙස ගලා යන බවක් පෙනෙන්නට තිබේ. එහි ප්‍රහසනයන නැතිය. ශබ්ද පරිපාලන‍යෙන් ද ඉදිරිපත් කිරීමේ ගුනාත්මක බවින්ද ඉහල මට්ටමක පවත්වාගෙන යාමට සංවිධායකයන් උත්සහයක් ගන්නා බවක් පෙනෙන්ට තිබේ. එමගින් නවකයන්ගේ හැකියාවන් තව දුරටත් ත්‍රිවුර ‍කරනු ලබයි.කොපි කෙරුවත් එය හරියට කොපි කර ඉතා රසවක් වූත් ආකර්ශනීය වුත් වැඩසටහන් ඉදිරිපත් කරන්නේ නම් මැනවිය. කරන්නන් වාලේ නොකර තියෙන දේත් නීරස නොකර වඩා හරවත් වූත් රසබර වූත් දෙයක් දෙන ලෙස අපි මෙම මාධ්‍යය ආයතනයන්ගෙන් ඉල්ලා සිටිමු.

මේ සා විසාල මුදල් කන්දරාවක් වියදම් කිරීමෙන් ඔවුන් බලාපොරොත්තු වන කාරනාවන් අපට හරි හැටි ධාරනය කරගනු බැරිය. නමුත් කිසිදු සුවිශේෂත්වයක් නැති මෙවන් තරග කරුවන්ට මේ සා විසාල මුදල් කන්දරාවක් වියදම් කරන වෙලේ අප වෙනුවෙන් මානුෂීය මෙහෙයුමේ අසීමිත කැප කිරීම් කල වීරෝදාර රණවිරු සහෝදර සහෝදරියන් වෙනුවෙන් යමක් කලානම් සැබැවින්ම ශ්‍රි ලාංකාවට අභිමාණයකි.

උපතින්ම දෙසවන් නෑසෙන්නන් කල්පනා කරනුයේ කෙසේද?

2009-10-20T09:46:00.002+05:30

අපට අදහස් ප්‍රකාශ කිරීමටද අදහස් හුවමාරු කරගැනීමටද අදහස් ගොඩනැංවීමටද ක්‍රම 3ක් ඇතැයි මම අනුමාන කරමි. ඒ නම්

1. ශබ්දානුකූල භාෂා මාධ්‍ය ය
2. චලන හෝ නිශ්චල රූප මාධ්‍ය ය
3. හස්ත හෝ ශරීරාංග චලන මාධ්‍ය ය

අදහස් ප්‍රකාශ කිරීමටද අදහස් හුවමාරු කරගැනීමට අපට ඉහත දැක්වු තුන් ආකාරයම උපකාර කර ගැනීමට හැකි වුවත් අප යම් සිතිවිල්ලක් ජනිත කරවීම උදෙසා මින් උපකාර කර ගනුයේ කිනම් ආකාරයද? මාගේ අදහස හැටියට නම් සාමාන්‍ය මිනිසුන් සාමාන්‍යයෙන් හිතනුයේ තම මවු භාෂාවෙන්ය. එවිට යම් ස්ථානයක්, වස්තුවක් හෝ සිදුවීමක් මතක් කර ගැනීමටත් උපකල්පනය කර ගැනීමටත් රූප මාධ්‍යය හෝ ශරීරාංග චලන මාධ්‍යය උපකාර කර ගත හැකිය. එය එසේ නම් උපතින්ම දෙසවන් නෑසෙන්නෙකු සිතනුයේ කුමනාකාරයටද? මක් නිසාද යත් ඔහුට කිසිදු ශබ්දයක් නෑසෙන හෙයින් ඔහුට ශබ්දමය භාෂාවක් නැති නිසාය. නමුත් ශරීරාංග චලනය මගින් ඔහුටද අන් අය සමග අදහස් ප්‍රකාශ කර ගැනීමට හැකියාව ඇත. එසේ නම් ඔහු සිතිවිලි ජනිත කරනුයේද ශරීරාංග චලන මාධ්‍ය ය කින්ද? එසේ යයි අනුමාන කරන්නේ නම් ස්ථාන නාම පද (උදා-මහනුවර, ඇමසන් වනාන්තරය) වැනි දෑ ඔහු සිතනුයේ කුමන ආකාරයටද?

සාමාන්‍යෙෙයන් අප ඇද උඩට වී කල්පනා කරනුයේ මවු භාෂාවෙන් නම් උපතින්ම දෙසවන් නෑසෙන්නෙකු කල්පනා කරනුයේ ද සිතනුයේ ද සිතිවිලි ජනිත කරනුයේ ද කුමන ආකාරයකටද? මට ප්‍රශ්නයක් වු මෙය ඔබටද ඇති වු ප්‍රශ්නයක් විය හැකිවාක් මෙන්ම මේ සදහා තාර්කික උත්තරයක් නැත්තවුන් සමහරෙක් මෙය මෝඩ ප්‍රශ්නයක් යැයි සිතා ඉවතලනු ඇත. ඉන් ඵලක් නැත. තර්කා‍නුකූල සෙ අදහස් ප්‍රකාශ කල හැක්කන් ඔබගේ වටිනා තර්කයන් ඉදිරිපත් කරන ලෙසත් මේ සම්බන්ධව විද්‍යාත්මක උත්තරයක් ඔබ දන්නවානම් හා ඒ සදහා මිඩංගු කිරීමට කාලයක් ඔබ සතු නම් මා හට එය පහදා දීමට කාරුණික වන ලෙසත් ඉල්ලා සිටිමි.

මමත් පෙම් වතෙක්

2009-10-19T16:25:00.001+05:30

චලන චිත්‍රවලින් නැරඹු, නව කථා වලින් කියවු ඒ සුන්දර පෙම්වතා වන්න මමත් කොයිතරම් සිහින මැවුවද. හුරතල් වෙන්න, රන්ඩුවෙන්න, සවාරි යන්න කොපමන හීන මැවුවද. මගේ ඒ සිහින මගේ නෙතු මානෙට ගෙන ආව අහිංසකම සමනලී ඔයයි, සදමෙන් සුන්දර මගේ පෙම්වතී ඔයයි. මගේ ඒ සිහින මාළිගා අහසේ පාවෙන දිලිසෙන තාරුකා මෙන් වර්ණවත් සිත්තමක් කල සිත්තරා ඔයයි. හරිම හුරතලේට බොලද කථා කවි ලෙසින් කියන්නේ මමත් පෙම්වතෙක් වුන ඉමහත් වු ඒ ප්‍රීති ප්‍රමෝදයෙන් නැහැවෙමින්.

මමත් පෙම් වතෙක්
නැහැ වෙමි ප්‍රථම ෙප්‍රමයෙන්
බොලද කථා හුරතලේට
කියමි කවි ලෙසින්

මගේ පෙම්වතී
අහසේ සදවතී
සොදුරු සිහින නෙතු මානෙට
කැන්දු සමනලී

සිහින මාළිගා
අහසේ තාරුකා
හදවත තුල සිත්තම් කල
සිහින සිත්තරා

චන්ද්‍ර චාරිකාවේ ශ්‍රි ලාංකිකයෙකුගේ සිහිනය

2009-10-16T08:36:00.003+05:30

මේක මටම වුන සත්‍ය සිදුවීමක්. අපි හදට ගිහින් 40 වෙනි අවුරුද්ද ද කොහෙද සැමරුවානේ ජුලි 20 වෙනිදා මට මතක හැටියට. අන්න එදා තමයි මේ සිදුවීම වුනේ. එදා ඉතින් දවසෙම ඇහෙන්නේ සද සද නීල් ආම්සිෙට්‍රා්න්ග් ඇපලෝ 11 ඇමෙරිකන් කොඩිය නාසා ආයතනය වගේ වචනනේ. ඉතින් මමත් අන්තර්ජාලය පීරලා චන්ද්‍ර ගමන ගැන විස්තර හෙවුවා එදා දවසෙම. ඒ අතරේ ‍ගොඩක් දුරකට පිළිගත හැකි සාදක තියෙනවා චන්ද්‍ර ගමන බොරුවක් ය කියන එක තහවුරු කරන්න. ඒවා ගැන පසු වෙලාවක කථා කරමුකෝ. කෝම හරි ඉතින් දවසෙම චන්ද්‍ර කථා අහල අහලා මට එදා රැ නින්දෙනුත් චන්ද්‍ර ගමනක් තමයි දැක්කේ. හැබැයි වෙනසකට තියෙන්නේ ඒ හීනේ ගගන ගාමියා ශ්‍රී ලාංකිකයෙක්. ‍ආඩම්බරයි නේද? හිහ්... හිහ්... හිහ්... මේ ලියන මම ම තමයි ගගන ගාමියා. හිහ්... හිහ්... අහ් කියවල බලන්නකෝ මගේ චන්ද්‍ර චාරිකාවේ තොරතුරු කෝමද කියලා.

නිහඩ රැයක නිදි දෙව් දුව මට කථා කලා
දෙනෙත පියන් ඇගෙ පහසට මම තුරුළු වුනා
ඇගෙ පහසින් සියොලග මගෙ මට අහිමි වුනා
තරු අතරින් සද ගාවට අපි ලගා වුනා

සදේ තැනක් පිරිමැද
දොරක් විවර කල ඇය
ඈත් එක්ක ඇතුල් වෙන්න මට අත දුන්නා
දොරෙන් ඇතුල වුන මම
දසුනින් ගැස්සුනා හදවත
රූබර සුර දූත ලියන් කෙලිදෙලෙන් ඇත

මේ සැබෑ සද මද
විගහින් බැලුවා වට පිට
සුර බවනේ බ්‍රාන්ච් එකක් මේහේ දාලද
අනේ මන්ද මා ගැන
මටත් දුමක් වැදිලද
කෝ එතකොට මං ගෙනාව ඇපල් යානය

නොරැදී එක තැන
මම දිවුවා හැමතැන
සැබැහින් දැක ගන්නට ඇමෙරිකානු කොඩිය
මට තියෙන කුලප්පුව
සදේ වත් නැහැනෙ නිසංසුව
පයලිස්සා ගිහින් වැටුනා සදෙන් පහලට

මගේ හුස්ම හිර වුනා
ගුවනේ පාවෙලා ගියා
ඒ එක්කම පෘථිවිය මත ගැටුනා දැනුනා
මම මැරිලා නැති නිසා
බැලුවා හොයලා කාරනා
බැලින්නම් මා ඇදෙන් වැටිලා දගලපු නිසා